VIVA ESPANIA, VIVA TORRES!

Glæstur sigur, gleðitárin renna,
gulur, rauður, svartur blakktir fáni
Hjörtu ungra manna heitt já brenna,
heill sé þeirra landi núna SPÁNI!

Jájájá, Lifi Spánn, lifi Fernando Torres, maðurinn sem skoraði sigurmarkið! Frábær sigur Spánverja og fyrir framsækin sóknarfótbolta! Amen!

Spánn Evrópumeistari

EM 2008 - ÚRSLITALEIKURINN!!!

Megi betra liðið, SPÁNN, vinna!

Spennan að hlaðast upp jafnt og þétt, úrskurður kveðin upp eftir örfáa tíma, vherjir séu bestir, verði Evrópumeistarar 2008.
Spánverjar eru með betra lið, á því leikur ekki vafi í mínum huga og þeir hafa bæði unnið alla sína leiki og spilað betur í heild en Þjóðverjar.
EF Michael Ballac verður svo ekki með í þýska liðinu, verður það að teljast mjög erfitt fyrir þá og auka þar með enn meir sigurlíkur Spánverja!
En samt, þegar út í svona leik er komið, taugarnar spenntar til hins ýtrasta, þá er það ekkert endilega getan eða gæði boltans sem ræður úrslitum, heldur sigur- og baráttuviljin auk heppni sem kann að skilja á milli!
Ég vona þó innilega að það verði liðið sem sýnir betri leik og skapar sér fleiri færi sem vinni og þá auðvitað þeir spænsku!
Þjóðverjar hafa þegar unnið mótið þrívegis, síðast 1996 í Englandi gegn Tékkum þar sem Oliver Bierhoff skoraði gullmark í framlengingu, ef ég man rétt, en Spánverjarnir bara einu sinni, '64 eftir sigur á Sovétmönnum.
Casillas og félagar eiga með sínum lipra leik að geta klárað þetta með glans.
Megi svo verða!

Spá:

Spánn - Þýskaland 3-1.

Væntingar í Vín

Hvurn andskotann...!

Eins og það er nú gríðarlega ánægjulegt að lesa um upprennandi ungt og efnilegt íþróttafólk, sem byrjað er að láta verulega að sér kveða, eins og þessi unga stúlka frá Djúpavogi er dæmi um, þá fer það alveg gríðarlega í taugarnar á mér þegar öðru og alls óskyldu er blandað inn í umfjöllun um það!
Já, hvurn andskotan á það að þýða að hálfu þess sem þetta skrifar, að blanda eigin skoðun á útliti stúlkunnar í umfjöllun sína?
Það kemur nefnilega lesundum nákvæmlega EKKERT VIÐ hvað honum finnst eða þykir og það er beinlínis óviðeigandi og ekki við hæfi að vera með slík orð frá eigin brjósti!
Vegni stúlkunni hins vegar sem best í golfinu eða öðrum íþróttum sem hún stundar, sem og öðru ungu fólki sem er að vekja athygli með hæfileikum sínum og góðum árangri!

Engar veimiltítur sem koma að austan

Íslenskar valkyrjur á vaðandi siglingu!

Maður er bara enn að meðtaka hverslags ævintýri þetta er með íslenska kvennalandsliðið í fótbolta, svona mitt í veislunni hjá körlunum í EM í Sviss og austurríki!
Þegar seinni leikurinn við Frakka 28. held ég september verður farin að nálgast, mun þó þessi stórkostlegi sannleikur örugglega fyrir fullt og fast vera komin inn!
Ætti svei mér bara að fara bráðlega að huga að hópferðum, örugglega einhver áhugi á og bölvað olíuverðið þá líka vonandi komið eitthvað niður svo dýrt fargjald gerði slíkt ekki ómögulegt.
Bara svo til lukku hin íslenska þjóð með þessar masserandi valkyrjur sem vonandi já láta ekkert stoppa sig í að brjóta blað í íslenskri knattspyrnusögu, komast í úrslitakeppnina á EM í Finnlandi 2009!

