"Siglufjarðarsinfónía" og fleiri framboðspælingar!

Já, gamla síldarvígið Siglufjörður má nú aldeilis vel við una er litið er á nokkra er sigur hafa unnið í prófkjörum um þessar mundir!
fram að úrslitum helgarinnar, höfðu allavega tveir þaðan ættaðir af meira eða minna leiti, unnið sín prófkjör, Kristján Möller í NA hjá S og Siv Friðleifsdóttir hjá B í SV! Um helgina bættust svo allavega tveir við, Illugi Gunnarsson fyrir D í Reykjavík og svo nú sem hér má lesa, Birkir j'on í NA hjá B!
Og kannski eru þeir fleiri eða eiga eftir að bætast við!?

SVo vekur athygli, en er kannski ekki mjög skrýtið, að hagfræðingar sigla seglum þöndum í þessum prófkjörum!
Áðurnefndur Illugi er svo skólaður og kemur auðvitað í stað annars slíks, Geirs nokkurs Haarde, sem líka er reyndar svo skemmtilega,einmitt ættaður frá Siglufirði ef mig misminnir ekki!?
Í dag tókst svo Tryggva Herbertssyni að ná öðru sæti hjá D liðinu í NA, en í gær var það Sigríður Ingibjörg Ingadóttir sem náði fjórða sæti hjá S í Reykjavík! (Gæti ég sem best vel´trúað, að Magga tengdamamma hennar, Birgir ektamaðður og mákonur hennar ýmsar m.a. séu ánægð með stúlkuna!)
Og Lilja Mósesdóttir hafði þeirra fyrst svo náð þriðja sætinu hjá V í Reykja´vík.
Það held ég nú.
Að lokum má á hinn bógin velta því fyrir sér hve hlutur þingmanna frá Akureyri ætlar að verða rýr og kannski enn rýrari en fyrir tæpum tveimur árum eins og lítur út fyrir í dag.
Minn gamli skólafélagi úr æsku, Ármann Kr. féll ílla hjá D í "Kraganum" og missir sætið og í prófkjörunum eða forvölunum eða hvað þetta kallast, eru piltar góðir á borð við Loga Einars hjá S í NA og Fúsi Karls hjá B í sama kjördæmi (líka gamall skólafélagi með meiru) bara í fjórða sæti. En Simmi sjónvarpsstjarna virðist þó auðvitað vera á leiðinni á þing, en þá bara sem eini slíkur ættaður frá bænum fagra og góða við Pollinn!?
Þess ber þó að geta í öllu þessu, að ekki er allt komið á hreint enn, enn vantar framboð hjá ýmsum að ég best veit.

EFlaust börðust eins og ljón,
ungherjar um prófkjörsgrundir.
En Briddsspilarinn Birkir Jón,
Boltadrengin hafði undir!

Birkir Jón sigurvegari

Athugasemdir

[Lára Hanna Einarsdóttir, 16.3.2009 kl. 00:22]

Er briddsið bara upp á stuðla og höfuðstafi hjá þér, minn kæri? Það er nebblega póker sem sá stutti grípur í stundum.

[Magnús Geir Guðmundsson, 16.3.2009 kl. 00:51]

Ekki alveg Lára mín Hanna, strákurinn á sínar djúpu rætur í Bridgeinu. Hins vegar ku ekki vera óalgengt að slíkir færi sig yfir í nefnt spil, þar sem gull og grænir skógar geta leynst. Þar get ég meira að segja nent einn góðan íslenskan dreng er ég þekki nokk og er skildur,nafna minn Magnús Magnússon frá Húsavík!

[Hólmdís Hjartardóttir, 16.3.2009 kl. 09:59]

hvur á þennan Húsavíkurnafna þinn?

[Húnbogi Valsson (IP-tala skráð) 16.3.2009 kl. 10:23]

Ég segi eins og Hólmdís, Magnús Magnússon er ekki mjög húsvískt nafn. Ef hann hefur eitthvert uppnefni, þá erum við, húsvíkingarnir, með á nótunum og vitum þá örugglega hver þetta er.

[Magnús Geir Guðmundsson, 16.3.2009 kl. 11:08]

Ja, nú er ég dulítið hissa, hinn ljóshærði og litfríði nafni minn og frændi sannarlega á Húsavík fæddur og uppalinn! Hann einn af mestu afrekssonum bæjarins í nefndri spilaíþrótt, sem Óli nokkur Kristinsson kenndi honum upphaflega, en sá ágæti karl var nú föðurbróðir bróður míns!

Maggi vann einhverja titla á landsvísu og spilaði oft með landsliðinu veit ég. En hann hleypti ungur heimdraganum og hefur nokkurn hluta ævi sinnar átt heima í útlandinu víða!

Magnús Eiður Magnússon heitir hann annars fullu nafni ef ég man rétt og eru foreldrar hans hið besta tónlistarfólk og vel lært. Móðir hans er Hólmfríður Benediktsdóttir og þarf ég þá væntanlega ekki að segja meira hér!?