"Guðni hinn guðhræddi!"

Um Guðna að segja frekar er fátt,
ef fljótt er málin litið.
Talar jú mikið og hefur oft hátt,
en hreint ekki stígur í vitið!

Skilur ekki afstöðu Guðna

Blúsinn er blessun....ekki bölvun!

Blússveit Þollýjar – My Dying Bed.

Þótt þjóðsagan um Robert Johnson, eitt helsta goð Blússins, að hann hafi selt djöflinum sálu sína fyrir gæfu og gjörvileika á krossgötunum forðum, lifi enn góðu lífi, vita sæmilega upplýstir menn og öfgalausir, að tónlistin sem svo nefnist er sannarlega ekki af hinu ílla.
Jújú, líkt og í flestum öðrum tónlistargreinum, hafa menn notað kræfa og krassandi texta og Blúsinn þar ekki hvað síst verið beitt tjáningarform í samskiptum kynjanna sem öðrum tilfinningaefnum. Og það hefur ekkert verið síður í þágu gleði og glaums en beins trega, eins og nafnið þýðir þó og margur telji að skilja eigi bókstaflega.

Fyrir ekki svo mörgum árum vakti það nokkra athygli er hingað kom Blúsmaður frá Chicago og hélt tónleika hjá Hvítasunnukirkjunni m.a. Glenn Kaiser heitir hann Man nú ekki lengur frekari deili á honum, en tónleikunum var útvarpað svo undirritaður heyrði og fannst honum ansi mikið til koma. Í stað texta um “litlar rauðar unghænur sem lystugt væri að snæða” og álíka tvíræðni, voru hins vegar komnir guðræknissálmar, lofgjarðir til hans og heillags sonar , Jesú Krists! Blússtefin voru þó kunnugleg og ekki vantaði stuðið.
Svo er einmitt upp á teningnum með Blússveit Þollýjar Rósmunds á plötunni þeirra, My dying Bed, er sá dagsins ljós fyrir jólin, á köflum nokk kraftmikill Blús með léttari tilbrigðum í bland þar sem mörgum kunnuglegum óð hefur verið snúið upp í lof til Himnaföðursins.
Og fyrir tónleika GK, hitaði sveitin einmitt upp allavega einu sinni fyrir um sjö árum.
Auk Þollýjar eru nú í sveitinni þeir Magnús gítarleikari, Jonni bassaleikari og Benjamín trommari, en á ferli hennar sem spannar nær áratug hafa ýmsir fleiri komið við sögu, m.a. engin önnur en Lay Low, Lovísa Sigrúnardóttir og spilaði á bassa.
Ég hef nú lengst af þeim tíma sem ég hef skrifað um tónlist þ.m.t. að dæma plötur, ekki verið mikið gefin fyrir beinar einkunagjafir, hef reyndar ekkert á móti þeim, en mitt álit mótast hins vegar fyrst og síðast hversu mikið þær ná að grípa athyglina, skemmta manni þannig að viljinn verður eindregin að spila aftur og aftur.
My Dying Bed fær því enga einkun hér í tölum eða stjörnum, en skemmst er frá því að segja, að ekki þurfti mjög mikla hlustun til að koma mér í ljómandi gott skap og þá ekki hvað síst vegna þess hve hressilega kraftmikil platan reyndist mestmegnis og gleðirík.
Það má örugglega deila um hversu platan er vel unnin og/eða hversu góð hljómgæðin eru á henni, en það skiptir mig nú minnstu mér finnst hún bara þrusufín og þá m.a. vegna vel sjóaðarar raddar Þollýjar og hrás gítarspilsins hjá Magnúsi, sem bendir nú reyndar til að hann eigi rætur í rokkinu og þá af þyngra taginu. Svo mun hygg ég líka eiga við um takttvíeykið J og B og allir munu þeir hafa komið víða við, í fleiri en einni sveit.
Allavega tveir gestir koma svo við sögu og spila held ég í sitt hvoru laginu, gítarleikarinn Sigurgeir Sigmundsson (m.a. í Start forðum) og góður kunningi og félagi, Sigurður Ingimarsson, sem við norðlendingarnir vitum að bæði er afbragðsgóður söngvari og gítarleikari, en bregður hér hins vegar fyrir sig munnhörpuleik í lofsöng um “Manninn frá Gallileu!” Siggi þar ansi snaggaralegur, en sem margir vita er hann nú dagsdaglega í þjónustu drottins, kapteinn hjá hjálpræðisherrnum í Reykjavík.
Vil annars ekki taka út nein lög sérstaklega, en þau eru blanda af Blús- og sálmasöngs/gospelmeiði í oftar en ekki kraftmiklum útsetningum.Eru tvö lagana held ég frumsamin.

