Álitshnekkir!

Vægt til orða tekið álitshnekkir já og orðstír íþróttarinnar er nú sannast sagna orðin heldur rýr!
Í raun finnst mér þetta tímabil nú ónýtt og eru sjálfsagt margir sammála því! Þessi eilífðarhneykslismál og leiðindi milli samherja í liðum og síendurteknar breytingar á tímatökum og fleiru, gera það örugglega að verkum að áhuginn dvínar nú til skemmri eða lengri tíma. Auk þess sem svo brotthvarf hins umdeilda en gríðarvinsæla Schumachers, hafði þegar haft sín áhrif!

McLaren áfrýjar refsingunni ekki

Athugasemdir

[Björn Jónsson (IP-tala skráð) 21.9.2007 kl. 23:52]

Blessaður Maggi. Tölvan hrundi, búin að vera tölvulaus síðan í byrjun ágúst, en er nú komin aftur til byggða og til í slaginn, rakst á tölvupóst frá þér fyrst í gær.

[Magnús Geir Guðmundsson, 22.9.2007 kl. 01:39]

Það er aldeilis!

Byrjun ágúst, ákvað hún þá að detta í það um Verslunarmannahelgina!, eða grýttirðu kannski nýja Chris Cornell "snilldarverkinu" í hana af ergelsi yfir leiðindum þess?

Þið hafið þá keypt ykkur nýjan grip vænti ég!?

[Áddni, 22.9.2007 kl. 09:22]

Það er ansi áhugavert við þetta mál, að þegar að vel er að gáð og það er skoðað, að FIA tókst aldrei að sanna að McClaren hafi notað eitthvað af þessum upplýsingum sem að þeir áttu að hafa undir höndum. Það hefur heldur aldrei verið sannað að gögnin hafi komið inn fyrir dyr hjá þeim. Eina sem að hefur verið sannað er að Mike Coughlan hafði gögnin undir höndum!

[Magnús Geir Guðmundsson, 22.9.2007 kl. 16:33]

McClaaren áfrýjaði ekki, það segir vissa sögu auk þess sem útskýringar þeirra á því eru ekki tæmandi! En allur þessi "Aukaleikur" í kringum íþróttina gerir það hins vegar að verkum að hana setur stórlega niður og kemur vísast niður á vinsældum hennar, allavega um hríð.