Fyrsta faðmlagið!

Ónefnd yngismeyja, allt í senn glæsileg, gullfalleg, gáfuð,aðlaðandi, ástrík og lokkandi með málin 90-60-90, 1.72 á hæð og 59 kg. gerði sér lítið fyrir áðan og sendi mér funheitt faðmlag með rafrænum hætti!

ÞAÐ FYRSTA SEM ÉG FÆ!

Er nema von að ég sé núna allt í senn já, hamingjusamur, glaður, reifur, hress, kátur, hreykin og já bara allur settur út af laginu, sem feimin lítill skólastrákur!?

Annars fínt framtak hjá Mogganum/blog.is, en þó voru sumar píur allavega að kvarta í fyrstunni yfir slíkum "Troðningi og taumleysi" í faðmlagaframlögum, að þær voru komnar með auman kropp og marbletti!

Inn úr dyrum Geiri gekk,
glaðlegur að nýju.
Áðan loksins gaðmlag fékk,
fullt af ást og hlýju!

Athugasemdir

[Hólmdís Hjartardóttir, 16.10.2008 kl. 20:27]

   fékkstu stuð?

[Magnús Geir Guðmundsson, 16.10.2008 kl. 20:54]

Auðvitað fékk ég það og hef verið í STUÐI síðan! Myndir þú ekki líka fá það ef ónefnd yngismey, allt í senn glæsileg, gullfalleg, gáfuð... myndi faðma þig ástríðuþrungið eins og þessi mig!?