Útgáfa á íslenskum plötum með rótarmúsík var annars nokkuð svo gróskumikil á sl. Ári, má þar nefna auk BÞ, plötur með Blúsmönnum Andreu, Sigga “Kentár” Sigurðssyni, Lame Dudes og síðast en ekki síst Sollu Soulful, er ekki hvað minnst vakti mína athygli. Vonandi verður bara framhald á þessu, fyrir mína parta er alltaf spenningur að heyra af nýjum plötum af því taginu.

(Leikhúss)Draumur í dós!

Hahahahahaha, hvað er hægt að nefna þennan leik annað út frá sjónarhóli Blackburn í það minnsta?!
En MARTRÖÐ Í MANCHESTER heitir þetta sjónarspil sannarlega séð út frá Fergie og sonum hans.
Og hún er marghætt, ekki aðeins tapar liðið í annað sinn þar sem verið er að halda upp á tímamót í lífi stjórans og það á nokkuð stuttum tímaheldur var um neðsta lið deildarinnar að ræða sem ekki hafði unnið leik á útivelli og svo var það SKOTI sem eyðilagði allt saman með vþí að skora sigurmarkið í þessum afmælisleik og jafnframt síðasta leik ársins sem með glæstum hætti átti að skjóta MU á toppinn inn í nýja árið!
Snilldarverkin með slíku risi og hámarki, gerast vart betri?!

Blackburn lagði United á Old Trafford

"Glöggrakompaníið!"

Eftirfarandi lét eldpredikarinn Jón VAlur Jensson flakka á bloggsíðu sinni fyrr í dag, sem viðbrögð við afsökunarkröfu Steingríms J. á hendur Vigdísi Hauksdóttur "íslenskufræðingi" er hún hafði dylgjað um meint hagsmunatengsl hans og venslafólks við sölusamning ríkisins og Reykjanesbæjar.
Má þarna með sanni segja að skilningur á hugtakinu "Glöggskyggni" nái alveg nýjum og óþekktum hæðum?!
Engum sögum fer svo enn af hvort þingkonan hafi beðið þau sómahjón Kristínu og Ólaf Hergil afsökunnar, glöggskyggnina kann að skorta til þess?

"Ótrúlega ósvífinn er Steingrímur J. á þingi í dag, þar sem hann krefst afsökunarbeiðni Vigdísar Hauksdóttur alþm. sem bendir á hagsmunatengsl fjölskyldu ráðherrans við kaup ríkisins á tveimur jörðum á Rosmhvalanesi (Reykjanesskaga), þar sem systir hans og mágur eiga 16 komma eitthvað í tvimur jörðum þar, sem Steingrímur ætlar að láta ríkið kaupa. Ráðherrann er augljóslega hagsmunatengdur, en kann ekki að skammast sín og reynir að smyrja skömmum á glöggan þingmanninn Vigdísi"

Hljóta að vakna pólitískar spurningar

...Og tekur væntanlega ekki krónu fyrir?

Alltaf er hann samur við sig, blessaður karlinn hann Jón Magnússon, óvíða finnst annar maður með meiri þrá til athafna og að fá athygli hjá umheiminum?!

Um það vitnar líklega best áratuga þrjóska hans og brölt við að verða gjaldgengur pólitíkus, sem í stærstum dráttum hefur mistekist, þótt varaþingmennsku eigi að baki fyrir D-flokkinn og síðar tímabil sem uppbótarþingmaður minnir mig frekar en landskjörin fyrir FF. Það sem hann sjálfur telur þó eflaust til afreka á pólitíska sviðinu, er að hafa átt þátt í að bjórinn var lögleiddur og kannski eru einhverjir sammála honum þar?
Vonandi mun honum ganga allt í haginn í þessu flókna og erfiða máli, að verja sinn berskjaldaða skjólstæðing!

