Ofurraunsæisrugl!

Já, það er nú besta orðið sem ég finn í mínum hausgarm til að lýsa þessari sölu og raunar hinni fyrri fyrir nokkrum dögum líka til Real, á Kakao, brasilíska dáðadrengnum!
Hafi Chelsea keypt ´sér titla með ofurkaupum, hvað kalla menn þá þetta!?
Og það á að heita efnahagskreppa og hún ekki síst mikil á Spáni um þessar mundir!
En kannski mun þetta bara ekkert ganga upp, til dæmis gætu báðir og fleiri til, bara meiðst í sumar!?
En, þetta er ekki góð þróun og allt þetta gríðarlega peningaprang er að eyða hinu sanna gildi og tilgangi íþróttarinnar, ég er nú já dálítið hræddur um að það sé að gerast smátt og smátt og er nú ekki einn um þá skoðun!

Staðreyndir um Ronaldo

Athugasemdir

[Ágúst Ásgeirsson, 11.6.2009 kl. 16:59]

Það er mjög athyglisvert, að á sama tíma og efnahagsástandið er hræðilegt á Spáni af völdum kreppunnar, að fótboltafélag sem er ekki einu sinni best þar í landi, skuli í sömu vikunni geta keypt tvo leikmenn fyrir um 150 milljónir evra. 

Svo þarf að borga þessum köppum kaup en mig minnir að Kaka fái 9 milljónir evra í árslaun hjá Real Madrid. Ronaldo fær þá líklega 12-15 millur á ári! Eru svo ekki einir 30-40 aðrir leikmenn á launaskránni?

Tek undir með þér Magnús Geir, að þetta er fáránleg þróun. Jafnvel hrein og bein klikkun!

Því má þó ekki gleyma, að fótboltinn er gríðarlega vinsæll og þeir fá langt upp í kostnaðinn með sölu á bolum merktum þessum köppum og öðrum gjafavarningi.

En allt er hægt að verðleggja of dýrt. Til dæmis er stuðningsmannafélag Parísarfélagsins PSG þessa dagana að skora á fólk að kaupa ekki nýjar treyjur félagsins fyrir næsta ár fyrr en þær hafa verið stórlækkaðar í verði. Þar fyrir utan vanti í þær meira af einum þriggja einkennislita félagsins!

[Magnús Geir Guðmundsson, 11.6.2009 kl. 20:54]

Margblessaður Ágúst og bestu þakkir fyrir gott innlegg!

Já, allt hefur sín takmörk og hefði maður haldið, en með þennan forseta þarna hjá RM, Peres, virðist sú hugsun bara ekki vera til!? En auðvitað er það rétt hjá þér, að menn telja sig vera að fjárfesta í vöru, hversu dýr svo hún er, til að hún skili árangri og arði, en til að ná því hvað varðar kaupin á þessum tveimur, held ég að ansi margar milljónir af treyjum til dæmis og öðrum varningi,þurfi til og mun meiri en til dæmis skilaði sér með David Beckham meðan hann var hjá félaginu!

Og "Monsjúr" Platini, ekki er hann beinlínis glaður með þetta fyrir hönd fótboltans skilst manni!

En Ágúst, ég get nú ekki stillt mig um að víkja aðeins af þínu mikla hugarefni, F1, fyrst þú villtist inn til mín. ég verð að segja sem er, að ég er eiginlega búin að tapa nokkuð áttum sjálfur og velti fyrir mér hvort íþróttin eigi sér yfir höfuð mikla framtíð ef heldur áfram sem horfir!?(og þá er ég helst að meina formið og fyrirbærið sem F1, fyrst go fremst hefur staðið fyrir hingað til) Mér sýnist allavega ekki nokkur leið að henda reiður á framvindunni og hvað kunni að koma upp næst.