Baráttuglaði hugsuðurinn Jens!

Blogggarpurinn Jens Guð, hlífir sér ekki ef hann kemst í ham og honum finnst réttlætiskennd sinni misboðið!
Sést það til dæmis vel núna síðustu dagana varðandi uppistandið á Veðurstofunni, þar sem Jens hefur hvergi dregið af sér, þannig að sumum þykir nóg um! Auðvitað er hann stundum heldur of kappsfullur, dansar á ystu nöf eða fer jafnvel fram af, en kemur þó hygg ég oftar en ekki standandi niður.
Skutlaði þessum línum í hann.

Jens minn, þú stendur í ströngu,
ert stöðugt í baráttugöngu.
Með kjafti og klóm
og kraftmiklum róm
Að greina hið rétta frá röngu!

En samt..!

Þótt fæðingar standi í stað,
stöðugt eru menn að
ljóst og leynt,
er legið og reynt
Enda svo gott að "GERA ÞAÐ"!!

Eru svo ekki allir sammála því?

Engin fæðingasprenging

Játning!!

Ég vil að Hillary verði útnefnd fyrir Demokratana og verði svo kjörin næsti forseti Bandaríkjanna!
Hef sagt það áður og endurtek það nú.
Og!
Ég játa, ég er skotin í henni já og hef verið frá því ég sá hana lokkandi dansa við karl sinn Billa vandræðagemsa á ströndinni um árið, aðeins íklædd sundbol!
Jájá, getur vel verið að ég sé smá klikkaður!

Hillary Clinton styrkir stöðu sína

unnusti, unnusta!?

Nú veit ég auðvitað ekkert hvort þetta er orðað svo að vandlega athuguðu máli hjá fréttastofu Sjónvarps, eða eftir upplýsingum yfirvalda á Keflavíkurflugvelli, en það hljómar nú ankannanlega svo ekki sé meira sagt, að stúlkubarn rétt búin að ná sextánda árinu, sé eða eigi sér unnusta!
Samkvæmt gamalli meiningu þessa orðs, merkir það hygg ég nú að viðkomandi sé heitbundin, trúlof(uð)aður öðrum, eða par sé trúlofað!
Í annars öllum alvarleika þessa máls, þá finnst manni það nú ólíklegt og svolítið skrýtið að það sé tekið fram. En ég ítreka, það er auðvitað ekki ómögulegt.
Að öðru leiti er þetta svo enn eitt dæmið um hve fíkniefnainnflutningur virðist algengur og það í þessu gífurlega magni!

Sextán ára stúlka tekin fyrir kókaínsmygl

Gengur þótt...!

Jújú, þetta mjakast, bæjarbúum fjölgar, með atorku innfluttra jafnt sem frumbyggja!
NÆg fjölgun og nógu hröð? Skal ekki segja annað en sumum finnst þetta vera svona.
Fólk er hér í fjölgun þægt,
er frægt!
En góðir hlutir gerast hægt,
já, hææægt!

Akureyringar orðnir ríflega 17.000

Eitthvað annað en fjas!

Þótt stundi hér föstudagsfjas,
ég forðast nú oftast slíkt mas
Og nú lífsblómið litla,
létt vil ég kitla.
"Fingurbjörg" fá mér í glas!

SKÁL!!!

Föstudagsfjas!

Komin föstudagur, því tilvalið að fjasa ekki satt? Og nógu er af taka!

