GAman, en er ekki All Out Of Luck, samt miklu betra lag!?

Án þess að ætla að vera mjög leiðinlegur á gleðistund, þá verð ég nú að segja það, að SElmadísin var með einhvern vegin miklu meira "kjöt á beinunum" þarna í Jerusalem fyrir tíu árum, þetta lag mun varla lifa eins vel og All Out Of Luck!?

En eins og þar stendur,
TIL HAMINGJU ÍSLAND og auðvitað alveg sérstaklega með að hafa EKKI UNNIÐ!

Ísland í 2. sæti í Moskvu

Í tilefni dagsins!

Nýja stjórnin, nú er orðin til,
nokk það eru víst já þáttaskil.
Heilla allra, henni óska vil,
hremninganna- sigli gegnum byl.

En meðal enn annara orða.

Mæður nær og fjær, ekki seinna vænna að óska ykkur til hamingju með daginn!

Þið eruð auðvitað algjörlega ómessandi og því segi ég við hvert tækifæri.

ÉG ELSKA ÞIG MAMMA!!!

Trúverðugt plagg

Húrra fyrir því!

Bara sérlega ánægjulegft, þessi smávaxni en jafnframt mikli jöfur í blúsnum hvalreki og hvet ég alla sem vettlingi geta valdið að mæta og sjá hann spila!
Sjálfur er ég stoltur eigandi af báðum þeim plötum sem í fréttinni eru nefndar og fleirum til þar sem Pinetop kemur við sögu og sömuleiðis hinn aðalgestur hátíðarinnar, Willie "Big Eyed" Smith, sem lék einnig með blúsrisanum Muddy Waters um árabil.
söngkonan Detra FArr er einnig mætt hygg ég, ansi góð og skemmtileg söngkona með afburða sviðsframkomu!
Hvet alla til að kynna sér dagskrána inn á:

blues.is

Perkins heiðursfélagi Blúsfélags Reykjavíkur

Árni Helga!

Í fréttum RÚV áðan kl. 7 var sagt frá því að á laugardaginn var hefði bindindisfrömuðurinn og sjálfstæðismaðurinn dyggi með meiru, árni Helgason, orðið 95 ára hefði hann lifað.
bjó Árni seinni hluta ævinnar í Stykkishólmi og þar var um helgina hafldið ungmennaskákmót í minningu hans. (semsagt ekki bara landsfundur Frjálslynda flokksins þar í bænum um helgina)
ÉG er nú bara að reifa þetta, því á meðan fréttinni stóð, rifjaðist upp að Árni var líka góður hagyrðingur og orti meðal annars mjög fræga vísu um þá dellu sem margur gengur með (og þá reyndar ekki hvað síst hægrimaðurinn) að hófdrykkja sé skynsamlegt og æskilegt fyrirbrigði!?
Læt ég hana koma hér til gamans.

hófdrykkjan er heldur flá,
henni er íllt að þjóna.
Hún er bara byrjun á,
að breyta manni í róna.

Garpur orðs og æðis!

Mér brá satt best að segja mjög í brún er ég las um andlát Hákonar Aðalsteinssonar sl. laugardagskvöld, en þá um morgunin hafði systursonur hans og bloggvinur vor, Víðir Benediktsson, sett niður nokkrar línur um farin frænda!

sailor.blog.is.

Hákon þekkti ég því miður ekki persónulega, hef þó haft tækifæri til er við höfum mæst á förnum vegi eða verið staddir í sama húsi, að heilsa upp á hann, en að því varð bara ekki. Hins vegar vissi hann örlítið af þessum strák á Akureyri er tekin var að belgja sig eitthvað á velli bragfræðinnar, því "sá stutti" hafði nefnilega eitt sinn gerst svo djarfur að senda með móður sinni lítinn barning í tækifærisskyni ortan. Var tilefnið að Hákon var fararstjóri í ferð frá Akureyri alla leið austur til Eiða!
Hljómaði þetta nokkurn vegin svona.

Upp til hæstu heiða,
hjörð ein vill nú skeiða,
með Konna "kjaftagleiða",
fremst í sinni för.
Skal hann allt til Eiða,
úr öllum málum greiða,
fjör má og fram reiða,
skrýddur skáldaspjör!

