Steingrímur gefst ekki¨upp!

Ég hef líkt og margur annar landsmaður, haft dálæti á Steingrími Jóhanni Sigfússyni!
Fáir fara í fötin hans hvað andríki og ákafa varðar í ræðum og hvort sem menn eru sammála honum eða ekki, velkist engin í vafa um að hann meinar það sem hann segir og segir það sem hann meinar!
Og ekki gefst hann upp þrátt fyrir enn ein kosningavonbrigðin í vor, eða öllu heldur, góð úrslit fyrir hans flokk, sem dugðu þó ekki til að fleyta honum í ríkisstjórn.Hann heldur áfram að berjast og benda á veilur og veikleika í hagstjórn og fleiru, alveg burtséð frá því hversu mikin árangur það ber í að opna augu valdhafanna. Ákaflega virðingarvert, auk þess auðvitað að þetta er jú hlutverk þeirra sem í stjórnarandstöðu eru.
Gangi honum og hans fólki bara vel í því hlutverki, sem og öðrum þar, að veita hið nauðsynlega aðhald.
Sömuleiðis vonar maður svo á hinn bóginn að stjórnarflokkunum vegni vel að sigla þjóðarskútunni, ekki veitir nú af ef harna fer brátt á dalnum!
Og svo bara þetta:

Steingrímur sterklegum róm,
stöðugt eykur sinn hljóm.
Ólmast með kjafti og klóm,
krafsandi út í tóm!

Steingrímur J: Hagstjórn í molum og áætlanagerð úti í hafsauga

Mikill og góður metnaður, en...?

Ég hef lengi haft gott álit á Ingibjörgu Sólrúnu, myndarkona!
Og trúi henni alveg hérna um metnaðarfulla nýja stjórn með góð áform, en spyr samt.

Hennar er jú mikill metnaður,
maður skildi hiklaust ætla það.
En hvort hún teljist "Gæfugetnaður",
Geiri hérna spyr sig núna að!

Ríkisstjórnin með mikinn metnað og afl til umbóta

Ofurbjartsýni!?

Ekki laust við að það hugtak skjóti upp kollinum, síðast í gær var talað um könnun sem sýndi 11% mun á flokkunum!
En jafnan á flokksþingum eru menn borubrattir og reyna eftir megni að berja kjarkinn í sig og sína, ekkert athugavert við það.
En það sem sumir hafa bent á með Brown, að hann sé ekki bara traustur sem bjarg, heldur traust VEKJANDi svo af ber, gerir það næsta ólíklegt að Íhaldsmenn eigi raunhæfa möguleika í Verkamannaflokkinn, en ekki Verkalýðsflokkinn eins og hér stendur!

Breskir íhaldsmenn vilja kosningar

Hægan Hillary!

Í þessum efnum hef ég einna helst efasendir um hina annars flottu Hillary!
Að gefa samþykki fyrir einhverju sem kannski og hugsanlega hefur verið eitthvað, er nú ekki alveg nógu gott né traustvekjandi!
Að Ísraelsmenn megi skutla sér og sínum vígtólum á annara þjóða grundu eftir líkum, boðar ekki gott fyrir framtíðina!
En ég segi það samt aftur og enn, hún er langskásti kosturinn fyrir Bandaríkin í dag og auk þess væri svo sögulegt ef hún yrði kjörin forseti!

Clinton staðfestir sögusagnir um kjarnorkuþróun Sýrlendinga

Hætta á ferðum!

Þegar þessi mikkli fyrrum Sovétskörungur tekur til máls, er enn hlustað og örugglega eitthvað tekið mark á líka!Og karli virðist full alvara hérna!

Úti er Gorba griður,
glittir í svipin stranga.
Því Jósef "járntjaldssmiður",
jafnvel mun aftur ganga!

Gorbatsjov varar við endurfæðingu Stalínismans

Sniðugur!

Hann hefur aldeilis baðað sig í sviðsljósinu þessi blessaði leiðtogi Írans!
Hefur svona sem "Alheims aðalskúrkur" stolið senunni á þessari alþjóðaráðstefnu Sameinuðu þjóðanna, líkt og ólíkindatólið hann Fidel Castro gerði svo skemmtilega áður!
Þessi staðhæfing hljómar annars jafn líkleg eins og að lýgin væri heldur ekki til í Íran haha, alveg þrælsmiðugt að halda þessu fram!

Ahmadinejad segir samkynhneigð ekki þekkjast í Íran

"Sameinuð stöndum vér...

...sundruð föllum vér! Þannig kyrjuðu þeir víst í frönsku byltingunni minnir mig og þannig hefur áreiðanlega á svipaðan hátt íbúum Kársnessins í Kópavogi verið innanbrjósts nú, eða eitthvað í áttina!?
Með réttmættum hætti eða ekki, þá sýnir þetta glöggt hvað hinn almenni borgari getur að líkum haft áhrif ef hann er nógu samstæður og óbilandi í trú sinni þegar honum finnst yfirvaldið vera að troða sér um tær!
Gangi þessi áfangasigur eftir, þá er ekki ástæða til annars en að óska íbuunum til hamingju, þótt vissulega verði þetta ekki til að létta brúnina á bæjarstjóranum og er hún þó þung fyrir!

Kársnesingar taka niður mótmælaborða sína

Kaldhæðnislegt, ekki satt!?

Já, finnst ykkur það ekki að minnsta kosti í aðra röndina?
Það hygg ég að fleiri en einn og fleiri en tveir Íslendingar hafi upplifað þegar þeir hafa skýrt frá því hvaðan þeir koma, að svarið til baka hafi verið í formi annarar spurningar "Er það í x-fylki?" eða í svipuðum dúr! Bandaríkjamenn hugsa nefnilega margir ekki lengra en út fyrir fylkið sem þeir búa í og ferðalag út úr því ku vera líkt og fyrir okkur að fara til útlanda!
En auðvitað vita þeir að heimurinn er stærri og sumir þeirra hafna jafnvel landi sínu er þeim finnst tilveru sinni og framtíð ógnað, eins og virðist hér vera á ferðinni!?
Og kannski er það ekki tilviljun að þetta fólk leitar til Finnlands, landið lenti minnir mig fyrir skömmu á toppnum yfir hagsælustu og bestu staðina til að búa á í heiminum, eða eitthvað í þá áttina!
Og þar lenti Ísland í öðru sæti, svo kannski koma Kanarnir hingað næst!?

Bandarísk fjölskylda óskar eftir pólitísku hæli í Finnlandi

Kemur mér ekki á óvart!

Hef til dæmis ekki enn fundið í heild umsækjandalistan um starf upplýsingafulltrúa Utanríkisráðuneytisins, sem hálf blaðamannastéttin sækist víst eftir, enda Ingibjörg Solrún aðlaðandi kona með yndislegt bros!
Kannski búið að ráða í starfið?

Ísland aftarlega í opinberri stjórnsýslu á netinu

Frjálslyndrafjör!

Alltaf gaman að heyra af FF! Þar skafa menn sjaldnast utan af hlutunum og þar eru bráðskemmtilegir kappar innan um!

Í hinum Frjálslynda flokk,
fjör er mikið og stuð.
Þar spertir stíga á stokk,
strákar eins og Jens Guð!
Já, bulla og blaðra út í eitt
og bara um helst ekki neitt!

Óánægja með forustu Frjálslynda flokksins