VIVA ESPANIA, VIVA TORRES!

Glæstur sigur, gleðitárin renna,
gulur, rauður, svartur blakktir fáni
Hjörtu ungra manna heitt já brenna,
heill sé þeirra landi núna SPÁNI!

Jájájá, Lifi Spánn, lifi Fernando Torres, maðurinn sem skoraði sigurmarkið! Frábær sigur Spánverja og fyrir framsækin sóknarfótbolta! Amen!

Spánn Evrópumeistari

Athugasemdir

[Jenný Anna Baldursdóttir, 29.6.2008 kl. 21:08]

Verra liðið tapaði.  Vei, vei, vei.

[Jenný Anna Baldursdóttir, 29.6.2008 kl. 21:08]

Já og húsbandi fannst vísan þín frábær.  Og mér líka vísumaður.

[Magnús Geir Guðmundsson, 29.6.2008 kl. 21:54]

Hóhóhó, kærar þakkir Jenný mín aftur og enn!

SEndu sömuleiðis kveðju til Einars Stórsöngvara, bið að heilsa honum og hlakka til að heyra plötuna hans!

[Lára Hanna Einarsdóttir, 30.6.2008 kl. 02:34]

Var Spánn verra liðið???     Jenný komin út úr boltaskápnum, sé ég...  

Ég var í skemmtilegu matarboði og missti af leiknum. Bara nokk sama, en ánægð með sigurvegarana.

[Magnús Geir Guðmundsson, 30.6.2008 kl. 16:36]

Neinei mín kæra, Spánn voru betri og sigurvegara mjög svo verðskuldaðir, sem ekki er nú alltaf í boltanum!

Hehe, hún er bara að þroskast já kellan, svei mér þá!

En sjálf ertu fín, en boðið hýtur að hafa verið bæði mikilvægt og merkilegt fyrst úrslitaleikurinn varð að víkja.

Kannski bauð Björk í mat?

[Lára Hanna Einarsdóttir, 30.6.2008 kl. 16:59]

Onei, ekki þekki ég Björk blessaða en þetta voru skemmtilegar konur og trommarinn fékk að fljóta með til að gera við tölvu húsfreyjunnar. Hann blandaði sér hins vegar lítið í ákafar samræður okkar kvennanna um ýmis brýn þjóðfélagsmál en var okkur samt til mikillar skemmtunar á sínu móðurmáli, enda skemmtilegur maður með afbrigðum.

Einna skemmtilegast fannst okkur að hlusta á hann tala við sjálfan sig og tölvuna, þá var gjarnan grenjað úr hlátri og hann vissi ekki hvaðan á sig stóð veðrið því hann er þess ekki meðvitaður þegar hann talar svona við sjálfan sig og tölvur.

[Magnús Geir Guðmundsson, 30.6.2008 kl. 18:44]

Hóhó, hann les þetta heldur ekkert eða hvað blessaður?

En láttu mig nú þekkja tölvugrúskið, kann pínulítið á þær, en á nú eitt sykki bróður sem tölvuviðgerðarmaður telst víst!

Hann og ég líka tala stundum upphátt á vissum augnablikum og þá er nú líka bölvað hressilega ef ekki gengur sem skildi.

Honum hefur vonandi gengið að lappa upp á maskínuna, það getur nú gengið misjafnlega.

En leikurinn, hann er örugglega til staðar inn á RÚVvefnum núna í upptökusafninu, ef þú skildir hafa áhuga.(eða á ruv.is/em.)