Bara tylliástæða!

http://visir.is/article/20090617/LIFID01/464995874 Jamm, það held ég nú góðir ha´lsar, að sé nú málið, en ekki það sem kemur fram í frásögninni á visir.is og ég er að stelast hérna til að vísa á! Málið er auðvitað það, að Davíð sjálfur, drengurinn knái, hefur aldrei og mun aldrei ráða við að spila með tvo stóra bolta, bara einn! Annars er það svo heldur mikið í lagt, að tala um "ný brjóst" á kvinnunni, eins og þarna er gert í frásögninni,þetta eru jú sömu yndin eftir sem áður þó fyllingar og fleira kannski hafi nú verið fjarlægt, umfangið e.t.v. komið nálægt hinu upprunalega núna? Hins vegar skil ég ekkert í dömunni fögru, að flækjast þetta í Ammrikkunni til þess arna, ætti sem og aðrar slíkar bara að skutlast sem snöggvast hingað til lands, yrði bæði ódýrara nú fyrir þær og svo fengju þær miklu betri þjónustu þykist ég vita sumstaðar!

Forsetanum á auðvitað að hlýða!

Er fjargviðrast Framsóknarbræður,
forsetinn svarar þeim skæður
Já, berjandi bjöllu,
bara nú öllu
Ásta Ragnheiður ræður!

Einleikur forseta á bjöllu

D-formannavísa.

Skutla þessari litlu "skektu" hér inn til gamans áður en ég gleymi henni.
Hlustaði með stuttu millibili á ræður formanns og varaformanns um daginn og kviknuðu þá þessi viðbrögð í kjölfarið.

Ansi hreint var Bjarni Ben.,
brattur já með opin trant.
En Þorgerður var prúð og pen,
pía, aldrei þessu vant!?

Hamingjustund hláturtauga minna!

Já, lesendur nær og fjær, ég hef bara ekki jafn hjartanlega skellt upp úr lengilengi, er ég heyrði þetta sagt í dag!
Að ástandið í íslenskum stjornmálum þessa daga líkist engu öðru meir en farsa eftir ítalska leikritasnillingin Darrio Fo, er bara nærri lagi svei mér þá!
En ef þetta er raunin og Kristinn H. er virkilega komin aftur í B, þá er nú rétt eins og í fylgisaukninguna frá landsfundinum, heldur betur tekið að slá í "hina nýju Framsókn" eða hvað?
Annars vil ég svo sömuleiðis segja þetta hafi Kristinn aftur gerst liðsmaður gamla bændaflokksins.
Kostulegi Kristin H.,
kempum öðrum rammari.
Stefnir núna alþing á,
sem AFTURBATA-FRAMARI!?

Kristinn H. genginn í Framsókn?

Lætur ekki deigan síga, karlinn hann Pétur!

Nei, þó komin sé vel yfir sextugt barnakarlinn mikli, þá vílar hann ekki fyrir sér að dufla við dömurnar og þá ekki minni skutlu en sjálfa Siv!

Maður er hreint ekki hissa,
hérna við þessi skrif.
Eitthvað sé Pétur að pissa,
pínu utan í Siv!

Pétur Blöndal styður stjórnlagaþing

Vargur í véum!

Fálki með fráum augum,
fylgist með bæjarins löndum.
Íbúa tekur á taugum,
troðin af "heillögum Öndum"!

Fálkinn enn á Húsavík

DO og dömurnar!

Minn ágæti félagi og gamli gókunningi hann Húnbogi Valsson, kom í athugasend hér að neðan við færsluna um léttklæddu mótmælameyjarnar, með skýringuna á því hví Davíð Oddson frestaði komu sinni á fund fjárlaga- og viðskiptanefndar, þar sem hann átti þó að mæta og gera grein fyrir máli sínu, m.a. svara því hví bölvaðir "Tjallarnir" beittu hryðjuverkalögunum.
Dömurnar blöstu semsagt við úr gluggum SEðla (bleðla) bankans og því þyrfti ekki fleiri vitnanna við!

VArð já Dabbi dolfallin,
er dýrðar- birtust sprundin.
Þannig glápðti greykallin,
gleymd'að mæta á fundin!

Er Bjarni Harðar bara ekki meira skáld en Davíð!?

Veit ekki, en þetta er greinilega skemmtileg "saga" frá hinum fríska þingmanni B á Suðurlandi, sem aldavinirnir og samstarfsmennirnir bæði fyrr og nú, þeir Árni og Össur kannast auðvitað ekkert við hvort sem þeir svo í alvöru gera það eða ekki!
En oss þykir þetta nú svolítið fyndið, alveg burtséð frá réttmæti og leggjum svona út frá því.

Nú má segja um Bjarna blessaðan,
að bara tókst að gera margan hissa.
Hann Dabba segir stöðugt stressaðan,
því starfið sé nú um það bil að missa!

Eða þannig!

Nýr seðlabankastjóri í vetur?

Óþarfa viðkvæmni í manninum!

Skellti nú bara upp úr að lesa þetta!
Það þarf ekki að fara mörgum orðum um, að kímnigáfa er rík á Bretlandseyjum og þaðan komið til að mynda margt besta sjónvarpsgrínefnið svo dæmi sé tekið.
Mér finnst þetta bara góður vitnisburður um það og GRENJA BARA EKKERT þótt minn kæri heimabær sé settur í það samhengi!
Allir kannast nú við þetta viðurnefni á höfuðborginni nú orðið, (stundum köllum við "sveitalubbarnir" hana líka Borg BLEYTUNNAR á tækifærisstundum) sem allir vita nú að er í hálfkæringi, þó í því leynist auðvitað viss sannleikur líka.
Þetta því bara bráðskemmtilegt og nefndur keflvíkingur já óþarflega viðkvæmur og þá ekki hvað síst í ljósi þess að hún Lára snaggaralega upplýsir að ár og dagur er frá útgáfu bæklingsins og engin hafi hingað til kvartað!
Nú er sumar og sól og því segir maður bara.

UPP MEÐ HÚMORINN!!!

Saklaust grín eða ferðamannafæla?

Hættið nú alvedg!

Fjandakornið já, allt sem er ljóst eða hvítt og sést úr fjarlægð samasem BANGSIMON!
EF svona heldur áfram fær löggan leið á þessu og hlustar ekkert þegar svo sá þriðji í alvöru birtist og veldur usla!

Endurtekið óttahjal,
og ímyndunarbrestur.
Bangsimon í blöndudal,
bjartur reyndist hestur!?

Bjarndýrsútkall í Langadal