Soundspell sigruðu!

Þau mjög svo ánægjulegu tíðindi bárust mér í gær, að ungherjarnir í kveintettinum Soundspell hefðu farið alla leið í tónlistarkeppninni International Songwriting Competition í Ameríku, borið sigurorð af á þriðja hundrað keppinautum í þessum flokki!
Stundum er sagt að upphefðin komi að utan og það hafa tónlistarmenn á borð við Björk, Mínus, Sigur rós og Mezzoforte reynt áður m.a. og nú semsagt Soundspell líka!
Strákarnir vissulega vakið athygli sl. tvö ár til dæmis fyrir fyrstu plötuna, Ode to An Umbrella á síðasta ári, en kannski ekki eins mikla og þeir hafa átt skilið.
En nú mætti ætla að breyting yrði á.
Þessi keppni er annars mikið fyrirtæki og dómararnir voru ekki af lakara taginu, heimsfrægir listamenn á borð við tom Waits, Rokkfrömuðin gamla Jerry Lee Lewis, Frank Black (aka Black Francis úr the pixies) og Robert Smith söngvara The Cure!
Verðlaunin voru svo af ýmsu tagi m.a. drjúg skólavist í virtum einkatónlistarskóla í Boston!
Innilegar hamingjuóskir til strákanna, virkilega ánægjuleg tíðindi, sem væntanlega munu hvetja þessa ungu menn og vonandi fleiri til frekari dáða!

Athugasemdir

[Lára Hanna Einarsdóttir, 11.4.2008 kl. 09:32]

Eru þetta ekki strákarnir sem Jens Guð vakti athygli á einhvern tíma í vetur?

[Steini Briem (IP-tala skráð) 11.4.2008 kl. 09:35]

Takk fyrir það, Maggi minn. Strákarnir verða örugglega ánægðir með þessa lofræðu þína, eins og þær fyrri.

[Steini Briem (IP-tala skráð) 11.4.2008 kl. 09:42]

Lára mín Hanna. Þetta eru Alexander, sonur minn, og félagar hans. Ég skrifaði um þá í nýjustu færslunni hans Jens (Farinn) og um Alexander skrifaði ég í 1. apríl-færslunni hans (Besta 1. apríl gabbið í ár).

[Magnús Geir Guðmundsson, 11.4.2008 kl. 09:46]

Góðan dagin gott fólk!

Jú Lára Hanna og ekki bara hannn heldur ég og Gurrí Vikudrottning meðal annara!

Og ef þú skildir ekki vita, þá er STeini karlinn snillingurinn, pabbi söngvarans Alexsanders!

Ekkert að þakka Þorsteinn og alls engin sérstök lofgjörð!

[Lára Hanna Einarsdóttir, 11.4.2008 kl. 10:08]

Ég man að ég sendi ungum, enskum trommuleikara í hljómsveit (syni hins trommarans) myspace-slóðina þeirra og spurði hvað honum fyndist um grúppuna - hann hefur meira vit á ungum grúppum heldur én ég. Svar hans var eftirfarandi: "Pretty good. Really nice piano sound. I like it."

Ég tek mark á því og óska svo Steina innilega til hamingju með strákinn og félaga hans! 

[Magnús Geir Guðmundsson, 11.4.2008 kl. 10:16]

Það var og, STeini kann örugglega vel að meta þetta.

[Steini Briem (IP-tala skráð) 11.4.2008 kl. 10:24]

Takk fyrir það, Lára mín Hanna. Strákarnir hafa nú gaman af að lesa fögur orð frá fagurri konu og þú ert náttúrlega engin grúpp-pía. Blink blink!

[Magnús Geir Guðmundsson, 11.4.2008 kl. 10:30]

Jújú Steini, hún er "Góðkynja Grúppía", elskar trommuleikara alveg sérstaklega, þó ekki Ginger Baker svo ég viti! (nema kannski í laumi!?)

[Lára Hanna Einarsdóttir, 11.4.2008 kl. 10:45]

Sko...  ég hef ekkert "vit" á tónlist, veit bara hvað mér líkar og hvað ekki. Trommuleikur er í mínum eyrum bara trommuleikur. Ég get ekki með nokkru móti gert greinarmun á "góðum" eða "vondum" trommuleik, bara hvort mér líkar vel eða illa við trommuleikarann... 

En ég hef skoðun á heildarsándinu og geri mikinn greinarmun á söngvurum, góðum og slæmum.

[Magnús Geir Guðmundsson, 11.4.2008 kl. 10:50]

Nákkvæmlega eins og flest fólk gerir reyndar, en traommararnir eru nú samt "töff" margir hverjir er þeir taka sín sóló!

[Steini Briem (IP-tala skráð) 11.4.2008 kl. 10:53]

Maggi gerir líka greinarmun á "góðkynja" og "illkynja" grúpp-píum, Lára mín Hanna. Ég treysti því að þú farir ekki yfir Strikið í Köben og breytist þannig simmsalabimm í "illkynja" grúpp-píu.