Og Hanna Birna og Gísli Marteinn eru auðvitað sammála því!?

Nú eða Villi karlinn?
Þetta er nú eiginlega bara brandari og raunar drepfyndið að þetta skuli vera gert að frétt hér á Mbl.is!
Ekki beinlínis undrunarefni að traustið sé dvínandi á D listanum í borginni þessi síðustu dægrin og ekki vill það batna!
Og ekki er Hr. Snæhólm tryggur sínum gamla herra, sem hann þó kepptist við að mæra og mása upp í fésið á fyrir örfáum mánuðum, en kannski hefur hann nú fengið loforð um bitling hjá nýjum herra ef hnossið verður hans!?

Sjón er sögurík,
"Sirkús Reykjavík".
Engu öðru lík,
Asnapólitík!

Lýsir stuðningi við Júlíus Vífil

Athugasemdir

[Guðrún Þóra Hjaltadóttir, 15.5.2008 kl. 23:00]

Góður. Það kæmi mér ekki á óvart að Ólafur Friðrik gengi aftur í sjálfstæðisflokkinn þá getur hann verið borgarstjóri út allt símabilið. Sé ekki sjónvarp Ingva Hrafns og er viss um að ég missi ekki af miklu. Þetta er nú bara prump eins og annað í þessari borgarstjórn

[Magnús Geir Guðmundsson, 15.5.2008 kl. 23:12]

Sæl Guðrún Þóra og takk fyrir hrósið og innlitið!

Ja, kenningin er þín og kannski alls ekki svo vitlaus í ljósi alls sem á undan er gengið!

Að vísu þyrfti að segja manni tvisvar ef það væri á borðinu hjá Ólafi að snúa aftur, en menn hafa nú brotið obb af oflæti sínu og kyngt stoltinu fyrir ýmislegt og kannski meira!?

Við sjáum hvað setur.