Aumingja "UNI-TEDDAR"!

Já, ég verð nú bara að segja það núna, ljóta sæmið að þetta skildi fara svona fyrir United, hefðu að sjálfsögðu átt að fá víti þarna í byrjun, ronaldo fellur náttúrulega aldrei svona eða dettur inn í teig nema að einhver togi eða sparki í hann, hefði líka mátt að minnsta kosti gefa Frakkanum þarna gult líka!
Og svo hefði ekkert átt að dæma þetta víti á greyið hann tomas Cuzac fyrst ekki var dæmt á hitt!
Því eru auðvitað allir sannir Unitedmenn sammkála!?
Æjá, hrikalegt tap og agalegt að nýta svo ekki öll færin!

Já, óvænt var tapið hjá "Teddum",
enn trúa vart sínum augum.
Það syrgja nú brotnir í beddum,
búnir alveg á taugum!

Ronaldostrákurinn hefði kannski átt að spara sér stóryrðin fyrir garmurinn, talaði þá eins og það væri nánast á hreinu að vinna tvo eða þrjá bikara.
en það kemur víst annar leikur eftir þennan, önnur bikarkeppni eftir þessa!

Portsmouth sigraði Man Utd

Athugasemdir

[Lára Hanna Einarsdóttir, 8.3.2008 kl. 17:52]

Ég fór á taugum, hætti að horfa, fór svo inn aftur og hélt áfram, fór aftur á taugum og hóf að öskra mikið og hátt - dagfarsprúð manneskjan...  Þetta var hrikalegur leikur í alla staði. Sá sem á eftir kom var lognmolla í samanburði.

[Steingrímur Helgason, 8.3.2008 kl. 18:00]

Ég viðurkenni það aldrei að ég hafi haft samúð með Mumuinu, en næstum því þó.

Leikurinn í heild var gargandi sönnun á því að réttlæti er oft skemmtilega fjarri í fótbolta.

[Magnús Geir Guðmundsson, 8.3.2008 kl. 18:53]

ææ,vonandi hefur þú öxl til að emja á leiða Lára Hanna, en ef ekki þá er það bara BEDDINN!

Hehe STeingrímimus, næstum því næstum því samúð já, en ekki alveg!

Og nei, réttlætið finnur sér ei stað þar sem leðurtuðra rúllar um græna bala!

[Lára Hanna Einarsdóttir, 8.3.2008 kl. 21:54]

Iss, ég er ekkert leið, Magnús minn Geir. Tek þessu létt og leikandi - engin trúarbrögð hér, takk fyrir. En það er gaman að þessu og vel spilaður bolti gleður augað...   

[Magnús Geir Guðmundsson, 9.3.2008 kl. 00:15]

Jæja, eins gott að svo er, vil ekki að Bloggvinirnir séu plagaðir af þunglyndi og harmi haha!

[Eysteinn Þór Kristinsson, 9.3.2008 kl. 08:25]

Já það er alltaf gaman að fylgjast með baulinu í SAF eftir tapleiki.

[Ásthildur Cesil Þórðardóttir, 9.3.2008 kl. 13:51]

Skil ekki baun í bala í knattspyrnu.

[Jenný Anna Baldursdóttir, 9.3.2008 kl. 14:44]

Hehe, elska fótboltablogg, því þar get ég sett inn nó kommentó með góðri samvisku.  Þ.e. vegna þess að ég hef ekki hundsvit á honum.

Held með Bítlunum.

[Magnús Geir Guðmundsson, 9.3.2008 kl. 16:46]

rétt Eysteinn, hann er alltaf svo orðfagur!

En elsku Cesil, þú veist þó að húsið þitt er í laginu eins og bolti og reyndar fleira sem strákum ekki síst finnst skemmtilegt að "brasa í" haha!

Takk mín ágæta Jenný, bara verst hvað þessir Bítlar þarna spila lítið!?

[Lára Hanna Einarsdóttir, 9.3.2008 kl. 17:59]

Hver er SAF?

[Bubbi J. (IP-tala skráð) 9.3.2008 kl. 21:31]

Svo ég svari nú fyrir Meistarann þá hlýtur SAF að vera sir Alex Ferguson... annars Maggi, þú ert alltaf umkringdur fallegu kvenfólki, jafnvel þó þú sért að skrifa um fótbolta, það er æðislegt.

[Magnús Geir Guðmundsson, 9.3.2008 kl. 22:29]

Jájá, fallegar ungar konur á öllum aldri laðast að mér, minn kæri Bubbi, en gallin bara sá að þær staldra aldrei of lengi við haha!

En þessar sem eru he´rna eru allar skotheldar skutlur!

Já Guðjón minn, það eru merkilegt nokk ekki alltaf jólin hjá M.U, en ansi oft samt!

Og takk Bubbi, Eysteinn átti við Sir Alex þarna!

[Brynja skordal, 10.3.2008 kl. 00:06]

Horfi Aldrei á fótbolta nenni ekki að eyða tíma í að horfa á einhverjar boltabullur rífast um einn bolta hafðu góðar stundir

[Magnús Geir Guðmundsson, 10.3.2008 kl. 16:26]

Þú segir ekki Brynja, (ekki síðri fegurðardís en hinar!) ert þá um það bil eina kvinnan að kannski þremur á Skaganum sem EKKI elskar boltarúllið!