Vonandi á uppleið strákurinn!

Man vel er Jón datt í lukkupottinn á sínum tíma og fékk samning við Dallas Mavericks í Texas! Arnar Björns gerði til dæmis um hann ágætan þátt úti, en þrátt fyrir mikla elju og ástundun við æfingar tókst honum þó ekki að festa sig þarna í sessi!
Tíð félagaskipti hafa verið hjá Jóni sl. árin, en nú er hann vonandi komin á beinu brautina!
Annars smávilla í þessu hjá Mogganum, getur ekki hafa skorað 19 stig ef hann hefur hitt úr 7 tveggja stiga skotum og þremur þriggja stiga, samlagningin úr því gera 23 stig!

Jón Arnór lét mikið að sér kveða gegn Toronto

Athugasemdir

[Pjé (IP-tala skráð) 7.10.2007 kl. 22:54]

Í NBA telja þeir alltaf öll skot(7-9 hjá Jóni) og svo þriggja stiga(3-4 hjá Jóni). Það þarf því að draga þriggja stiga skotnýtinguna frá allri nýtingunni til að fá tveggja stiga nýtingu. Hann var því með 4-5 í tveggja og 3-4 í þriggja. Sem gerir samanlagt 17 stig, bætum svo við tveimur vítaskotum sem hann setti og þá gerir það 19. Hér heima á frónni teljum við alltaf tveggja og þriggja stiga skot í sitthvoru lagi.

[Magnús Geir Guðmundsson, 7.10.2007 kl. 22:59]

Hljómar nú bara eins og brandari Hr. Bjé!

[Jónas (IP-tala skráð) 8.10.2007 kl. 00:18]

Ég held að Jón Arnór hafi nú verið á beinu brautinni undanfarin ár. Spilaði í Rússlandi og varð þar Evrópumeistari, var keyptur til Ítalíu þar sem hann spilaði stóra rullu í Bikarmeistaratitli. Var svo keyptur í ACB deildina á Spáni sem er líklegast ein sú sterkasta í Evrópu, lenti þar að vísu í meiðslum og leiðindum. Fór aftur til Ítalíu í stórlið Lottomatica Roma þar sem hann spilaði m.a. með mestu goðsögn í Evrópskum körfubolta Dejan Bodiroga. Þar lét Jón Arnór mikið að sér kveða en liðið datt út held ég í undanúrslitum.

 Nú voru fengnir til liðsins 5-6 frábærir leikmenn en Jón Arnór er enn í lykilhlutverki í liðinu. Það má því segja að Jón hafi verið á beinu brautinni fyrir utan smá hikst á Spáni.

 Körfuboltinn er nefnilega víðar spilaður heldur en bara í NBA ;)

[Kristján Magnús Arason, 8.10.2007 kl. 12:49]

Pjé, það er þá greinilega villa hjá Mogganum að "þýða" ekki tölfræðina rétt yfir á það form sem notað er á Íslandi.

[Magnús Geir Guðmundsson, 12.10.2007 kl. 21:10]

Jónas minn, takk fyrir þessa ágætu útlistun.

ég var nú ekki að hugsa um hans persónulegu framgöngu eina og sér sem slíka, heldur einmitt að hann færi að festa sig í sessi hjá einu liði, hvað það varðar hefur hann sannarlega ekki verið á beinni braut!

Sæll Kristján með millinafnið mikla og takk fyrir þitt innlegg.

Ég hef reyndar ekki fylsgt að ráði með NBA í mörg ár, en eins og þetta birtist já, semmdi þetta bara ekki!