Ekki flýja menn fortíð sína!

Steingrímur kýs hér að gera frekar lítið úr þessari uppsögn og telur hana ekki ´politíska, störf hans sem upplýsingafulltrúi eða hvað á að kalla það fyrir Halldór, léttvægt í samhengi hlutana!
Denni strákur, sem heitir eins og frægt er orðið Snævar með tveimur errum, getur þó varla flúið fortíðina, man nú ekki betur en á okkar beggja ungdómsárum, hafi hann verið áberandi í ungherjasveitum Framsóknar, m.a. skipulagt ýmsa skemmtan, spurningaleiki o.fl.
En alltaf kunnað sæmilega við hann sem fréttamann og svo er hann auðvitað héðan úr héraði, átti meira að segja heima í Byggðaveginum um hríð í æsku ásamt stóra bróður, Jóni hinum góða, tónlistarmanni og sjónvarpsgarp með meiru!
Veit ekki alveg hvort þetta er gæfuspor fyrir hann, Þóra Kristín afbragðsfréttamaður og hún átti ma. stóran þátt í að fletta ofan af Árna Johnsen um árið í frægu viðtali í Speglinum!
Og hún hefur já sitthvað til síns máls!

Steingrímur: Ekki pólitísk ástæða fyrir uppsögn Þóru Kristínar

Siv!

Siv Friðleifsdóttir alþingismaður og fyrrverandi ráðherra Framsóknar var í hádegisviðtalinu á Stö2 í gær.
Hún sagði nokkur orð.
Brosti að sögn örlítið.
Sló til hárinu af gömlum vana.
Lét kynþokkan geisla í aðskornum og fallegum klæðnaðinum.
Heillaði viðmælandan þar með.
Áhorfendatölur á Stöð2 jukust um rúmlega 9% á meðan á viðtalinu stóð.
Það er sú tala sem kaus Framsóknarflokkinn í síðustu kosningum!
Siv er ekki formaður Framsóknarflokksins, hann heitir Guðni Ágústsson.
Síðast fréttist af honum við mjaltir á Brúnastöðum, en þar voru engir áhorfendur!

Jóhannes í Bónus lætur vaða!

Heimahéraðssjónvarpsstöðin N4, flytur að öllu jöfnu fréttir alla virka daga á heila tímanum , þ.e. frumflutning og svo endursýningar, frá kl. 18.15!
Nú í kvöld brá hins vegar svo við, að engar fréttir voru heldur bara eitt viðtal, við sjálfan Bónuskappann Jóhannes Jonsson!
Hefur Jóhannes nýlokið við að reisa sér glæsihýsi í Vaðlaheiðinni og fór viðtalið þar fram.
En um það sem slíkt var nú samt minnst fjallað, heldur spjallað við kaupmanninn um heima og geyma, m.a. veru hans um nokkurra ára skeið á Akureyri, viðfangsefnin ýmisleg þar og áform og svo um það sem mest hefur verið í deiglunni síðustu daga, hátíðin "Ein með öllu" um Verslunarmannahelgina og "Stóra tjaldstæðamálið" en Jóhannes hefur ásamt öðrum kaupmönnum og fleirum, staðið að framkvæmdinni.
Er skemmst frá því að segja, að þungt var í honum hljóðið varðandi hátiðina og gagnrýndi hann bæjaryfirvöld harðlega fyrir aldurstakmarkið sem sett var á tjaldsvæðin, sem og að allt of mikill seinagangur væri í hvort og hvenær hægt yrði að hefjast handa við að byggja um upp nýja Hagkaupsverslun og "Hljómskálagarð" (eins og hann orðaði það) á svæðinu þar sem íþróttaleikvangurinn er núna! Fyrrverandi bæjarstjóri Kristján Þ. Júlíusson, hefði bent sér á að þessi möguleiki væri opin, eftir að pólitísk ákvörðun hefði verið tekin um að leggja íþróttastarfsemina þar niður!
Teljast það sjálfsagt fyrir einhverja tíðindi, að bæjarstjóri úr röðum Sjálfstæðismanna, hafi lagt slíkt til fyrir Bónusjöfurinn, en nú eru víst aðrir tímar en áður runnir upp, sem kunnugt er flestum! Ekki jafnt viðkæmt lengur að eiga samskipti við hann eftir að fyrrverandi formaður hvarf til annara starfa í Seðlabankanum!
En á hinn bógin eru þetta þó ekki svo miklar fréttir, því Kristján hafði áður leikið þennan leik, að reyna að koma vellinum í burt og gefa kaupmönnum tækifæri að fá landið til verslunarbygginga. Það gerði hann fyrir tæpum áratug eða svo og áttu þá uppbyggendur Glerártorgs í hlut. Þeim áformum var hins vegar harðlega mótmælt sem frægt varð, enda mikil mótstaða við að leggja völlin niður, líkt og staðreyndin er sannarlega enn í dag!

