Og skildi engan undra!

Hún Contoleezza er myndarkvinna og allt það, en að henni sé ekki tekið opnum örmum þarna, kemur nú ekki beinlinis á óvart!

Í Palestinu víst að vonu,
vel á móti blæs.
Nei,meta eigi kunna konu,
Contoleezzu Rice!

En það má aldrei hætta að reyna og vísast hugsar nú Hr. Brúskur og hans lið, að það yrði nú heldur betur sterkur leikur að koma þessu eilífðarvandamáli í þó ekki væri meir en í farveg er gæti leyst það á endanum, nú þegar forsetakosningar færast nær og nær!

Rice varar við of miklum væntingum varðandi Miðausturlönd

Ljóta málið!

Nei, manni hlýnar ekki beinlínis um hjartaræturnar að þetta mál er aftur komið í deigluna! Með því versta sem gerist þegar troðið er á mannréttindum að öllum líkindum og öll lög og alþjóðaréttur brotin í krafti óttans!
Að líkindum eiga menn enn eftir að bíta fyllilega úr nálinni með þetta!
En hvort leit úr þessu í einvherjum ameriskum vélum hefur eitthvað upp á sig, skal ósagt látið, en stór hluti þjóðarinnar skammast sín sjálfsagt enn fyrir að vera bendlaður beint við þessi mál, beint eða óbeint!

Utanríkisráðherra: Leitað verði í fangaflugsvélum

Kominn hringin!

Já, nú má með nokkrum sanni segja að Sigurgeir karlinn sé komin hringin, aftur inn í stjórnarráðið nú þegar landbúnaðurinn hefur sameinast sjávarútvegnum og jafnframt aftur komin á hendi sjálfstæðismanna!

Út í þetta fetti ei fingur,
er ferils lokast nú hringur.
SAgður enda svolítið slyngur,
Sigurgeir Þingeyingur!

Sigurgeir Þorgeirsson ráðinn ráðuneytisstjóri

Hverra hagur er í raun af þessari breytingu?

Ég hef margoft tjáð mig um þessar hugmyndir og ætla svosem ekki að bæta miklu við núna, nema nokkrum punktum.

ER ekki hlyntur þessu, svo það komi strax skýrt fram.
Ekki bara vegna þess að ég er löngu hættur allri áfengisneyslu, heldur vegna þess að ég sé einfaldlega lítil sem engin rök fyrir að breyta.
Þeir einu sem á endanum hefðu gagn af eða græddu hugsanlega, eru kaupmenn, framleiðendur og umboðssalar/innflytjendur.
Frá neytendasjónarmiði, (sem mér finnst reyndar ekki eiga við hér nema takmarkað, ekki um venjulega söluvöru að ræða í mínum huga) hafa menn reynt að telja til rök eins og betri opnunartíma og hugsanlega lægra verð og gott ef ekki meira úrval en í Ríkinu!
Ekkert af þessu er gefið, bæjaryfirvöld til dæmis á hverjum stað örugglega ekki tilbúin að leyfa sölu á öllum tímum sólarhrings eins og sumir virðast halda, verðlagningin ræðst nú ekki síst af álögðum gjöldum hins opinbera, alveg eins líklegt að verðið myndi hækka eins og að lækka!
svo er það auðvitað fyrst og fremst siðferðis- og heilbrigðissjónarmiðin sem ráða, alveg ótrúlegt að heyra þegar menn halda því fram að neysla gæti þvert á móti minnkað ef framboð jykist!?
En ef ekki og hún myndi aukast, þá mætum við því bara með auknum peningum til forvarna!?
Það á semsagt sem aldrei fyrr að "Byrgja brunnin þegar barnið er já almennilega dottið ofan í hann"!
Betri öfugmælavísa hefur varla verið ort!
Og svo þetta með hina almennu framkvæmd, eru menn ekki bara hálfgerðir hræsnarar þegar menn flytja svona mál um "Bjór og léttvín í matvöruverslanir" en salan á sterku vínunum skuli "Auðvitað og alls ekki" fara þangað líka!
STerku drykkirnir hafa sl. árin verið um eða undir 10% af heildarsölunni, koma menn ekki bara eftir smátíma og segja (jafnvel þeir sömu og nú segja bara bjór og léttvín í búðirnar) að þetta gangi nú ekki svona, allt of dýrt að reka þetta batterí, nú setjum við bara restina líka í allar búðirnar!?
Mér segir svo hugur um að svo verði, grundvöllurinn fyrir versluninni með einungis sterku vínin verði veikur til lengri tíma eða skemmri eða í raun ekki vænlegur einn og sér!
Þeir sem vilja bjórinn og léttvínið núna úr ríkissölunni, ættu því e.t.v. að vera heiðarlegri, fyrst þeir vilja segja A, ættu þeir líka að segja B!

