Virðist samt ætla að verða tíðindalítil!

Jæja, Verslunarmannahelgin að klárast, en sjálfur hátíðisdagurinn, frídagur verslunarmanna rétt í þann mund að hefjast!
Nokkuð svo tíðindalítil þetta árið, allavega hingað til og verður svo vonandi alveg er upp verður staðið!
Flott flugeldasýning nýafstaðin hérna í fagra bænum, með þessu óhappi þó sem væntanlega hefur ekki verið mjög alvarlegt.
Kaupahéðnar og aðrir sem stóðu að "Einni með öllu" þó líklega fúlir út af færri gestum en ella, en nenni nú ekki að fara út í leiðindablaðrið sem staðið hefur yfir um tjaldstæðatakmarkanir og þess háttar, sem kannski hefur átt sinn þátt í lakari aðsókn en vonast var eftir.
Skutla þess í stað bara út þessum "litla kvikyndisskáldskap" mínum!

Í vímu vaða menn elgin,
emda Verslunarmannahelgin.
Og stelpurnar stráka,
stökkva á "Fáka"
Að framleiða barn í belginn!?

Óhapp á flugeldasýningu á Akureyri

Sat heima!

Heima sat í húsi mínu,
hugsaði lítt um þetta glens.
Var ekki í formi fínu,
fyrir Álfaborgarséns!

Fjölmennt á hagyrðingamóti á Borgarfirði eystri

Mótsögn!?

Já, eftirfarandi hljómar örugglega mótsagnakennt, í ljósi þess að rok og rigning er ástæðan, en svona held ég að þetta geti jafnvel farið í hinu versta!

Nú hraustir sveinar hrökkva í kút
og hjörtu stopp´í meyjum.
EF þetta árið "þurkast út",
Þjóðhátíð í Eyjum!?
Veðurspáin allavega ekki góð, en svo er reyndar víðar um land.

Bannað að tjalda í Herjólfsdal í kvöld vegna slæmrar veðurspár

Írar eru skynsamir!

Írar eru já merkileg þjóð og þeim erum við Íslendingar skildari og líkari en Norðurlandaþjóðunum að talið er nú.
Og þeir eru augljóslega skynsamir og ætla greinilega að efla sitt kyn til framtíðar!
Á Eyjunni grænu öflug er sátt,
til eflingar rauðbirknu kyni
að fleiri en ella fái sér drátt,
í fjölgunar- göfuga skyni!

Írum fjölgar hratt

Uppskera mikils starfs!

Þetta gleður nú sannarlega mitt gamla skákhjarta!
STundaði þessa hugans göfugu íþrótt fram á unglingsár, en skammaðist til að hætta því að mestu er fullorðinsárin tóku við.
Þetta er svo auðvitað ekkert annað en afrakstur og uppskera mikils og góðs barnastarfs í skákhreyfingunni, með Hrafn Jökulsons hinn opinmynta hjá Hróknum í broddi fylkingar, auk Skáksambandsins sjálfs, þar sem Drottningin blíða hún Guðfríður Lilja ræður ríkjum!
SAnnarlega rós í hnappagat þessa eljufólks og ötulla baráttumanna í skákheiminum.
SVo er ástæða til að óska Héðni Steingrímssyni til hamingju með annan áfangan að þremur í átt að STórmeistaratitli, sem hann nældi í fyrir skömmu, en Héðin hampaði einmitt heimsmeistaratitli barna 11 eða 12 ára gamall sem frægt varð!

Salaskóli heimsmeistari grunnskólasveita í skák

Hærri en Hallgrímskirkjuturn, en...?

Hallgrímskirkjuturninn blessaður hefur um langt skeið verið hæsta byggingin á landi vóru, gfnæft tignarlegur yfir miðbæ Reykjavíkur af sínu Skólavörðuholti!
Og almenn ánægja bara verið með hann hygg ég og engir stælar í þá átt að nú þyrfti að fara að byggja hærra, eða slíkum hugmyndum ekki komið framkvæmd hafi þær fæðst.
Þar til nú!
Og þá auðvitað í "Belgingsbænum" Kópavogi, en þar vilja menn nú reisa steinsteypubákn upp í loftið, upp á heila 80 metrra!
Og rísa skal hún á Smáratorginu sjálfu.
Með aðra byggingu en öllu lágreistari í huga, hef ég hins vegar meiri áhuga á öðru en hæðinni.
HVERNIG VERÐUR HÚN Í LAGINU Í FULLRI REISN!?

Svarið komið!

Fyrir nokkru setti ég gamalkunna vísu hér á bloggið mitt og spurði eftir höfundinum.
Kvennmannslaus í kulda og trekki,
kúri ég volandi.
Þetta er -- ekki -- ekki -- ekki,
-- ekki þolandi!
SVarið barst loks fyrir stuttu, frá Arnþóri Helgasyni! Er vísan eftir engan annan en Stórskáldið Stein Steinarr, sem orti hana í orðastað Leifs nokkurs Haraldssonar, sem stamaði mikið. Arnþór lærði vísuna af Baldvin Þ. Kristjánssyni, sem m.a. var fulltrúi hjá SÍS og sagði honum jafnframt frá aðdraganda vísunnar! Að sjálfsögðu hlaut Arnþór vegleg verðlaun fyrir að koma með svarið, geislaskífu og bók! Þið öll sem lásuð þetta og tölduð ykkur vita, en létuð hjá líða að svara, urðuð því af heiðrinum! Og ekki bara það! Litlu aukaverðlaunin sem áttu að vera líka, gengu ekki út, nefnilega spássitúr með mér um sjálfan KÍNA´MÚRINN! Arnþór fékk þau ekki líka einfaldlega vegna þess, að hann hefur bara svo oft lallað þarna, að hann nennti ekki að koma!