Þetta var frábær frammistaða

Afbragðs seinni hálfleikur, Rússar mættu einfaldlega ofjörlum sínum aftur!

Einfaldlega glæsileg og góð herkænska hins aldna Aragones í seinni hálfleik og spænska liðið gekk bókstaflega yfir rússneska liðið, sem þó á mikið hrós skilið fyrir framgöngu sína í keppninni, hún miklu betri en nokkurn óraði fyrir!
En Árni þingmaður og fleiri sem otað hafa hinum rússneska tota, ef svo má að orði komast, verða nú að viðurkenna að spánska liðið er mun sterkara!
og mín spá gekk eftir og þá bara síðasta, en jafnframt stærsta skrefið eftir, að taka Þjóðverjana á sunnudaginn í úrslitaleiknum.
Ballac og félagar munu þar vart eiga möguleika ef Spánverjarnir halda uppteknum hætti frá seinni hálfleiknum, spiluðu þar sem sannir meistarar!

Spánn mætir Þýskalandi í úrslitum

EM, undanúrslit, seinni leikur. - Vel og viturlega mælt!

Það er ekki beinlínis alltaf sem orð sem höfð eru eftir þjálfurum eru jafngóð og þessi frá HR. Hiddink!
Að minnsta kosti er það einmitt smáatriðin, heppnin, sem ræður úrslitum á endanum.
ER til dæmis alkinn staðreynd að betri liðunum fylgir líka oftar en ekki viss heppni, þau vinna sigra þrátt fyrir misjafna frammistöðu og í tilvikum þar sem þau eiga það alls ekki skilið, eða eins og mörgum þótti um fyrri undanúrslitaleikin í gær milli Þjóðverja og Tyrkja. Þar hafði fyrrnenda þjóðin sannarlega vissa heppni með sér, sem þó Tyrkirnir vissulega höfðu líka haft með sér fyrr í mótinu.
En aftur skal það endurtekið og ítrekað, sanngirni er ekki fylgifiskur fótboltans, allavega ekki í mörgum tilfellum.

Ég yrði ekkert hissa ef sagan frá því í gær endutæki sig í kvöld, rússar yrðu sprækir, næðu jafnvel forystu, en Spanverjar hefðu þetta á endanum!
En hvernig sem leikurinn þróast, er ég harður á að þeir spænsku vinni og taki svo "þýska stálið" og bræði það í úrslitaleiknum!

Spá:
Spánn - Rússland 3-1.

Hiddink: Heppnir að vera hérna

Dæmið snérist við!

Já, það má með sanni segja, Tyrkir sem oftar en einu sinni höfðu bjargað sér eða sigrað á síðustu mínútunum, urðu nú fyrir því að tapa sjálfir með svipuðum hætti, eftir að hafa í heildina verið sprækari og spilaglaðari!
SVona er nú þessi merkilega íþrótt og í kvöld ssannaðist enn og aftur að sanngirni er ekki beinlínis fylgifiskur í fótboltanum!
Spáði annars 3-1, þannig að ég var glettilega nálægt því tölulega auk þess að geta mér rétt til um sigurvegarana!
En ég er ekki á því að Þjóðverjar séu verðandi meistarar, óneiónei!
Þeir verða á ferðinni annað kvöld!
En leikurinn í kvöld enn ein skemmtunun í fínni keppni!

Þjóðverjar unnu Tyrki 3:2 og leika til úrslita

EM, undanúrslit, fyrri leikur. Þjóðverjar sigurstranglegir!

