Grautfúlari gerast þeir vart, fótboltadagarnir!

Nei, það er erfitt að ímynda sér!
Þessi leikur alveg skelfing að tapa og byrjunin á tímabilinu bara afar slæm.
Mér svíður þó enn meir tapið hjá stelpunum okkar fyrr í dag, ætti að setja þessa rússnesku "dómaratruntu" strax í svona tíu leikja bann hið minnsta!

Jájá, ég er ekki mjög glaður núna ofan á annað persónulegra angur, sem ég þó væli ekkert upphátt yfir hér!

Núna er hugarins hagur,
heldur dapur og sár.
Fúll var fótboltadagur,
já, fjandanum verri og grár!

Aston Villa skellti Liverpool á Anfield

Athugasemdir

[Karl Löve, 24.8.2009 kl. 22:27]

Ég mæli með Magnús að þú takir þér sálufélaga þinn og Liverpool mann til fyrirmyndar hann Hallgrím Guðmundsson sem skrifar hér um tökur í rassgat á heimavelli á öðrum stað. Hann reynir þá að sjá húmorinn í þessu.

Sjálfur hef ég haldið með Manchester United í um 40 ár svo ég veit að þetta gegnur upp og niður í þessum blessaða bolta. Engin ástæða til að fara að dunda við snöruna.

Vonum svo að stelpurnar okkar taki þær Norsku bara í næsta leik. Ef við vinnum þær segjum 1 - 0 og þær leggja Frakkana 1 til 2 - 0 þá förum við áfram sem þriðja lið á markamun reiknast mér til svona í fljótheitum. Ekki allt búið enn.

[Brattur, 24.8.2009 kl. 22:57]

Mér var hugsað til Liverpoolara í kvöld... ekki laust við að ég vorkenni ykkur... nei, nú var ég bara að djóka...

[Magnús Geir Guðmundsson, 25.8.2009 kl. 00:11]

Já Bratti karlinn, þú varst að grínast.

þakka þér innlitið karl, en þótt daufur sé get ég jú stundum reynt að horfa á björtu hliðarnar, nema hvað að ég nota aldrei svo ljót orð sem þú segir að fiskkaupmaðurinn á Akureyri hafi gert!Að vísu er ég aldrei þessu vant orðljótur um rússnesku konuna er dæmdi hjá stelpunum í dag, en þó amt innan tilvitnunarmerkja!

[Hildur Helga Sigurðardóttir, 25.8.2009 kl. 23:57]

Bara kær kveðja Magnús minn Geir; You´ll never walk alone...