Hvurn andskotann...!

Eins og það er nú gríðarlega ánægjulegt að lesa um upprennandi ungt og efnilegt íþróttafólk, sem byrjað er að láta verulega að sér kveða, eins og þessi unga stúlka frá Djúpavogi er dæmi um, þá fer það alveg gríðarlega í taugarnar á mér þegar öðru og alls óskyldu er blandað inn í umfjöllun um það!
Já, hvurn andskotan á það að þýða að hálfu þess sem þetta skrifar, að blanda eigin skoðun á útliti stúlkunnar í umfjöllun sína?
Það kemur nefnilega lesundum nákvæmlega EKKERT VIÐ hvað honum finnst eða þykir og það er beinlínis óviðeigandi og ekki við hæfi að vera með slík orð frá eigin brjósti!
Vegni stúlkunni hins vegar sem best í golfinu eða öðrum íþróttum sem hún stundar, sem og öðru ungu fólki sem er að vekja athygli með hæfileikum sínum og góðum árangri!

Engar veimiltítur sem koma að austan

Athugasemdir

[Helga Guðrún Eiríksdóttir, 28.6.2008 kl. 11:30]

Mér hefði nú fundist það sök sér ef blaðamaðurinn hefði látið þar við sitja í (sennilega vel meintum en þó átakanlega yfirlætis- og hrokafullum) dónaskapnum, - en þegar hann sá ástæðu til að taka það fram að hún væri hægra megin á myndinni þegar stæðilegur karlmaður stóð vinstra megin, þá gat ég ekki annað hlegið. Þetta er skólabókardæmi um skort á fagmennsku í bland við fljótfærnislegan klaufaskap. 

[Magnús Geir Guðmundsson, 28.6.2008 kl. 17:54]

Jamm mín kæra, sumir vanda sig ekki mikið og hugsa sömuleiðis ekki stundum áður en þeir skrifa!Hins vegar þarf ég ekkert að hugsa mig um andartak er ég segi að þú sért gullfalleg gella hehe, það bara er óumdeild vísa sem aldrei of oft er kveððin!