Í "Ísland í dag" á Stöð 2 í gær, var fjallað um slökkviliðsmenn sem eru að hjóla þvert yfir landið í góðum tilgangi, allt í lagi með það.
En hvurn fjáran á það að þýða, að nota snilldarverk meistara Neil Young, Rockin´In The Free World af Freedom, sem bakgrunnshljóð!? SEgir nú meira en mörg orð um virðingarleysi viðkomandi fyrir Helgidómi Rokksins!
Í vikunni voru undanúrslit í Amerikúkeppninni í fótbolta. Fór annar leikurinn beint í vítakeppni, Brasilía gegn Urugay. Þar heyrði ég í fréttaskýringu daginn eftir enn einu sinni þá skilningarvillu, að "Brennt hafi verið af vítaspyrnu" þegar markvörðurinn þó varði!
Þessir íþróttafréttamenn! Geta þeir ekki farið að troða þessu inn undir heilaskeljarnar, að menn brenna af þegar þeir SKJÓTA YFIR EÐA FRAMHJÁ!?
Þoli ekki þessa furðulegu veðráttu hér nyrðra! Jújú, sólin skín og skín, brosir sínu blíðasta, en skrambans ískuldagola úr íshafinu mætti halda, er búin að dóla hérna svo ylurinn frá Sunnu elskulegri fer niður úr öllu valdi. Ætti að banna svona fyrirbæri!
Hjálpi mér! ASÍ og Samtök atvinnulífsíns eða hluti þess, rífast nú sem hundur og köttur um hvort verðlag hafi hækkað sl. mánuði eða ekki og svo kemur vandleg greining að utan, að meðalverð á Íslandi sé hæst í Efrópu, allt að 60%, þó sú tala sé nú eitthvað lægri eftir "Vasklækkunina"! ER þetta ekki bara dæmigert? Menn rífast hér um það sem þó allir vita, komast upp með að segja neinei, en samt er það þannig!
Hverslags lið erum við þessir Eyjaskeggjar hérna eiginlega, líklega bara hálfvitar"!?
Og hví er ég þá að þessu fjasi?
Veit það ekki,farin í mat!

öFUGT AÐ FARIÐ?

Sé þetta já svona fyrir mér

HANN var tipplandi á tánum,
Tony,sem Krummi á skjánum.
Þegar bónorð upp bar,
á baðinu þar
með Cheri krjúpandi á knjánum!?

Blair bað Cherie á meðan hún var að þrífa klósettið

Mika er mín kona, en aumingja Paris!

Hahaha! Alveg dýrleg þessi frétt og þulan sko að mínu skapi!
Bara uppgötvun í sjálfu sér, að til sé ein kjarnakvinna þarna í "UmbúðaAmrikkunni" sem þorir að standa upp og mótmæla alsherjarruglsringulreiðinni!
En segir þetta ekki í alvöru talað, mestalla söguna um þessa "Herraþjóð heimsins", að aðalfregn einnar af risafréttastofunum skuli fjalla um stelputrippi, sem heimsins mesta ógæfa hefur gert í senn ofurríka af veraldlegum auði, en allslausa af hinum andlega!
Er ég nú ansi hræddur um það!

Fréttaþulur neitaði að byrja á frétt um París Hilton

ÉG ER FÍKILL!

Eitt í þessum heimi er mér orðið algjörlega ómissandi.
Án drjúgs skammts af því daglega og við hvert tækifæri, verð ég ómögulegur, afundin, ílla leiður, já, hreinlega ÓHAMINGJUSAMUR!
Nú er svo komið, að það slær flest eða allt út, góðan mat, músík, vín, veiði, knattspyrnu, konur, kynlíf...! !
Ekkert, nei bara alls ekkert jafnast á við það og er nú svo komið að ég telst ekkert annað en fíkill!
LANGT LEIDDUR KAFFiFÍKILL!!!
Og Rauð Rubin eðalblanda skal það vera fyrst og síðast, fjórar skeiðar minnst í blöndu!
haha, þar olli ég ýmsum vonbrigðum, áttuð von á frekari hryllingi, um Hass, Kókain eða Canabi kannski!?
En nei, hef aldrei komist í tæri við slíka dýrð, tókst ekki einu sinni að koma mér á Camel eða WiseRoy!
Drekk ekki einu sinni bjór lengur, kaffið miklu betra með boltanum!
En neinei, látið ykkur ekki detta í hug að ég eigi samt við vandamál að stríða, vaki aldrei lengi á kvöldin, æsi mig aldrei né rífst um nokkurn hlut, meira að segja hættur að leggjast í þungleyndi þegar Liverpool tapar!
Svona virkar fíknin bara vel á mig, annars geðstirðan manninn!
Í morgunsárið raula ég svo þetta gjarnan.

Nú er komin tími til,
að teyga kaffisopa,
gera honum góð já skil,
gretta sig og ropa!