Tók Hákon framtaki stráksins vel og stóð auðvitað undir væntingum!
En þótt kynni hafi ekki orðið persónuleg, þekkti ég vel til verka Hákonar, á ljóðabækurnar hans og bók Sigurdórs sömuleiðis og ótal skipti var ég viðstaddur eða hlýddi á í útvarpi, hagyrðingamót þar sem Hákon tók þátt og fór á kostum með fleiri snillingum! Þar sýndi hann líka oft hve mikill sagnamaður hann var líka, hélt fólki hugföngnu með afbragðsstíl og sinni djúpu og góðu röddu!
Og ættingjar hans ýmsir hafa svo orðið mér kunnugir og það allt frá því ég var barnungur. nefni ég þar helst, að systir hans hún Sída, Sigrún, var lengi húsvörður í íþróttahúsi Glerárskóla þangað sem ég kom snemma. Stórmerkileg og góð kona og vel hagmælt sem svo margir úr fjölskyldunni af Jökuldalnum!Nýtilkomin tengsl við Víði son hennar nefndi ég hér að ofan og annar frændi, sá landsþekkti grallari með meiru, Haffi helga, líka nokk svo kunnugur.Þá má þess geta, að einn frændin til, Örlygur Hnefill, er sömuleiðis frændi minn og fleira gæti ég nefnt.
Ýmsar vísur Hákonar hafa mér líkt og svo mörgum öðrum orðið minnistæðar og jafnvel fest þar.
á einu hinna fjölmörgu hagyrðingamóta, voru Hákon og fleiri einmitt látnir yrkja eftirmælavísur. Og það sýndi vel hve Hákon hafði mikla kímnigáfu og þá ekki hvað síst fyrir sjálfum sér í bland við vissa hógværð, að hans útgáfa varð á eftirfarandi nótum.

Hákon var þekktur, það er jú rétt
og þegar hann dó var það ljómandi frétt.
Þeir grétu hann eigi, en glottu við tönn
og grófu hann mitt í dagsins önn.

held að þetta hafi verið á Vopnafirði, -Með íslenskuna að vopni- Vopnaskak, er lengi er eða hefur verið haldið á Vopnafirði undir stjórn menningarfrömuðarins Sigríðar Dóru Sverrisdóttur!?
Hákon var sannarlega Garpur bæði til orðs og æðis og verður öllum minnistæður er honum hafa kynnst á einn eða annan hátt.
Blessuð sé hans minning og sendi ég ættingjum hans hugheilar samúðarkveðjur.

Hákon Aðalsteinsson látinn

Þorraauglýsing! (Eða eitthvað svoleiðis)

Þótt ýmislegt hafi nú gengið á í tilveru litla Íslands sl. vikurnar og mánuði, hafa landsmenn þó ekki alveg látið deigan síga og haldið sín hefðbundnu og ómessandi blót í tilefni Þorrans. Og mörg slík framundan enn, sem auðvitað þarf ekkert að hvetja mannskapin til að huga að, en lítill kviðlingur, sem já gæti alveg hljómað sem auglýsing varð til með blótin í huga með svona jákvæðum hvatningartón, eða þannig!

Þeysum nú á Þorrablót,
þjórum vel og etum súrt.
Galsa undir gefum fót,
gerumst villt og djömmum klúrt!

Draumar 2 fá 100000 kall. - Stórfrétt!

Jamm, mér finnst það nú eiginlega og merkilegri frétt, en til dæmis þetta reynsluleysisbrölt í nýjum formanni B flokksins í tengslum við myndun ríkisstjórnar eða að Hr. Obama hafi sagt bæði góðar og slæmar fréttir í sínu öðru útvarpsávarpi til amerisku þjóðarinnar, að minn góði góðkunningi og bloggvinur austur á Seyðisfirði, Einar Bragi Bragason, saxi.blog.is, hafi fengið þennan "Svakastyrk" frá menntóráðuneytinu fyrir Drauma sína númer 2!
Örugglega ekki fyrsti styrkur hans reyndar gæti ég trúað, en samt, efstur á blaði í langri runu úthlutuna!

Þar kennir annars margra grasa og merkilegra, fleira fólk sem ég kannast nú líka við að gefa út eða fá styrki til kynninga eða tónleikahalds bæði heima og erlendis.
þar á meðal Guðrún Gunnars sem nú fyrir áramótin söng inn á fallega Englaplötu, en á þessu ári ætlar hún í samvinnu við Dimmu, að gefa út plötu með músík þess hollensksænska vísnaskálds (minnir mig) Cornelíusar VreesWjik og Karl Henrý Hákonarson, er hyggur á útgáfu bæði og útrás á árinu.
Rokkdæmi á borð við Hjaltalín og Reykjavík eru líka á útleið og/eða í útgáfuhugleiðingum og fá 100 til 300 þúsund í styrki og sömuleiðis fær Lay Low góða summu auk fjölda annara.
Annars er það áberandi hve klassísk- og djassverkefni fá langmest, þar standa kannski líka styrkirnir best undir nafni, minni líkur á að peningar sem þangað fara skili sér aftur eins og getur meir gerst með poppið!
En annars ansi fróðlegt að skoða þennan lista og velta honum fyrir sér fyrir gamlan tónlistarpælara og blaðamann eins og mig.

Rúmlega 40 milljónum úthlutað úr Tónlistarsjóði

ÁRAMÓTAMOÐ!

Senn liðið er örlagaárið,
Er Íslandi kreppuna færði.
J’a, bölvaða bankafárið,
Sem blessaða þjóðina ærði!

