Af hógværð fögnum vér góðum sigri!

Öfugt við þegar margur aðdáandi Man. Utd. hefur fagnað við slík tækifæri svo lekið hefur af honum stoltið, þá tökum vér hérna þessu með stillingu, gleðjumst að sjálfsögðu yfir sigri á meisturunum en vitum sem er að þetta er bara áfangi á langri leið í átt að stóra takmarkinu, sem vonandi verður að veruleika, að vinna Englandsmeistaratitilinn!
Með margan leikin í huga á sl. árum sem fóru 1-0 eða 0-1 eftir að þeir alrauðu höfðu verið betri, var þetta þó sætara en stundum og eftir tvo heldur dapra tapleiki á síðustu leiktíð.
Miðað við flest í gangi leiksins, skot og opin færi, var þetta held ég svo bara nokkuð sanngjarnt!?
Og svo bara áfram veginn, mannskapur og flest annað virðist gefa til kynna að Liverpool geti fyrir alvöru, gert atlögu að tititlinum og á svo held ég mikið inni enn gæðalega!

Babel tryggði Liverpool langþráðan sigur á Manchester United

Athugasemdir

[Lára Hanna Einarsdóttir, 13.9.2008 kl. 15:14]

Til hamingju með þína, minn kæri! Þeir áttu sigurinn skilið. 

[Magnús Geir Guðmundsson, 13.9.2008 kl. 15:23]

Bestu þakkir góða stuðningskona Mu!

Ekki að spyrja að ljúfu lundarfari þínu að óska andstæðingnum til hamingju að leik loknum!

[Kristinn Halldór Einarsson, 13.9.2008 kl. 18:06]

Betra liðið vann í dag. Ég er hinsvegar frekar afslappaður yfir þessum úrslitum og trúi því enþá að United liðið sé í betra ástandi núna á seinasta tímabili, og trúi því að allt fari vel að lokum.

[Magnús Geir Guðmundsson, 13.9.2008 kl. 20:08]

Takk kærlega minn kæri Kristinn Halldór, ánægjulegt að fá bara kurteisa og ei svo mjög tapsára MU aðdáendur í heimsókn!

Mótið auðvitað rétt að byrja, svo ég sjálfur er með báða fætur á jörðinni, eins og fram kemur í pistlinum. Við spyrjum já að leikslokum, en ég er nú nokkuð viss um að baráttan verður harðari nú í ár og öll toppliðin fjögur frá sl. vori auk liða á borð við Portsmouth, Aston villa og jafnvel Tottenham, verði þarna að kljást um lengri eða skemmri tíma. Deildin virðist líka vera í heild að styrkjast, sem t.d. virðist sjást á, að öll liðin sem komu upp núna úr 1. deildinni hafa strax bitið vel frá sér!

[arnar valgeirsson, 13.9.2008 kl. 23:36]

til hamingju. sá ekki leikinn en heyrði að júnætið hefði byrjað betur en þið valtað yfir þá síðar meir.

leyfðu þér að svífa og njóta, meðan tilefni er til.

gleðst alltaf þegar skumsararnir tapa. ógurlega bara.

[arnar valgeirsson, 13.9.2008 kl. 23:37]

og bæti því við að við unnum 1-3 eða auðvitað þrjú eitt þannig lagað, en samt á útivelli.

manni undir frá áttundu mínútu. solid lið.

[Magnús Geir Guðmundsson, 14.9.2008 kl. 04:00]

TAkk kærlega Arnar, Liv og Lee á uppleið!