Sigrún björk í skotlínunni!

Eins og fram hefur komið og flestum er væntanlega kunnugt, var það fyrst og síðast vilji hins nýja og unga bæjarstjóra, Sigrúnar Bjarkar Jakobsdóttur, sem réði því að tjaldsvæðabannið umdeilda á fólki á aldrinum 18-23 ára, var sett á, aðeins fáum dögum fyrir hátíðina.Könnuðu nefnilega fjölmiðlar á svæðinu, N4 og/eða bæjarblaðið VikuDagur auk RÚV, skoðanir bæjarfulltrúa á málinu og kom þá í ljós að einungis þrír þeirra af ellefu, tveir auk bæjarstjóra sjálfs, voru í raun sammála banninu!
Kallaði Jóhannes það fljótfærnislega ákvörðun og dapurlegt að hún skildi hafa verið tekin! EFast hann jafnframt um að hann setji peninga aftur í hátiðina, en 80% starfsfólks hans væri á þessum aldri, en hefði semsagt ekki fengið aðgang að henni!
Seinagangur og viss "gamall Kaupfélagsandi" voru þau orð sem hann svo m.a. hafði um völlin, orðin ansi langeygður eftir að komast þangað til að reisa nýju Hagkaupsbúina, sem hann sagði að yrði í grundvallaratriðum eins og sú sem fyrir er.
Í sambandi við hið síðara sérstaklega, er þó rétt að geta þess, að í hópi núverandi bæjarfulltrúa eru ekki svo margir innfæddir akureyringar, þannig að ég held nú að þeir þekki ekki þennan meinta anda. Forystumenn flokkanna í bæjarstjórn eru t.a.m. bæði "innflytjendur"
Annars hafði Jóhannes margt annað gott um bæjarlífið að segja, lofaði og prísaði m.a. aðstæður hér t.d. Hlíðarfjallið, sundlaugina og skautahöllina. Synd væri að halda öðru fram en að hér væri ekki gott að búa!
SVo verður bara spennandi og fróðlegt að sjá, hversu mikil viðbrögð viðtalið hlýtur, Jóhannes jú áhrifamikill maður á fleiri en einn hátt sem dæmin sanna!

Einhverjir súrir!

Á Sýn stendur nú yfir útsending frá Íslandsmótinu í golfi, einhverjir sófasetumenn sunnan heiða því súrir get ég ímyndað mér, væri það sjálfur í þeirra sporum, sem "Geggjaður golfáhugamaður"!
en það væri hægt að leysa málin allavega með einum hætti, drífa sig bara í fjörðinn, á Hvaleyrarvöllinn!
En út af fyrir sig merkilegt, að hægt sé með einhverjum óprúttnum hætti að trufla stóreflis þjónustu eins og Digital Ísland er að veita!?

Óleyfilegar útsendingar trufla tíðnisvið Digital Ísland

RÚV - Sjónvarp sást ekki í gærkvöldi!

Frá því fyrir sex í gærkvöldi til rúmlega eitt, lá Ríkisútvarpið Sjónvarp niðri hér á svæðinu.
Í sjálfu sér væri það ekki neitt svakalegt til að fara að röfla út af og rífast, nema kannski vegna þess, að ekki nokkur skapaður hlutur, ekki eitt einasta boffs, heyrðist frá stofnuninni um hvað olli þessari bilun! (væntanlega?)
Og nú þegar klukkan er að ganga þrjú á sunnudegi, vitum við allavega sem búum á þessu heimili ekki ennþá hvað var að gerast!
Í fréttum hefur það allavega ekki komið fram svo ég viti, en hef þó ekki hlustað á allar fréttir frá því í mörgun.
Ekki er þetta nú góðs viti með hið nýja RÚV ohf. ef þjónustan eða upplýsingagjöfin verður svona, með öðrum orðum engin!
Meira röfl, en að öðrum toga, fylgir kannski fyrr en varir um RÚV!

Og hvað með það?

