Athygli skal vakin á því..

...að þessir tveir ungu herramenn í Framsókn, sem þarna greiða atkvæði hvor á móti öðrum og sýna þannig hversu "nýja Framsókn" er "samhent og laus við átök" eftir nýliðið flokksþing, óska báðir eftir endurnýjuðu umboði flokksmanna í NA kjördæmi og vilja báðir leiða listann!
Tillagan auðvitað ekkert nema tilraun til að tefja sem lengst að gamla foringjanum verði komið út úr Seðlabankanum, aðrar skýringar bara fyrirsláttur, álit frá Evrópu allt í einu farið að skipta D liðið máli!?
En fólk ætti að fylgjast vel með framvindunni hjá þessum B strákum, Birki nýkjörnum varaformanni og Bridgespilara frá Siglufirði annars vegar og fv. fótboltasparkaranum, lögfræðingnum og prestssyninum frá Akureyri, Höskuldi, sem kljást hér nyrðra, þetta er greinilega það sem koma skal og ekki verður neitt "elsku mamma" í baráttu þeirra!
Annars vekur það helst atriði við við frambjóðendur B í NA kjördæmi, að söngkonan síkáta og ljósmóðirin vörpulega Eva Ásrún Albertsdóttir tekur slagin um allavega þriðja sætið, en Jónína nokkur Ben. frænka mín (sem nú flaggar ættnefni úr móðurætt sinni, Ottesen) er hins vegar hvergi sjáanleg hér! En kannski á hún sinn þátt í framboði EÁ?

Vilja fresta seðlabankaumræðu

Athugasemdir

[Offari, 23.2.2009 kl. 13:16]

Jónína er líka frænka mín. Erum við kannski skyldir? Ég tel að nýja framsókn sé að segja með þessu að ákvörðun flokksins þarf ekki endilega að endurspegla ákvörðun allra flokksmanna.

[Magnús Geir Guðmundsson, 23.2.2009 kl. 13:50]

Blessaður HH bróðir!

Nei, þessi ákvörðun þarf ekki að endurspegla vilja allra flokksmanna, en það er þá heldur betur ekkert nýtt á þeim bænum, "landlægur andskoti" í þessum blessaða flokk eða valdakjarna hans, að breyta á móti vilja meirihluta flokksmanna eða kjósenda í mörg ár og því er svo komið sem raun ber vitni fyrir flokknum! En kannski nær hann að rétta úr kútnum í kosningunum, væri nú eftir öðru hjá þessari þjóð.

En þar sem ég er skotin í HH (eins og allir almennilegir karlar hljóta að vera hehe!?) þá kíkti ég einhvern tíman í Íslendingabók og þar var ekki um nána tengingu eða skyldleika að ræða. Þið eruð vísast skyld J í móðurætt hennar, en hennar föðurætt er skyld mér!

[Svala Jónsdóttir, 23.2.2009 kl. 22:26]

Yrði Eva ekki bara fín á þingi og "strákarnir" bestir í boltanum? Eða briddsinu?

[Magnús Geir Guðmundsson, 23.2.2009 kl. 22:54]

Hehe, ágæt spurning, nema hvað að hún dembdi sér ekki í baráttuna um oddvitasætið, hefði kannski átt að gera það!?