Velferðarráð leggst gegn frumvarpi um aukið frelsi í áfengissölu

Nei, nú er ekki gaman Geir!

Nei, formanni SjálfSjálfstæðisflokksins fannst hann ekki hafa neinar forsendur til að véfengja borgarfulltrúa sína í útskyringum þeirra á meirihlutasprengingunni, en í Kastljósi í kvöld gat hann samt ekki heldur tekið undir alvarlegar ásakanir allavega tveggja þeirra um framvindu þessarar málavöxtu, að Björn Ingi hefði með atferli sínu verið að hygla fjármálamönnum á Framsóknarlínu!
Ekki treysti hann sér að taka undir það, hann hefði ekki FORSENDUR til þess!
Og hin sömuleiðis mjög alvarlega ágreining milli fv. Borgarstjóra Vilhjálms Þ. og Bjarna Ármannssonar, enn að minnsta kosti stjórnarformanns R.E.I. um hvor hefði sannleikan sín megin um samningin örlagaríka, vildi formaður Sjálfstæðisflokksins og Forsætisráðherra telja sjálfum sér og þjóðinni trú um að væri bara misskilningur! milli manna!?
Æ, ég veit að þér finnst ekkert gaman núna nafni, þig langar bara að vera laus við þennan fjárans vandræðagang og (Villa)vitleysu, en þú sleppur og slappst reyndar í kvöld undan Simma sjðónvarpsstjörnu, ekki svo auðveldlega!
Og reyndar þurfti Sigmar ekki að vera svo mjög aðgangsharður, þótt hann væri það. Það leyndi sér nefnilega ekki í orðum og framgöngu GEirs, að hann vildi helst vera laus við þetta stand sem fyrst, en var og er greinilega ekki alveg viss hvernig það muni gerast.

Geir H. Haarde mætti á fund Sjálfstæðisfélaganna í Reykjavík

Fréttir dagsins, ef ekki bara ÁRSINS! Af Mr. Jones og Mrs. Johns!

Mikið fjör, mikið grín, mikið gaman hjá MR. Jones! Á fréttastofu Stöðvar tvö í hádeginu, hefði þó að hluta allavega mátt ætla, að hér væri aldeilis mjög mikilsmetandi "Lúður" á ferð, sem teldi það hafa verið mikið óráð hjá íslenskum yfirvöldum, utanríkisráðherra, að kalla fulltrúa okkar í Írak heim! Nú, ekki er það alveg svo, hins vegar þætti mér miklu verra með þessi "Stórtíðindi" að Björkin okkar væri í ónáð hjá Bin Lacim! Eða eins og sagði í kvæðinu, "Vont en það versnar, versnar og versnar"! En öllu gamni fylgir jú einhver alvara og svo má líka spyrja hversu fyndið þetta sjónarspil Mr. Jones er yfir höfuð? Sumir taka hann kannski alvarlega og þá um of!? En úr einum Jones í annan, því hingað er líka komin kona með því nafni, mikill sérfræðingur frá Alþjóðabankanum og var hennar heimsókn tilefni fréttar í hádegisfréttum á RÚV. Johns heitir hún reyndar svo það sé á hreinu, en hún hafði þann boðskap að flytja, að þeim mun bættara starfsumhverfi fyrirtækja, þeim mun betri hagur almennings og þeim mun meira JAFNRÉTTI KYNJANNA!?
Við Íslendingar erum víst komnir á topp tíu á listanum yfir besta umhverfið, lífskjörin hafa líka batnað, bara svo fjári fjári misjafnlega eftir hópum og landsfjórðungum, eins og flestir vita nú að ástandi og fréttum daginn út og inn!

