Bragi!

Haha, frekar fyndið að lesa um slíkar fagnandi viðtökur til handa gamla bassaplokkaranum úr Sykurmolunum m.a. og afgreiðslumanninum í Japís!
Á tónlistarblaðamannsferli mínum kom ég oft í Japís þar sem Bragi og Einar Örn unnu. Bragi var alltaf svo hógvær og lítillátur er ég átti við hann orðastað og heldur erfitt almennt að ráða í hann!
Þannig hef ég líka svo sannarlega upplifað þær bækur sem ég hef lesið eftir hann, hef eiginlega lítið botnað í þeim satt best að segja!
Leikritin hans þó auðskildari, en nokkur slík hafa verið flutt eftir hann á Rás eitt!

Þetta virðist safarík saga,
um salinn fór ánægjukliður.
En sjálfur í bókum hans Braga,
bara skil hvorki upp né niður!

Íslenskir höfundar njóta góðs af Bókmenntahátíð

Athugasemdir

[Jón Steinar Ragnarsson, 14.9.2007 kl. 00:59]

Einu atkvæði of mikið í fyrstu línu en annars fít. heheh

[Jón Steinar Ragnarsson, 14.9.2007 kl. 01:01]

Úff, og einum staf of lítið í minni línu...á að vera "fínt".  Maður er ekki fullkominn en á hraðri leið þangað...

[Magnús Geir Guðmundsson, 14.9.2007 kl. 11:41]

Sæll Jón STeinar og takk fyrir inlitið.

EFast hins vegar um að þú hafir nægt "atkvæðamagn" til að leiðbeina öðrum um bragfræði, allavega eftir þessari athugasend að dæma!