Söm við sig!

Þetta á nú ekki að koma neinum á óvart, þannig hefur Kaþólska kirkjan verið í sinni stefnu um allar aldir, munurinn bara sá að þessi ákveðni einstaklingur fæst ekki brendur á báli, eða dæmdur til slíks af sérstökum rannsóknarrétti eins og forðum daga!
En eins og lesa má, verður hann væntanlega gerður útlægur úr samfélaginu þarna og nagar sig sjálfsagt í handarbökin að hafa farið í viðtalið! (og það þótt leynilegt ætti að heita!)
Líklegra held ég að geti gerst, að yfirvöld í Kína og Burma muni umsnúast eða deilan í Palestínu leysist, frekar en að kaþólska kirkjan breyti um stefnu frá sinni túlkun á biblíunni gagnvart samkynhneigð og fóstureyðingum til dæmis líka!
Það er og verður boðskapurinn, að samkynhneigð sé ekkert annað en kynvilla og hún eigi ekki heima í húsi kk!Með ótuktarskap er bara hægt að orða þetta svona!

Kenningu stöðugt vill styrkja
og stendur við hana nú
hin rótgróna kaþólska kirkja,
að kynvilla skoðist sem TRú!

Fólki er alveg frjálst að leggja sína túlkun á innihaldið!

Vatíkanið vísar samkynhneigðum presti á dyr

Athugasemdir

[Mofi, 14.10.2007 kl. 14:47]

Væri það réttmætt af Sjálfstæðisflokknum að reka mann úr flokknum sem predikaði kommúmisma?

Eða mætti flokkur eins og Kvennalistinn var og hét, vísa burt meðlimi sem predikaði að konur ættu bara að vera heima og eignast börn og ættu ekki að fá jafn há laun og karlmenn?

Þótt ég sé enginn aðdáandi Kaþólsku kirkjunnar þá finnst mér ósköp rökrétt að þeir sem hafa ekki þá trú sem Kaþólska kirkjan boðar að þeir ættu ekki að fá að vera málsvarar Kaþólsku kirkjunnar með því að fá að vera prestar hennar.

[Jens Guð, 14.10.2007 kl. 22:08]

  Mofi,  málið snýst ekki um það út af fyrir sig.  Málið snýst um það að kaþólska kirkjan er mörgum öldum á eftir vestrænum þjóðfélögum í viðhorfum til mannréttinda. 

[Mofi, 15.10.2007 kl. 11:18]

Eru það mannréttindi að kaþólskir prestar fái að vera samkynhneigðir?