Jájá, í dag er 10. júlí, hásumar og hitin fer yfir 20 stig á suðurlandinu dag eftir dag!
Því fréttamenn á Stöð 2 sem annars staðar ekkert yfir sig hressir að hanga inni, þurfa að búa til fréttir meðan aðrir sleikja sólina!
Nú er þetta allt saman ekkert gamanmál, nektarbúllubras, klám og vændi, auðvitað hið alvarlegasta mál!
En hver er eiginlega fréttin, að rússnesk fylgdarþjónusta sé að senda hingað starfskraft? Og er það kannski eitthvað nýtt?
Ónei, slíkar "glæsimellur" hafa vaðið inn og út úr þessu landi árum saman og það vita allir sem vilja vita, að vændi hefur verið og verður stundað hér leynt og ljóst! Nefndar voru vissar síður í fréttinni og stöð 2 var svo einkar "greiðvikin" að nefna slóðina hjá rússneska fyrritækinu. (þjónaði líklega mjög upplýsingaskildu sinni þar eða hitt þó heldur!) þessar síður verið uppilengi án þess að nokkur hafi fett fingur út í það svo mjög, með meira og minna auglýsingum og "Tilboðum" um efni sem minnsta kosti gefið hefur í skyn ýmislegt!
Mér finnst þetta því óskaplega lítil frétt og alveg makalaust að gera hana að einhverju "Skúbbi" líkt og stöð 2 gerði í kvöld.
Væri ekki nær að skerpa betur á lögum um þessi efni svo almennilega væri tekið á þessum málum, vændinu og skuggahliðum þess!?

Rússnesk vændiskona send til Íslands

Okur hjá ELKO?

Hún var athyglisverð fréttin í Sjónvarpinu í kvöld um rosalegan verðmun sem reynist vera á sambærilegum 42 tommu flatskjám, annars vegar hér á landi í ELKO og hins vegar hjá systurverslun í Svíþjóð.
Hérlendis kostar tækið um 210.000 kr. en í Svíþjóð um 13.000 sænskar, sem er um 118.000 ísl. kr.!
Þótt alls kyns kosnaður sé settur á, vegna flutningss og tolla,verður ekki annað séð en að álagningin hér sé langtum hærri en í Svíþjóð!
Skoðaði fréttastofan hvernig það kæmi út að flytja svona tæki inn og var það niðurstaða fréttamannnsins, að hagstæðara gæti verið að flytja tækið inn sjálfur!Kemur mér það nú ekki svo mjög á óvart.
Fyrir rúmum 20 árum byrjaði ég fyrir sjálfan mig og aðra, að flytja inn plötur m.a. frá Svíþjóð.
Það reyndist vera svipað dýrt og að panta plötuna frá Reykjavík hingað norður í póstkröfu, en nokkuð dýrar oftast nær, ef platan hefði verið keypt í verslun hér í bæ.Þessi innflutningsverð (með öllum kostnaði) til eða frá skiptu þó sjaldnast miklu, því oftar en ekki voru plöturnar frá útlöndum, einfaldlega ekki fluttar inn, ekki fáanlegar hérlendis!
Fyrir skömmu bað ég svo góða vinkonu mína að panta eina uppáhaldsplötu frá fyrri tíð, eðalgripinn Siogo með suðurríkjarokksveitinni Blackfoot, fyrir mig til gamans frá Amazon í Bandaríkjunum.
ER skemmst frá að segja, að með öllu, kostaði gripurinn rétt um 2000 kr. komin til mín, að vísu 24 ára gömul smíð, en áreiðanlega á svipuðu sverði og hún myndi kosta hér!
Innflutningur getur því oftar en ekki borgað sig.

Sýn 2.

Jæja, þá er þetta að nokkru að minnsta kosti komið á hreint!
Sýn 2 hefur göngu sína 4. ágúst, enski boltinn byrjar svo á fullu viku síðar!
Nýjir áskrifendur þurfa að borga 4000 kall fyrir mánaðaráskrift, en hinir sem bæta við sig Sýn 2 frá 2400!?
Þar liggur einmitt fyrsta spursmálið, sem á eftir að koma betur í ljós, er þetta bara grunngjald, fyrir móðurstöðina, hækkar svo verðiðmeð hliðarrásunum?
Hvernig tilboð fáum við þessir dyggu viðskiptavinir 365, sem erum í klúbbnum M12? (hef keypt Sýn í 10 ár!)
Enska 1. deildin verður þarna líka og það væntanlega Meistaradeildin líka, annars finnst mér það svolítið loðið með hana, allavega er því haldið fram að gamla Sýn verði áfram á fullu, hvernig sem það mun líta út!?
Enn nokkrum spurningum ósvarað með þetta áður en ég tek ákvörðun!