Út af fyrir sig ekki slæm úrslit...

En í ljósi færa í fyrri hálfleik og marktilrauna, brotthvarfs Fabrekas af velli strax í byrjun seinni hálfleiks og brottvísunar Adebayors, þá hefði Liverpool átt að geta knúið fram sigur! Hins vegar er ég 99% með það á hreinu að Chelsea vinnur ekki Everton annað kvöld, svo toppsætið verður áfram á "réttum stað"! Aston Villa hins vegar að læðast hægt og bítandi svo lítið ber á upp í meistaratitilsbaráttuna og er nú aðeins fimm stigum frá toppnum!
"Júníteddar" glaðir eftir sigur í Asíukeppni, eiga því orði tvo til þrjá leiki til góða, en þeir munu ekki vinna nema einn til tvo þeirra í mesta lagi, nema eitthvert dómararugl og svoleiðis komi til hjálpar!

Arsenal og Liverpool skildu jöfn, 1:1

Athugasemdir

[arnar valgeirsson, 21.12.2008 kl. 21:05]

chelsea og everton gera alltaf jafntefli. yfirleitt eitt eitt. arteta setur hann, enda framherji. núna allavega.

[Kristinn Halldór Einarsson, 21.12.2008 kl. 21:19]

Jæja meistari. Bara byrjaður að líta yfir öxlina. Fyrir leikinn í dag hafði Liverpool gert 3 jafntefli í röð á heimavelli, allt leikir sem gera verður kröfu til að meistaraefni vinni, samtals eru jafnteflin á heimavelli orðin 4 hjá Liverpool. United hefur nú eingöngu tapað 1 stigi minna en Liverpool. United hefur klárað marga erfiða útileiki á fyrri hluta tímabilsins og hefur leikið tveimur leikjum minna en Liverpool, á heimavelli. Fram til þessa er árangur United á heimavelli 6 sigrar og 1 jafntefli, hjá Liverpool 5 sigrar og 4 jafntefli. Þannig að meiri líkur en minni verða teljast á því að United vinni þessa leiki sem liðið á inni á Liverpool. Venjulega hefur United liðið verið sterkara eftir áramót en fyrir áramót þannig að það stefnir allt í spennandi mót.

Og svona bara að lokum.

Heimsmeistarar félagsliða: Manchester United

Bestu jólakveðjur

[Óskar Þorkelsson, 21.12.2008 kl. 22:46]

Það er nú fínt að ná jafnteflum úr leikjum sem við getum ekkert í Kristinn  

Áfram Everton á morgunn.. tvö leiðinlega blá lið að spila svo það verður blues dauðans. 

[Steingrímur Helgason, 21.12.2008 kl. 23:37]

dipló...

[Magnús Geir Guðmundsson, 22.12.2008 kl. 03:00]

Addi, ég er þér sammála og sem ég segi, 99% líkur á jafntefli eða kannski Evertonsigri!

En fjárans leiðindi með L.U. McAllister og hans frammistöðu, en er þá Guðjón ekki bara málið hehe!?

Kristinn minn, mér finnst þú alveg frábær! Ert með Liverpooltölfræðina jafn vel ef ekki betur á hreinu en ég sjálfur Púlarinn!

En mínir menn einmitt líka verið mun sterkari í seinni hluta mótsins sl. árin. En jamm, þetta verður spennandi, held samt að ferðin muni ekki gera United gott og stig muni líklega tapast í leikjum er þeir mæta heim að nýju. Svo er alltaf erfitt að vera með slíka leiki til góða mjög lengi, þeir lenda kannski þannig að auka álagið, sem er þó alveg nóg skilst mér á Hr. Ferguson fyrir. (hann hefur oft viðrað þá skoðun að taka eigi upp vetrarfrí í Englandi eins og t.d. hefur viðgengist lengi í Þýskalandi)

En til lukku með titilinn félagi!

Takk fyrir það STeini, þínir menn stóðu sig vel í dag, (gær) en Gerard var klaufi að skora ekki 1-2 og þá hefði þetta orðið annar leikur.

Takk sömuleiðis Óskar fyrir innlitið, nokkuð skemmtileg lýsing hjá þér á bláu liðunum tveimur og vonandi verðum við sáttir eftir leikin annað kvöld!