Meinhæðin mannlýsing!

Ég hef verið sæmilega duglegur við að rökræða og benda á galla léttvíns- og bjórsfrumvarpsins að undanförnu.
Rökin á móti hafa mér þótt nær undantekningarlaust rýr í roði og haldlítil. Eftir skoðanaskipti við einn annan bloggara, komu mér aftur í hug hendingar sem mér þóttu lýsa málflutningi hans nokkuð og ástandi á þeirri stundu!

Aumur, móður, másandi,
maður einn var þvælandi.
Argur, reiður, rásandi,
ræfill já og skælandi!

Megi hann dafna!

Fyrir viku var dagur íslenskrar tónlistar haldin hátíðlegur, nú er dagurinn sjálfrar þjóðtungunnar, á tvöhundruðustu árstíð frá fæðingu Jónasar!
EFast sannarlega ekki um að ævisagan sé vandað og mikið verk, Böðvar fyrir löngu búin að sanna rithöfundarhæfileika sína með bæði fjölmörgum leikritum og ritverkum af ýmsu tagi!
Gott mál að hlua svo sem best að þessum degi og þar með að tungunni sem mest. Ekki veitir af, er fleiri og fleiri sögur um að unga fólkinu sé mörgu orðavant og skorti skilning, heyrast.
Auðvitað má hafa gaman af í aðra röndina og vona að um einangruð dæmi sé að ræða, en ekki veitir samt af að standa vörð og efla tunguna sem best og mest.
Að hætti Jónasar endar þetta svo á stöku!

Mikilvægur og merkur,
megi hjá þegnunum ungu.
Dafna, dýrmætur sterkur,
Dagurinn íslenskrar tungu!

Forsetinn afhenti bók um Jónas Hallgrímsson í Þelamerkurskóla

Meira sérkenni!

Garðabær hefur nú aldrei þótt mjög sérstakur þannig séð, verið svona úthverfi frá Hafnarfirði í augum margra utanaðkomandi. Verður sjálfsagt sameinað allt þetta dót einhvern timan, Hafnarfjörður, Kópavogur, Garðabær!?
En hvað um það, þetta er hið besta mál sýnist mér, nema hvað Garðbæingar sem nú alast upp mega ekki fá þá ranghugmynd, að Jónas sé annars á nokkurn hátt tengdur eða náin byggðarlaginu, öðru nær, úr Eyjafirðinum fagra, frá Hrauni í Öxnadal!
Annars má þetta segja nú.

Garðabænum grænkar í,
er glænýtt torgið fær.
Nú er orðin næstum því,
"Náttúrulegur" bær!

En verður það svo auðvitað alveg þegar safnahúsið rís!

Nýtt torg í Garðabæ nefnt Jónasartorg

Og var þá komin tími til!

Jájá, ástæða til að óska bæjarbúm til hamingju, en aðrir landsmenn hljóta að spyrja hvernig standi á að þetta hús hafi ekki fyrir löngu orðið að veruleika í öðrum stærsta kaupstað landsins!?
En nei, það hefur hins vegar ekki skort á leikhúsmenninguna í bænum, örugglega verið fyrir hendi frá stofnun bæjarins, í hálfa öld eða meir.
Og svo eru ýmsar "listrænar tjáningar" og "farsar" frægir með eindæmum í Kópó Vógó!

Í Kópavogi er kannski best,
kvennalist ein þekkt
Sem mun vera framin flest,
í fullkominni nekt.
Svo mörgum hefur góðum gest,
já gleði fundist legt
En víst þá hefur veskið lést,
sem væri orðið lekt!

Fyrsta eiginlega leikhúsið opnað í Kópavogi

Ógleymanlegur!

Já, enn í dag er þáttur Ómars um Gísla ógleymanlegur. Um hann og fleiri einbúa landsins eins og hana Önnu á Hesteyri, hafa verið gerðir þættir sem eru ómetanlegir í að skrá sögu landsins á sem víðastan hátt, þannig að sem best mynd fáist af aðstöðu landsmanna, hárra sem lágra!

Í Stikklum við sáum hann sýsla
og sérstæðri röddu já hvísla.
í harðskeyttum heimi,
honum ei gleymi
Hinum einstaka Uppsala-Gísla!

Öld liðin frá fæðingu Gísla á Uppsölum

Hugur fer á flakk. - Um Ross, Ríkharð og fleiri!

