Önnur sýn!

Já, það varð mörgum um þessa sjón víst, að sjá TF-Sif, "Fá sér sæti" þarna úti fyrir Hvaleyrinni í Hafnarfirði, m.a. honum Óla Jó. þjálfara FH í fótboltanum, sem kallar nú ekki allt ömmu sína blessaður!
En sem kunnugt er fór þetta nú vel, þ.e. engin mannskaði varð, þó þyrlan muni vera ónýt.
Sjálfur sé ég hins vegar aðra hlið á þessu, sem kannski á eftir að rætast, hver veit!?

Í tímans rúmi á tækninnar öld,
tel ég að horfurnar batni
ef sjáum við oftar, um sólfögur kvöld,
sitjandi þyrlu á vatni!

TF-SIF: Rannsókn beint að hreyflum

Regn takk!

Veit ég veit, allir vilja sem mesta sól, hita og þurrk, en ég vil núna fá vinsamlegast rigningu takk! Garðurinn minn er nefnilega að þorna upp, þar með talin blóma- og matjurtaskikinn í einu horni hans! Jújú, gæti svosem alveg vökvað í gríð og erg með hjálp slöngunnar, þarf bara að hreifa örlítið við einni sveif og þá fossar bunan, en ég vil helst að þetta gerist eftir náttúrunnar lögmálum, vatnið, upphaf og endir alls lífs, komi beint að himnum ofan! Bænum við fjörðin fagra og bújörðum ekki síður við hann, veitir ekkert af þessu, sprettan ekki góð og tími heyanna að koma! reynda spáð úrkomu, en bara á víð og dreif heyrðist mér.

Hífopp!

Míkir getur stundum verið skemmtilegt að hlusta á tilkynningarnar á Rás 1!
Þar og reyndar víða annars staðar, víla menn ekki fyrir sér að auglýsa bjór undir rós, heldur eru menn nú líka sem til þess telja sig hæfa, byrjaðir að auglýsa lausnir á "Hnignun holdsins"!

EF dýrðarljóminn dvína fer
og "Dráttarklárinn" henda slys.
Nú rækilega redda þér,
-ristruflanir.is-!