Jafnteflafár!

Ekki hægt að kalla þetta annað í tilfelli Liverpool núna og svei mér ef aðdáendur Man. Utd. séu farnir að trúa því að þeir geti orði meistarar horfandi á þetta!?
Liferpool virðist heldur ekki geta tapað, sem líkt og gegn SToke hefði ekki verið óeðlilegt miðað við restina á leiknum, en sem þá átti liðið hins vegar að vera löngu búið að klára dæmið!
Óskaplegt klúður bara og klaufaskapur, en hér er þó engin uppgjafartónn í nokkrum manni, öðru nær og baráttan er engan vegin búin!
Raunar er hún bara að harðna, Aston Villa vinnur og vinnur og Chelsea kannski aftur komnir á beinu brautina?
Everton mjög góðir um þessar mundir, en einbeitingarleysi í kvöld kostaði liðið tvö stig í restina gegn annars frekar slöppu Arsenalliði.
Þeir munu þó öruggglega ekkert láta það á sig fá og taka eitt til þrjú stig af MU um næstu helgi!?

Wigan og Liverpool skildu jöfn - Van Persie kom Arsenal til bjargar

Athugasemdir

[pjakkurinn (IP-tala skráð) 28.1.2009 kl. 22:17]

Hvert á að senda vælubílinn?

[Einar (IP-tala skráð) 28.1.2009 kl. 22:29]

Hvernig dettur þessu þjálfarafífli að taka Gerrard útaf þegar þeir jafna og tíu mínútur eftir? Þrátt fyrir að hann hafi ekki átt sérstakann dag er hann alltaf líklegasti maðurinn til að klára svona leiki.

 Ps. hvernig er hægt að taka 1 stig af öðru liði? Skil hvernig hægt er að taka 2 og 3

[Brattur, 28.1.2009 kl. 22:32]

Annað sætið er bara fínt... Ísland var í 2. sæti á Olympiuleikunum og við héldum ærlega upp á það... ég vona að þið hafið Villa í baráttunni um það....

United kveðjur,

[GW (IP-tala skráð) 28.1.2009 kl. 22:33]

Það er alveg svakalegt að horfa uppá Liverpool liðið leggjast svona á aðra hliðina þegar þeir gera mark.  Það þarf kannski að gera þeim grein fyrir að leikurinn er í 90 mínútur og það er ekkert "Gullmark" sem klárar leikinn.  Annars er kannski ekki rétt að segja að United aðdáendur séu farnir að trúa að þeir geti orðið meistarar heldur frekar að þeir geti varið meistaratignina, but anyways  "Áfram fótbolti" er mitt framlag og áfram HSV (Hamburger SportVerein)!!!

[Magnús Geir Guðmundsson, 28.1.2009 kl. 22:46]

Mjög djúpar pælingar hjá bæði nafnlausum og Einari, sem ég á þó ekki svör við, ekki nógu gáfaður til þess! En þetta með að "Taka eitt stig" er nú svona fótboltamál held ég, í þessu tilfelli útilið gegn því efsta að auki. En réttmæt ábending í sjálfu sér Einar, engin á stigin, allavega ekki fyrirfram!

Geri nú alveg eins ráð fyrir MU í öðru eða jafnvel þriðja sæti.

[Magnús Geir Guðmundsson, 28.1.2009 kl. 22:47]

Það vantar allavega einbeitingu nú leik eftir leik hjá LFC, HSV aðdáandi.

[Ignito, 28.1.2009 kl. 23:25]

"Óskaplegt klúður bara og klaufaskapur, en hér er þó engin uppgjafartónn í nokkrum manni, öðru nær og baráttan er engan vegin búin!"

Flott hjá þér

Vildi að ég hefði helming af þessari trú þinni   Kemur kannski aftur ef Liverpool nær góðum úrsitum gegn "Gummibears" hans Romans

[Lára Hanna Einarsdóttir, 28.1.2009 kl. 23:25]

Við á þessu heimili erum bara kát með þetta... 

[Ignito, 28.1.2009 kl. 23:31]

Lára, það er þó gott að það komi eitthvað frá bretlandseyjum sem lytfir upp brúninni hjá ykkur

Mátt alveg gerast áhangandi Poolara ef þig vantar meiri kátínu   Ernum nú oftast hressir þó móti blási

[Magnús Geir Guðmundsson, 28.1.2009 kl. 23:46]

Hr. I, engin trú, bara raunsæi!

En ekki skipta þér að Láru Hönnu og hennar heimilisánægju, ekki hérna allavega.

Mátt líka vera sæl með þitt Lh eins og staðan er núna, en það kann að breytast, vittu til!

[Lára Hanna Einarsdóttir, 29.1.2009 kl. 00:40]

Ég held að Bretar séu nú hvorki betri né verri en aðrir, Ignito... en kannski svolítið öðruvísi. Boltinn frá þeim er oftast mjög skemmtilegur þótt mest séu þetta útlendingar núorðið.

