Ótrúlegt en satt!

Oft eru nú fyrirsagnirnar hérna á mbl.is skemmtilegar og þetta er ein, þó hljómi nú svolítið á skjön.
Í mínu ungdæmi voru símalandi börn í góðlátlegum tóni oft kölluð bullukallar auk þess sem almennt er þetta góða og samsetta orð notað um einhvern sem mælir lítt gáfulega.
Um misheppnaða innbrotsþjófa hins vegar ekki svo ég muni, en þetta gefur nú skemmtilegt tilefni til öfugmælaleikfimi!

Á sveimi áðan sá ég lúðu,
sú fór yfir hratt.
Og bullukoll að brjóta rúðu,
besti vinur, mér já trúðu.
Alveg segi satt!

Annars hef ég ekki gert mjög mikið af því að klambra aman öfugmælavísum, en er ansi skemmtilegt þegar vel tekst til.

Annars finnst mér "nýjasta dellan í bænum" einnig með ólíkindum, þ.e.þessi yfirlýsingaútsendingagleði í allar áttir!
Borgarfulltrúar, bílaumboð, borgarskrifstofustarfsmenn, fréttastofa sjónvarps, hinir og þessir og -guðmávitaekkihverjir- hella þessu YFIR já, svo varla er neitt annað í fréttum!

Spurning að gefa sjálfur út eina stóra yfirlýsingu um að lýsa frati á þennan fjanda?
Og nú er ég eiginlega búin að því!

Bullukollur braut rúðu

Athugasemdir

[Ásthildur Cesil Þórðardóttir, 9.5.2008 kl. 12:20]

Ótrúlegt að tala svona, mér finnst lögreglan setja niður með svona ummælum. Vísan er góð.

[Magnús Geir Guðmundsson, 9.5.2008 kl. 12:45]

Kærar þakkir mín sköruglega vestfjarðavalkyrja!

Eins gott að "löggi litli" sem í hlut á, verði ekki á vegi þínum haha!

En ég reyni að taka þessu létt.

[arnar valgeirsson, 11.5.2008 kl. 22:14]

jamm, lýsum frati á allt heila klabbið.

takk fyrir innlitið, set plötur í dop dösin eða eitt til tólf inn fljótlega. lofa því að ekki verða allir sammála....

[Magnús Geir Guðmundsson, 12.5.2008 kl. 21:10]

Takk sömuleiðis Arnar! Menn eru nú sjaldnast sammála um músík og bara allt gott um það að segja, svona rétt eins og fótboltann!