Að verða of miklir yfirburðir!?

Engum blöðum er um að fletta, að Woods hefur með tilkomu sinni og afrekum í golfinu sl. áratug eða svo, breytt þessari íþrótt um margt til hins betra og lyft henni á æðra plan!
En nú held ég að fleiri en ég spyrji sig, hvort yfirburðir hans séu ekki á góðri leið ef ekki mjög nálægt því, að verða of miklir, ef hægt er að tala um slíkt þegar meiriháttar afreksmenn eru annars vegar!?
Örugglega skiptar skoðanir á því, hans fjölmörgu aðdáendur um heim allan, fussa sjálfsagt bara ef þeir lesa svona pælingar, en ef fram heldur sem horfir, að þú getir nánast gengið út frá því sem gefnu, að tiger vinni að minnsta kosti annað hvert stórmót eða fleiri , nú eða bara fleiri en eitt og fleiri en tvö í röð, þá er ég nú hræddur um að spennan minnki nú heldur og vinsældirnar líka!
En næst á dagskrá í golfheiminum, er Forsetabikarinn eftir hálfan mánuð, þar sem tiger og Co. í bandariska landsliðinu kljást við andstæðinga frá öllum öðrum heimsálfum en Evrópu, en við Evrópu spila kanarnir vitaskuld við í ryderkepppninni!

Woods landaði 660 millj. kr. í Atlanta

Athugasemdir

[Sandra Dögg Guðmundsdóttir, 17.9.2007 kl. 00:20]

og svo fékk hann auðvitað ekki nema 77 milljónir núna, og fær svo hina 583 seinna!

Ég myndi hoppa hæð mína í loft upp ef ég mynda vinna í lottó eða eitthvað, þó það væri ekki nema 10 þúsund krónur!

[Magnús Geir Guðmundsson, 17.9.2007 kl. 15:15]

Halló Sandra Dögg og takk fyrir innlitið!

Ekkert skrýtið þótt þér finnist alveg nóg um, Tiger og aðrir helstu afreksmenn íþróttanna þéna svona gríðarlega! En þessi heildarupphæð er samt ekki nema minnihluti þess sem hann vinnur sér inn árlega, það eru milljarðar og ekki bara með því að slá með kylfunni, heldur ekki síður fyrir alls kyns auglýsingastarfsemi!

En heyri að þú ert bara nægjusöm stúlka, myndir gleðjast jafn mikið yfir stóru sem smáu. Það er mjög heilbrigt viðhorf og ánægjulegt að heyra!