Krefst einnar milljónar í bætur

Alltaf jafn gáfulegur hann Roy!

Þessi gamli afbrotaseggur og tuddi á velli, gleymdi svei mér bara að láta fylgja með, að í rauninni þyrfti ekkert að spila mótið, bara afhenda dolluna strax?!
Og kannski verður heldur ekki mikið spilað ef ástandið heldur áfram að versna í landi Tjalla, á næstunni að minnsta kosti!

Keane býst við lítilli samkeppni um titilinn

Vandi að verja málstað sinn!

Í harðri orustu verður stundum allt af vopni.En þá vilja vopnin líka tíðum snúast í höndunum á mönnum. Það sýnist mér nú að hafa átt sér stað í deilu flugmannanna hjá IA. Hitt er þó líkast til rétt út af fyrir sig hjá framkvæmdastjóranum, að sérstakt yrði ef lög yrððu sett á yfirvinnubann, en ekki hreinar verkfallsaðgerðir.
Dapurt, en ekki má gefa upp vonina um að málið geti enn fengið farsælan endi!

Orð Katrínar skiptu ekki máli

Opnun safns á sólskinsdegi!

hafði kannast við og þekkt Heidda frá barnæsku, hann fyrst mikill æskufélagi eins bræðra minna og síðar félagi fleiri þeirra á sjónum m.a.Alltaf mikill fjörkálfur og hrókur alls fagnaðar.
Þetta safn já sannarlega stórmerkilegt og mun halda minningu Heidda hátt á lofti til fram´tíðar, Jói litli mun eflaust halda vel utan um það.
SAfnið á síðan ef að líkum lætur, eftir að draga ófáan ferðamanninn til Akureyrar, þar sem núna er hægt að slá tvær flugur í það minnsta í einu höggi, kíkja einnig á hið stórmerkilega Iðnaðarsafn er líka er þarna við Krókeyrina og Jón heitin Arnþórsson átti frumkvæði að!

„Einstakt safn“

"Ljúft er að láta sig dreyma...!"

Ef Messi, Xafi, Inijesta,Alves og Via, yrðu e.t.v. ekki með Barcelona, þá væru svona smá möguleikar kannski á að þessir draumórar yrðu að veruleika!
En að öllu jöfnu, Barcelona spilar nokkurn vegin sinn leik og pressar og keyrir á vörn MU, þá er líklegast að úrslitin verði svipuð og í kvöld, jafnvel enn stærri sigur spænska undraliðsins?!

Ferguson: Þetta lið getur unnið bikarinn

Taugatitringur?!

Það er nú ekki laust við að svo sé með gamla Fergusoninn, því ekki eru liðnar nema vika eða tvær frá því hann skammaðist við fjölmiðla fyrir að velta einmitt upp þessum veruleika sem æ betur virðist ætla að koma í ljós, að hans menn geti tapað fyrir bæði Arsenal og Chelsea þannig að baráttan yrði mikil í stað þess að þetta væri nokkurn vegin komið hjá MU.Vildi karlinn frekar meina að þeir gætu alveg eins unnið báða leikina, en um það væri bara ekki rætt? En þegar menn vilja sjá spennu fram á síðustu stundu, en ekki segja bara eins og aðdáendurnir, að "þetta sé búið, við tökum þetta létt" (líkt og margir MU-menn hafa digurbarkalega lýst yfir á sl. vikum) þá velta menn auðvitað upp möguleikunum og miðað við hve misjafnt MU hefur verið á milli leikja, þá er þetta sannarlega fyrir hendi, að einhverjir aðrir "ræni" titlinum?!
og svo er rétt að benda á, að ef Chelsea tækist að vinna á Old Trafford um næstu helgi og Arsenal héldi sínu striki og ynni, þá eru þeir sannarlega aftur komnir inn í myndina, aðeins þremur stigum á eftir MU og C og ennnþá tvær umferðir eftir!
Við spyrjum semsagt sem aldrei fyrr að leikslokum!

Ferguson: Chelsea á fína möguleika