Nú glöddust gumar..

...og Gummi Ben. líka!

Hahahah, þetta var auðvitað snilld í sjálfu sér, að gutti úr barnaliðinu skuli koma og redda þessu fyrir að undanförnu særða MU liða og já þannig að Guðmundur Benediktsson, sem ekki beinlínis er þekktur fyrir andúð á sigurliðinu, gat ekki leynt gleði sinni heldur í lýsingunni!
En nú hlýtur hið margumrædda sjálfstraust aftur hafa snúið til "Gömlu torfunnar" og yfirlýsingar um að titillinn fari ekkert annað en þangað, taka áreiðanlega að hljóma á ný og þetta sé bara búið!?
Svo er nú líkast til ekki, en með þessum góða sigri, blöndu af mikilli baráttu og vissri heppni,hefur MU aftur þetta að mestu í eigin höndum.
Er ég ekki frá því, að þeir hafi bara sest niður og lært af Liverpool!?

Táningur tryggði Man.Utd dýrmætan sigur

Athugasemdir

[Ragnar Martens, 5.4.2009 kl. 17:31]

Gummi Ben er nú Arsenal maður

Auðvitað má þakka LFC fyrir þetta á einhvern hátt

[Jon Hr. (IP-tala skráð) 5.4.2009 kl. 17:37]

United voru án leikmanna eins og Rio, Vidic, Brown, Scholes, Anderson, Rooney og Berbatov. Tevez var vel þreyttur í þessum leik eftir langt ferðalag, ég hafði einhvern veginn alltaf á tilfinningunni að þetta yrði mjög erfiður leikur fyrir United. Svo var Gary Neville ekki að höndla miðvarðarstöðuna né að vera fleygt inn í liðið skyndilega eftir fjarveru, hann hafði ekkert í Carew í loftinu og Agbonlahor (ath stafs) tók 3 skref meðan Gary tók 1 á sprettinum. En þetta reddaðist, það eru víst fleiri lið en Liverpool sem geta skorað í blálokin.

[Lára Hanna Einarsdóttir, 5.4.2009 kl. 18:04]

Hér var svolítið gaman, því í stofunni sátu einmitt Englendingur og Ítali að horfa á leikinn.

Þeim fannst úrslitin ekki leiðinleg. Ekki mér heldur. 

[Magnús Geir Guðmundsson, 5.4.2009 kl. 18:08]

Þú segir það Ragnar,en ég sagði ekkert um með hverjum Gummi héldi,aðeins að hann væri ekki þekktur fyrir andúð sína á heimaliðinu og þannig orðaði ég það ekki alveg að ástæðulausu.

ÉG geng heldur ekki svo langt að segja að þetta hafi verið snillingunum í Live að þakka, en baráttan hjá MU þarna í restina virtist öllu meiri en í undanförnum tveimur leikjum allavega.

[Frelsisson (IP-tala skráð) 5.4.2009 kl. 18:09]

united gat ekki jack í dag... vonandi að þeir haldi áfram á þessu leveli. Liverpool er bara klassa sterkara í dag, það er staðreynd. Ég meina 0-1 sigur á móti Fulham og united tapar 2-0... við tökum Villa heima 5-0... united marði þá í dag 3-2... og ég tala nú ekki um niðurlæginguna á Old Trafford 1-4 fyrir Liverpool. Liverpool hefur auk þess bara tapað 2 leikjum í vetur. Við erum að tapa deildinni á skíta óheppni ef það fer þá þannig.

ÁFRAM LIVERPOOL... 

[Brattur, 5.4.2009 kl. 18:12]

United var með hálfgert varalið í dag en hlaut þó öll stigin 3 sem í boði voru... þau sig verða dýrmæt í restina... United hefur verið langbesta liðið í vetur og á svo sannarlega skilið að verða Englandsmeistara...

[Magnús Geir Guðmundsson, 5.4.2009 kl. 18:15]

Jájá, MU virðast geta það líka Jón Hr., en eins og fram kom hjá Gummanum í gær, þá hafa Gerrard og félagar gert það oftast allra, eða í átta leikjum núna. Engin afsökun að þessa spilara hafi vantað, þeir voru nú flestir eða nokkrir allavega með á móti Fulham og Liverpool með alkunnum árangri. Fyrr í vetur talaði svo allavega einn leikmanna félagsins um það fjálglega að það gæti sem best stillt upp tveimur liðum í deildinni sem bæði myndu vera í toppbaráttunni.

[Magnús Geir Guðmundsson, 5.4.2009 kl. 18:18]

haha Lára mín Hanna, get nú alveg skilið það,en gaman væri að vita hvurt þið öll hafið verið hress með leikin að öðru leiti?

[Magnús Geir Guðmundsson, 5.4.2009 kl. 18:22]

Nokkuð til í því Frelsisson, en jafnteflishrúgan telur fyrst og síðast.

Ekki sammála Brattur, MU væri þá í alvöru búið að tryggja titilinn ef svo væri.

[Kristján Jakob Agnarsson, 5.4.2009 kl. 18:24]

já hr frelsisson það vitum við allir að þið hafið bara tapað 2 leikjum í vetur ennþá en jafnteflin eru orðin 10 og það segir allt sem segja þarf.

[Viðar Friðgeirsson, 5.4.2009 kl. 18:43]

Frelsisson. Þú heldur áfram að staglast á mismunandi úrslitum Liverpool og MU eins og það skipti öllu máli.

Eigum við að krýna Liverpool sem meistara af því að þeir unnu Fulham en MU tapaði fyrir þeim? Eða eigum við að krýna ykkur meistara af því að þið unnuð einhver lið með meiri mun en MU? Sorry þannig gengur þetta ekki fyrir sig þó þú viljir greinilega hafa þetta þannig.

Málið er það að það skiptir engu máli. Það sem skiptir máli er að vinna leiki, ekki gera jafntefli leik eftir leik.

Þegar upp er staðið skipta mörkin ekki máli nema tvö lið verði jöfn í efsta sæt.

Það þarf að vinna leikina til að verða meistari. Þess vegna er MU líklegast til að verða meistari enn og aftur. Þeir einfaldlega vinna fleiri leiki  en LFC. Þarf að ræða það eitthvað frekar?

[Magnús Geir Guðmundsson, 5.4.2009 kl. 18:58]

Mótið er nú ekki búið Viðar minn og það gæti alveg farið svo að LFC ynni titilinn þó félagið ynni ekki eins marga leiki og MU. Vissulega slæmt að gera svona mörg jafntefli, en ekki gleyma að fyrir þau fást samt eitt stig. TAkk fyrir að endurtaka það sem ég sagði við F Kristján Jakob.

[Snorri (IP-tala skráð) 5.4.2009 kl. 22:37]

Gaman af þessari umræðu. Fólk virðist stundum gleyma því að United var að spila roooosalega vel frá Arsenal leiknum og alveg að Liverpool leiknum og að tveir leikir bæði hjá Liverpool og United greinilega skipta orðið öllu í umræðunni hverjir eru búnir að vera bestir á tímabilinu. Held við sjáum bara þegar bikarinn fer á loft í vor hverjir eru bestir - hvort það verður Man U eða Liverpool verður bara að koma í ljós.

[Magnús Geir Guðmundsson, 5.4.2009 kl. 23:20]

Það þarf heldur ekkert að verða annað hvort Live eða Mu Snorri,gæti alveg eins orðið Chelsea!