Upp úr það auðvitað stendur
Og ugglaust skyggir á flest.
Almúgans Gunna og Gvendur,
Gráta það saklaus jú mest!

En alla þunglyndisþanka,
Þau reyna að forðast um stund.
Hugs’ekki um helvítis banka,
Hnípin og döpur í lund!

Nú kveðja örlagaárið,
Enn með vonu og yl.
Burt hverfi bévítans fárið,
Brátt heyri já sögunni til!

Penan setjum punktin hér,
Párið núna endi fær.
Árs og friðar óskum vér,
Öllum bæði nær og fjær!

Magnús Geir.

Gott flugeldaveður í kvöld

UPP-SKERU-HÁTÍÐ!

Haha, það mætti nú já aldeilis segja mér það, að svo muni verða og það í ýmsum skilningi, gestir sem mæta munu til dæmis án minnsta vafa uppskera góða og skemmtilega kvöldstund ef að líkum lætur!
Á sjálfur örugglega eftir að næla í bókina hjá Hjálmari, hann keypti nú á sínum tíma bók af mér blessaður, sem m.a. innihélt einmitt slatta af limrum!
En Baldur hinn göldrótti er eins og kannski margur man enn, ekki neinn nýgræðingur reyndar í "uppskurðum", því án mikils vafa er eitt hans allrafrægasta töfrabragð einmitt uppskurður sem hann framkvæmdi í sjónvarpinu um árið til að sýna fram á að einvherjar kraftaverkalækningar af slíkum toga og ættaðar frá Filippseyjum, væru ekki "allar þar sem þær væru séðar"!
Mjög eftirminnilegt er Baldur framkvæmdi þetta og það með miklum tilþrifum, blóði með meiru og allt hvað eina!
N'u er hins vegar stóra spurningin hvort gamla aðferðin eða einvher ný með enn meiri tilburðum verði á "boðstólnum"?
ég hygg svo, að ævisaga Baldurs sé einmitt líka að koma út núna, svo þessi viðburður tengist því eflaust líkt og útgáfa hjálmars á "Gömlu limmunum"!? (flott nafn!)
Hvað er svo betur við hæfi hérna, en einmitt enda þetta á limru og þá með pælingum um hugsanlega STÓRAÐGERÐ!?

Verður með töfranna tækni,
já, tímamótaframsækni
borð á borin,
burtu nýskorin
Heilinn í Hjálmari lækni!?

Læknir verður „skorinn upp“

Herdís er yndisleg!

Ég hef nú margoft líst ánægju minni með tilurð Dags íslenskrar tungu og tengingu hans við drengin sem fæddistt, "Þar sem háir hólar, hálfan dalin fylla", eins og Hannes H. orðaði það í kvæðinu um Öxnadalinn!
Afskaplega mikilvægt að gera tungumálinu sem hæst undir höfði og það auðvitað sem flesta daga, en líka svona með sérstökum hætti.

Og mikið er ég glaður að sjá þessi tíðindi, að sú bæði yndislega og stórmerkilega kona hún Herdís skuli vera heiðruð í dag, því fáir núlifandi Íslendingar hafa lagt eins mikið til góðrar innrætingar og kennslu barna en einmit hún!
Man enn eftir henni á vordögum Sjonvarpsins í STundinni okkar, svo afskaplega ljúflega og SKÝRA Í TALI kenna föndur eða eitthvað slíkt og þannig ná með einstökum hætti til þorra barna þess tíma í landinu öllu, ekki bara til þeirra er hún kenndi hundruðum saman í Ísaksskóla í áratugi!
Því einstaklega vel við hæfi að heiðra hana í dag já og það þótt fyrr hefði verið.
Það vita svo ef til vill ekki allir, að faðir Herdísar var sá afburða hagyrðingur, Egill Jónasson, löngum kenndur við Húsavík!
Herdís sjálf líka sett ýmislegt saman hygg ég nú, þó hún hafi í þeim efnum sem öðrum að mestu eða öllu leiti gert það í þágu æsku landsins, því ekkert gefið sig sérstaklega út fyrir að vera hagmælt. Um það hefur hins vegar afabarn Egils, Friðrik Steingrímsson séð dyggilega fyrir hönd fjölskyldunnar, ef svo má að orði komast, hann landsþekktur fyrir braggáfu sína!
Sömuleiðis er svo ánægjulegt að Útvarpsleikhúsinu sé veitt viðurkenning í dag, hefur það átt sinn þátt í menningaruppeldi margra kynslóða og gegnir enn mikilvægu hlutverki.
En svo bara lítil kveðja í lokin!

Æsku landsins Vegvísi,
vel nú fagna ég.
Húrra fyrir Herdísi,
hún er yndisleg!

Herdís Egilsdóttir fær verðlaun Jónasar Hallgrímssonar