Skemmtileg frétt í sýnu sögulega samhengi verð ég að segja!
Til að byrja með vekur hún upp minningar um Karlinn Perot, litla Texasbúan sem bauð sig fram minnir mig um leið og hinn grískættaði Dukakis fyrir Demokratana og Bush eldri var fyrir Republikana!? Olíubarón, sem afar erfitt var að skilja minnir mig, en virkaði svolítið hressandi á annars venjubundið einvígi stóru flokkanna.
Hins vegar reikar hugurinn við þessa frétt, enn lengra aftur sem skýrskotuninni ber, aftur á slóðir Musterisriddara, Normanna og Saxa í Englandi á tímunum sem nefnd Magna Carta var gerð.
Í sögunni sígildu eftir Walter Scott um Ívar Hlújárn, kemur J'ohann þessi einmitt við sögu, reynir þá og tekst um hríð að ræna völdum af eldri bróður sínum, hinum sögufræga svarta riddara, Ríkjharði Ljónshjarta!
Það mistókst þó á endanum í það skiptið.
En skemmtileg og sígild saga,s em allir unglingar hafa gott og gaman af að lesa!
En með þessu tali um Magna Carta, mætti svo fljóta með líka, að í daglegu tali hygg ég kalla Bandaríkjamenn sýna stjórnarskrá einmitt Magna Carta!

Eintak af Magna Carta selt á uppboði í desember

Merkur náungi Branson!

Inn í þessa stuttu frásögn af Richard Branson, vantar auðvitað að plötuútgáfa hans sem líka ber nafnið Virgin, hefur verið með þeim umfangsmeiri öll þessi þrjátíu ár auk V2 undirútgáfunnar. Hef þó ekki spáð í hve ungur hann var, en á sama tíma og búðirnar opnuðu gaf hann út fyrstu plötuna, sem svo sannarlega lagði grunninn að komandi velgengni,
Tubular Bells með Mike Oldfield!
Punktur er því nú settur aftan við merkan þátt í tónlistarsögu Breta, en eins og svo margur annar Íslendingurinn hef ég átt góða stund í slíkri verslun, á Oxfordstræti í hjarta Lundúna!

Branson selur Virgin tónlistarverslanirnar

Róttæk tillaga, en aldeilis rökrétt!

Kannski þarf þessi heimsfrægi Rokkbær nei ekkert á neinum vinum að halda?
Hátiðin risastóra kendd við bæinn dregur víst nógu mikið til sín.
En í staðin ættu Ísfirðingar kannski að gerast róttækari og þar með fleiri bæjir herlendis, stofna til meiri vinabæjatengsla innanlands, jú eins og fagri bærinn Akureyri og aðeins minna fagri bærinn Hafnarfjörður hafa að nokkru gert!
Og hvaða bær væri þá heppilegur sem góðvinur Ísafjarðar?
Svarið finnst mér eiginlega liggja í augum uppi eftir þessi slit, auðvitað við Sauðárkrók!
Jú því,

BETRI ER KRÓKUR EN KELDA!!!

Hróarskelda slítur vinabæjarsamstarfi við Ísafjörð

Töfrandi galdrakallaklúbbur!

Skildi ungur Íslensku Harry Potter kannski leynast þarna?
Veit ekki, en töfrabrögð og ýmsir galdrar heilluðu mann nú aldeilis í gamla daga og nokkra sniðuga spilagaldra lærði maður og ýmsa hugarleikfimi!
En er nú örugglega búin að gleyma þessu flestu.
Þetta ætti hins vegar að gleðja margan ungherjan sem elskar Harry, en hvernig er það, engar stelpður í þessu?

Töfrum líkast

Friður í fjölmenningarsamfélagi?

Það getur vel verið að friður sé já þannig séð í fjölmenningunni og kannski jöfnuður líka í reykjanesbæ, en ekki í MÚSÍKMENNINGUNNI, svo mikið er víst!
Frumbyggjastríð er þvert á móti það sem landsmenn hafa fengið að kynnast úr samfélaginu þarna suður með sjó og það allt hahaha, öðlingunum og friðelskandi alla jafna herramönnunum rúnna Júll og Jóa Helga!
Það er hreint alveg dásamlegt hvað þetta lag þeirra í höfuð "hverfis í reykjanesbæ" (hahaha, eins og einhverjir Njarðvíkingar orðuðu það svo snilldarlega) skuli hafa komið þessari styrjöld í gang, ég get varla hætt að hlægja!
En þetta hlýtur samt að jafna sig og gleðilega Ljósahátið í Reykjanesbæ, keflvíkingar, Njarðvíkingar, að ég tali nú ekki um vogafólk, sem ég man ekki betur en væru líka þarna!?

Ljósanótt sett í Reykjanesbæ