Ég er sæl með stöðuna eins og hún er þótt 2 stig séu nú ekki mikið og allt geti gerst. En er á meðan er... 

[Magnús Geir Guðmundsson, 29.1.2009 kl. 01:10]

Já einmitt Lára mín, er á meðan er og ekki skammast meira út í þá sem fylgjast enn með boltanum á laugardögum og sjást ekki á Austurvellinum!

[Þórarinn M Friðgeirsson, 29.1.2009 kl. 10:12]

Er ekki hægt að fá pillur við þessu fári eins og öðrum. Réttilega bent á að meðan við gerum jafntefli þá töpum við ekki þetta er aðeins of djúp fræði fyrir mig enda er ég enginn mannvitsbrekka. Ég ætla til Englandsskíris á morgun með mótmælaskilti og áfangastaður minn er Andfýlustaðir í Lifrapolli á skiltinu stendur skýrum stöfum á ÍSLENSKU : Vanhæfur knattspyrnustjóri og ekki orð um það meir en maður spyr sig ?????

[Ignito, 29.1.2009 kl. 13:43]

"En ekki skipta þér að Láru Hönnu og hennar heimilisánægju, ekki hérna allavega."

Ég ætla nú að vona að svar mitt til hennar hafi verið tekið sem það var, gríni.  Tenging við bretlandseyjar var vegna hryðjuverkalaganna, hefði hugsanlega mátt fylgja til að forðast misskilning. 

En já, þetta er ekki mitt blogg og skal ég því forðast að svara öðrum en eigenda síðu ef eitthvað svipað kemur uppá í framtíðinni.

[Stefán Lárus Pálsson (IP-tala skráð) 29.1.2009 kl. 13:51]

Ja hérna Magnús Geir, nú er lag á Læk, nú treysta þeir rauðu á að Everton sér til bjargar til að naga stig af Englandsmeisturunum!  Ekki átti ég nú að hugarástandið væri svona bágborið! Skammdegisþunglyndið er mörgum þungbært! Ég veit að 4. Sætið er skammt undan en það gefur þó rétt í meistaradeildinni, sem er svo sem bara gott!

[Magnús Geir Guðmundsson, 29.1.2009 kl. 15:10]

Þú ert óborganlegur Þórarinn hehe, en sá spænski er nú ekki vandamálið. VAndamálið heitir "að skora fleiri mörk en andstæðingurinn, nýta eitthvað meir af öllum færunum sem gefast"! Oh, þú ert svo seigari en þú heldur karlinn!

Minn ágæti Mr. I, er svona mest á því já, að þegar einn bloggari, ég tala nú ekki um eins og í þessu tilfelli kær vinkona bloggsíðuhaldara á í hlut, víkur að mér orði, en síðan einhver annar utanaðkomandi bloggari tekur sér það bessaleyfi að vara, þá sé það ekki vel við hæfi, svona í flestum tilfellum. Og ef og þegar á að fara að blanda saman pólitík og íþróttum, þá er það enn verra.Því bara betra að þú skildir ekki minnast á hryðjuverkalög, nógu vont mál með þau þótt þeim sé ekki blandað í boltan, sem hún reyndar óbeint bendir á og ég hef nú sjálfur gert, að er ekki alveg sanngjarnt að deila á því þetta er orðið svo alþjóðlegur pottur þótt ensk deild heiti!

Ef svo hann Stefán hérna bara vissi haha, skammdegisþunglyndi fjarri mínum húsum, en þó vel kunnugt sem slíkt.

Svo er það bara raunhæft mat að Everton geti náð einu til þremur stigum á Old trafford, þeir gerðu jafntefli á Anfield í tvígang, hví skildu þeir ekki geta náð sama árangri gegn Mu eða jafnvel betri!?

[Magnús Geir Guðmundsson, 29.1.2009 kl. 15:17]

En ekkert er nú bannað í sjálfu sér, en LH mátti bara eiga sína ánægju í friði, nema kannski fyrir mér!?

[Magnús Geir Guðmundsson, 29.1.2009 kl. 15:19]

Og einu gleymdi ég hjá þér tóti, pillur eru nú hættulegar, en kannski væri svarið Viagra?

[Víðir Benediktsson, 29.1.2009 kl. 17:11]

Ekki bara að leikurinn standi í 90 mínútur. Keppnin er líka lengri en fram að áramótum. Þetta eru grundvallaratriði sem Liverpool er ekki að skilja en hverjum er ekki sama.

[Magnús Geir Guðmundsson, 29.1.2009 kl. 20:00]

Hehe, augljóslega ÞÉR og einmitt á NÁKVÆMLEGA sömu forsendum og þú ert að belgja þig hérna elsku "Bótar´baggalúturinn" (frekar En Dokkar?) þá er mótið já EINMITT EKKI BÚIÐ FYRR EN Í VOR!

Þarna hittir þú nú bara sja´lfan þig fyrir, en sem ég hef sagt allan tíman, við spyrjum að leikslokum, það gæti vel svo farið að hvorki LFC né MU hrósi sigri!