GAman, en er ekki All Out Of Luck, samt miklu betra lag!?

Án þess að ætla að vera mjög leiðinlegur á gleðistund, þá verð ég nú að segja það, að SElmadísin var með einhvern vegin miklu meira "kjöt á beinunum" þarna í Jerusalem fyrir tíu árum, þetta lag mun varla lifa eins vel og All Out Of Luck!?

En eins og þar stendur,
TIL HAMINGJU ÍSLAND og auðvitað alveg sérstaklega með að hafa EKKI UNNIÐ!

Ísland í 2. sæti í Moskvu

Athugasemdir

[Doddi - Þorsteinn G. Jónsson (IP-tala skráð) 16.5.2009 kl. 23:03]

Ég gleðst yfir öðru sætinu mjög mikið. Ég sannarlega bjóst ekki við þessu og hefði aldrei spáð þessu. Ekki vegna svartsýni, heldur einfaldlega vegna þess að mér fundust nokkur önnur lög betri í keppninni. "All out of luck" er betra lag að mínum dómi og árangur Selmu er tölfræðilega mun betri en hjá Jóhönnu ... en það má ekki taka það af Jóhönnu að þetta er frábært. Með fjölgandi þjóðum og sérstaklega frá Austur-Evrópu þá hefur keppnin breyst og orðið "harðari" ... ég held að með því tilliti teljist árangur Jóhönnu einn sá glæsilegasti í sögu Íslands í þessari keppni.

[Magnús Geir Guðmundsson, 16.5.2009 kl. 23:55]

Blessaður Doddi minn!

Við erum bara nokkuð sammála og sem ég segi, þetta er auðvitað mjög gaman, ekki veitir heldur af jákvæðni fyrir landan í hvaða mynd sem hún birtist. STelpan held ég líka fín söngkona og frammistaðan til sóma. TAkk fyrir innlitið.

[arnar valgeirsson, 18.5.2009 kl. 21:48]

sjitt. og við hefðum rústað þessum skemmtiatriðum og sviðsmynd rússana ef við hefðum fengið að halda þetta í laugardalshöll.

eða egilshöll.

eða KA heimilinu.

en stelpan syngur eins og engill og maður glápti á þetta eins og þetta væri fótboltaleikur barasta. alveg límdur.

enda góður matur og nammi í skál..

[Magnús Geir Guðmundsson, 18.5.2009 kl. 22:24]

Hehe, alveg sérstaklega já í KA-heimilinu!

En þú varst já auðvitað límdur karlinn, því nóg var af lystugu "Lambakjéti" á skjánum!

[Jens Guð, 19.5.2009 kl. 00:53]

  Það má ekki tala niður lagið hans Óskars Páls.  Hann er Skagfirðingur og sonur Sveins hestamanns Guðmundssonar.  Ég er ekki nógu vel inni í Evróvisjón til að muna hver höfundur "All out of Luck" var.

[Magnús Geir Guðmundsson, 19.5.2009 kl. 20:56]

Jájá jens minn, veit þú ert allra kallra heimasveitarhollastur og Óskar páll er held ég ágætur, en amt...

Það var nú sjálfur Tod Todson sem samdi lagið alveg örugglega, fínn strákur hann Þorvaldur Bjarni. (eins og hann heitir öðru nafni!) Textan á ensku aðlagaði allavega svo Sveinbjörn I. Baldvinsson, allrahandamaður í listum, m.a. handritasmiður og gaulari með meiru í Hálft í hvoru og gott ef ekki fleiri svona vísnamúsíkurböndum!? (Deobolisca Misica kannski þar sem Jóhanna Þórhalls söng m.a. og gott ef ekki Páll Torfi læknir var líka í?)

[Jens Guð, 20.5.2009 kl. 02:54]

  Ég er alveg úti að aka í Evróvisjón.  Hét ekki eitt af sigursælum lögum í þessari keppni  "Eitt lag enn"?  Er ég að rugla eitthverju saman þegar ég tengi það við Hörð Ólafsson?  Mér er annars slétt sama um Evróvisjón.

   Sveinbjörn I.  Baldvinsson var í Diabolus Musica:  Söngvari og söngvahöfundur.  Jóhanna Þórhalls söng og Jón Páll Sigurpálsson var bassaleikari.  Við Jón Páll vorum bekkjarbræður í Myndlista- og handíðaskóla Íslands.  Jón Páll var og er djassgeggjari með andúð á popp- og rokkmúsík.  Hafði óbeit á Herbie Hancock,  John McLauglin og öðrum fjúsonköllum sem ég hafði dálæti á þarna um miðjan áttunda áratuginn.  Jón Páll var svo áhugalaus um poppmúsík að hann þekkti ekki Bítla eða Rolling Stones í sundur.  Þannig músík var honum svo víðs fjarri.  Við spjölluðum oft um músík en hann fyrirleit flest sem ég hafði í mestu metum.

  Það var ansi gaman þegar Mick Jagger,  söngvari Rolling Stones,  heimsótti Slunkaríki á Ísafirði sem Jón Páll veitti forstöðu.  Jón Páll þekkti að sjálfsögðu ekki Mick Jagger og hélt að hann væri enskur sagnfræðingur.  Ekta Jón Páll.  Þegar Jón Páll var síðar upplýstur um að þarna hafi söngvari Rolling Stones verið á ferð gaf Jón Páll lítið fyrir og varð fyrir vonbrigðum með að þetta hafi ekki verið sá enski sagnfræðingur sem hann hélt Mick Jagger vera.