Alltaf gott já að vera búin að setja sér háleit markmið og meðan möguleikin er fyrir hendi, þá er svo sem engin ástæða til annars en að hljóma brattur!
Sigurlíkur Tyrkja fyrirfram verða þó varla taldir miklir og þá ekki bara vegna þess að leikbönn og meiðsli hafa rofið stórt skarð í hóp þeirra, heldur að þeirri einföldu ástæðu, að á venjulegum degi og með fullri einbeitingu, eru Þjóðverjar einfaldlega mun betri!
1 á móti þremur er líklega ekki svo fjarri lagi að giska á hverjar sigurlíkur Tyrkja eru.
En þessi í heild góða keppni, hefur ekki hvað síst orðið skemmtileg vegna óvæntra úrslita, svo það er aldrei að vita!?
Og ekki má gleyma hinum margfrægu Lukkudísum, sem heldur betur hafa verið á bandi Tyrkjana og komið þeim allavega í tvígang til bjargar á síðustu stundu!

Spá:

Þýskaland - Tyrkland 3-1.

Þjálfari Tyrkja: Höfum ekki náð markmiðum okkar

En, enga "Skósmiðstakta" samt, Hr. Jens!

Þessi orð Lehmanns fá mig til að láta hugan reika ein 26 ár aftur í tíman, á HM 1982, er menn voru ekki bara yfirlýsingarglaðir heldur komist upp með nánast allt inni á vellinum!
Atvikið sem rifjast nú upp, er auðvitað hið ótrúlega ljóta brot forvera Lehmanns í þýska markinu, Toni Schumacher,er einfaldlega er ekki hægt að gleyma!
Gerðist það í leik Þjóðverja gegn Frökkum, að hinn afbragðsgóði varnarmaður Patric Battiston, komst einn í gegn og átti aðeins Schumacher eftir til að koma boltanum í markið. Sá þýski gerði sér hins vegar lítið fyrir og óð á fullu skriði út á móti Battiston og stökk síðan á hann með afturendan á undan sér sem lenti af miklu afli á höfði frakkans!
Stórslasaðist hann að vonum og var borin meðvitundarlítill eða laus af velli.
En Toni karlinn glotti bara og fékk ekki einu sinni gult spjald minnir mig!
Með því verra sem sést hefur af slíku á fótboltavelli, en sem betur fer mun þó Battiston hafa náð sér vonum framar vel.
Ætla því rétt að vona að Lehmann taki ekki upp á neinu slíku í hita leiksins, en nóg hefur hann nú stundum látið skapið hlaupa með sig í gönur auk þess þess sem hann eftirminnilega var rekin af velli í úrslitaleik Meistaradeildarinnar 2006 er lið hans Arsenal mætti Barcelona og tapaði í eftirminnilegum leik!

Lehmann reiðubúinn að fórna „lífinu“

Ég er glaður, Spánn og FÓTBOLTINN sigruðu!

Hóhó, réttlætið er aldrei þessu vant með í spilinu, viðleitnin að leika fallega og sækja sem mest, bara í kvöld sigurorð af "Tjaldmennskunni" í varnarleik, með von um skyndisókn og sigurmark!
Vissulega hefðu úrslitin getað farið á hinn vegin bæði í venjulegum leiktíma og framlengingunni auk vítakeppninnar auðvitað, en það hefði verið hreinasta synd!
VAr afskaplega rólegur yfir henni og næstum sigurviss fyrir mína menn, sem svo á dagin kom að voru mun betur undirbúnir fyrir þessa voðalegu þolraun sem þessi þrautalending sannarlega er!
Þetta þýðir þá endurtekningu á einum leik frá riðlakeppninni, Spánn gegn rússlandi.
Spánverjarnir hljóta að taka sigur þar aftur og ég yrði ekki hissa þótt það yrði með látum líkt og í riðlakeppninni!
Með þessi úrslit er ég svo ekki síst sáttur vegna þess, að ég reynist þá eftir allt saman ekki alveg afleitur spámaður!
Held semsagt að Spánn fari í úrslitin og mæti þar líklegast Þjóðverjum, en maður veit þó aldrei..

Heimsmeistararnir fallnir úr keppni