En aukið jafnrétti?
Hef nú ekki heyrt frekari rökstuðning á þessu hjá Mrs. Johns, en staðhæfingin ein og sér og eins og hún birtist í fréttinni, er nú í besta falli bara hrár sannleikur.
Við þurfum nú ekkert nema að horfa á hin íslensku fyrirtæki sjálf hvað varðar toppstjórnendur, eitthvað gengur nú hægt að koma jafnrétti á þar, þrátt fyrir almennt betri starfsskilyrði sl. árin!
Eitthvað fyrir okkar litlu og vænu Jafnréttisstofu að kafa ofan í og hún sjálfsagt með á nótunum varðandi heimsókn þessarar ágætu frúar!?

Osama bin Laden „hatar Björk“

"Allt er vænt, sem vel er grænt"

EF kröftuglega Mörð'ur messar,
þá meira en viss er ég.
GRÆNA NETIÐ, guð oss blessar,
götuna frameftir veg!

Grænt net til verndar náttúrunni

Að selja eða selja ekki, það var nú málið! ER nýr R-listi fæddur?

Svona fór um fjóferð þá!
"Að vera eða vera ekki, að selja eða selja ekki" það reyndist nú sú öxi er klauf grey meirihlutasprekið í sundur, ef svo má að orði komast, VAndræðaleg og misvísandi viðbrögð, rangar ályktanir og hreinn klaufagangur Sjálfstæðismannanna virðist hafa ráðið úrslitum!
Og eftir allt saman virðist já læknirinn Dagur B. ætla að verða Borgarstjóri, nokkuð sem næstum varð eftir að Þórólfur Árnason hrökklaðist frá!
Nú hrópa vinstrimenn VEI!,
en vafalaust Sjallarnir nei!
En semsagt nú nýr,
naskur og skír
Stjóri er "Doktorinn Day"!

Nýr meirihluti myndaður í borgarstjórn

Orð sem upp í hugan koma!

Pukur, klúður, græðgi, valdatafl, hneyksli, siðleysi...
Eiga þessi orð bara ekki öll við um þessa makalausu málsmeðferð og það sem fylgt hefur henni?
Þau hafa allavega flest ef ekki öll heyrst hygg ég og ljost er að ákveðin flokkur er í vandræðum vegna þessarar framvindu allrar.
Þessi ákvörðun sem hér er til umfjöllunar, bætir kannski eitthvað úr sem slík fyrir hinn almenna starfsmann sem þarna á í hlut, en eftir stendur samt ákvörðunin um fyrra kauffyrirkomulagið og hina hrópandi misgjörð sem hún hlýtur nú að teljast!
Þarna átti semsagt að veita fáum útvöldum mikil forréttindi, þó með skilyrðum væri, tækifæri til að auðgast gríðarlega fram yfir aðra, á auðlind sem þó á að heita að sé í almanna þágu og það fyrst og síðast!
pólitískur vandi ónefnda flokksins verður kannski látin leysast með kattarþvotti sem þeim, að einum manni verður skipt út fyrir annan, en hvað svo?
Spyr sá sem ekki veit, en það veit hann þó, að með nánast hverri MÍNÚTU sem nú líður, verður vatnsorkan, jarðvarminn, dýrmætari og dýrmætari í hinu stóra samhengi heimsins alls!

Samþykkt að endurskoða sölu á hlutabréfum í REI

Björn spyr og spyr!

Með því að spyrja sig spurninga gegnum tíðina og leita svara við þeim, hefur mannskepnan í gegnum tíðina öðlast nýja þekkingu og/eða bætt við þá þekkingu sem fyrir var. Og þannig er það enn þann dag í dag.
Okkar ágæti dómsmálaráðherra er einn af þeim sem spyr mikið og pælir. til dæmis datt honum í hug í sumar, að spyrja hvort ekki væri bara best að "selja sjoppuna" RÚV, eða allavega rás tvö! Ekki ný spurning, en í ljósi allra látanna um fjölmiðla á sl. árum, tókst Birni að æra einhverja "óstöðuga"!
Nú spyr hann enn og aftur í svipuðum dúr og sjálfsagt ekki öllum til gleði, um framtíðarrekstur á fangelsum!
Hvað skildi það svo verða næst, sem þekkingarleit ráðherrans beinist að?
Lögreglunnar?
Stjórnarráðsins?
Alþingis sjálfs?
Spyr sá sem ekki veit!

Spurning hvort einkaaðilar eigi að koma að rekstri fangelsa