Margt er nú sér til gamans gert!

Jájá, þetta er alveg yndislegt finnst ykkur ekki!?
Mesta kynbomba allra tíma, hún Marlyn Monroe var mjög farsæl ekki satt?
Alveg fræg fyrir samstarfshæfni og hversu fólki þótti gott að vinna með henni!?
Hefur þetta vísindalið þarna í gamla "Sýruhippatrippsríkinu" virkilega ekkert betra við tíman að gera?
SVo dettur mér nú eitt í hug núna, skildu þeir sem voru í úrtakinu "úrskurðaðir fallegir" hafa sérstaklega verið "tékkaðir" fyrirfram, að þeir væru í raun svona fallegir að upplagi, ekki bara skroppið í nokkrar fegrunaraðgerðir sér til já ANDLITSUPPLYFTINGAR!?
Gaman væri nú að vita það, en fylgir víst ekki sögunni þar sem það myndi örugglega "ófegra" myndina!

Fallegt fólk þénar mest

Nei, ekki nýr sannleikur!

Hversu lengi hefur maður ekki heyrt að offita yfir höfuð sé ekki til góðs eða til vinsælda höfð!
Annars svolítið fyndið að þetta komi frá Texas, þar er karlpeningurinn allavega þekktur fyrir þykkt hold undir sínum vaðmálsskyrtum og gallabuxum kúrekanna og rándýrum jakkafötum olíubarónanna!
Spikfeitar T-beinssteikur enda óvíðar vinsælli en þar til átu, að sagan segir!
Víðar myndast þó auðvitað "varadekkin" og þá ekki síður vegna bjórdrykkju en síáts.
Þ

Kúluvömbin óholl hjartanu

Skref í áttina!

Enn einn áfanginn hjá Kára og Co. en eins og jafnan er tekið fram, þá er þetta bara yfirstígin áfangi á lengri leið.
Og svo vil ég láta þetta koma fram!

Þótt staðreynd sé í ótal ár,
einhverjum hafi tapað krónum.
Þá er minn frændi Kári klár
og kannski bara skyldur ljónum!?

ÍE finnur stökkbreytingar sem valda öllum tilfellum glákuafbrigðis

Skuldadagar að nálgast?

Já, maður spyr sig bara enn og aftur við fregn sem þessa, er uppgjör Móður jarðar við vanþákkláta og gráðuga íbúa hennar, nær en þá grunar? Hún svo gjöful þeim um aldir sé búin að fá nóg?
Það er nú það!?

Mannanna mengunargjörð,
Móðir grætur nú Jörð
Hennar þeir svívirða svörð
og svíkjast að halda um vörð!

Heimskautaís bráðnar hraðar en spár segja til um

Tillaga, hugsanlega til bóta fyrir Veðurstofuna!?

Eftir að hafa hlustað á hina mjög svo skorinorðu og skýru konu, Ásdísi Auðunsdóttur, ræða sín leiðu mál frekar í endurteknu Kastljósi og svo lærðar útskýringar Svala sálfræðings Björgvinssonar á slíku uppistandi sem skapast hefur á Veðurstofu Íslands, er ég komin að eftirfarandi niðurstöðu.
Ástandið sem skapaðist og hefur valdið ólgu svo gríðarlega lengi og með slæmum afleiðingum, verður ekki leyst til frambúðar nema með róttækum breytingum. Hvort og þá hverja ætti að reka, ætla ég ekkert að fullyrða um, læt öðrum það eftir, en tillaga mín er hins vegar sú, sem gæti orðið byrjunin á þróun í rétta átt, að ráða Ásdísi snarlega sem nýjan sviðsstjóra veðurdeildar og rétta þannig hennar hlut, sem og væntanlega að reyna að koma á sáttum!
Kannski ekki gerlegt, en samt!?

Einelti á Veðurstofu Íslands!

Mér brá óneitanlega í gær þegar þessi fregn um alvarlegt einelti á Veðurstofu Íslands birtist í Sjónvarpinu! Ekki síst vegna þess, að þarna gekk fram fyrir skjöldu Ásdís Auðunsdóttir, sem ég í hreinskilni sagt hef haft miklar mætur á sem veðurfréttamanni, fundist hún alltaf sérlega aðlaðandi og fáguð stúlka með sínu svolítið dulúðugu yfirbragði! Sagði hún semsagt sínar farir ekki sléttar, yfirmaður hennar, SViðstjóri lagt hana í einelti og nú hefði verið ákveðið að hún tæki sér árs leyfi, en héldi þó áfram veðurskýringum í Sjónvarpinu! Kom einnig fram hjá henni, að henni hefði ekki líkað viðbrögð Veðurstofustjóra, Magnúsar Jónssonar, hann ekki tekið nógu vel á málinu að hennar áliti.Gaf Magnús hins vegar ekki kost á viðtali, þannig að arlega skal farið í að álykta um allan þátt málsins. Hitt er ljóst og kom líka fram, að sex aðrir veðurfræðingar hefðu hrökklast burt úr starfi vegna sömu eða spipaðara ástæðna, eineltis og alls tólf starfsmenn hætt vegna óánægju á vinnustaðnum. Fullorðinseinelti! Einelti er slæmur hlutur, markar til að mynda djúp spor í sálir barna, eins og þjóðin hefur á undanförnum árum fengið að kynnast í gegnum þekkta einstaklinga á borð við Pál Óskar Hjálmtýsson, poppstjörnu með meiru og Stefán Karl Stefánsson leikara. Flestir muna væntanlega enn þjóðarátak sem Stefán m.a. átti stóran þátt í til vitundarvakningar m.a. með mikilli landssöfnun, sem farið var í til byggingar og reksturs á miðstöð og nú hýsir hygg ég Sjónarhól!? En einelti einskorðast semsagt ekki við bernskuna, hún á sér stað líka á fullorðinsárum, en er sem slík af sama meiði, einstaklingur verður fyrir neikvæðu og síendurteknu áreiti eða neikvæðum viðbrögðum í orði og/eða einhverslags athæfi, af hendi annars einstaklings eða fleiri! Fyrirbærið er því ekki einskorðað við barnæskuna, eins og margir halda og þeir sem verða fyrir einelti síðar á ævinni, geta ekki síður orðið fyrir miklum andlegum skaða! rétt eins og vinnustaður barnanna, skólinn, reynist oft vettvangur eineltis í æsku, rót þess sé oft þar að finna, þá eru eins og í þessu tilfelli hinir ýmsu vinnustaðir, vettvangurinn fyrir eineltið síðar á ævinni. Einhverra hluta vegna hefur hins vegar sú fyrra komist inn hjá sumum (og má jafnvel lesa slíkt á ónefndum bloggsvæðum) að opinberir vinnustaðir séu einkum og sér í lagi gróðrarstía eineltis! Hafa menn ekkert fyrir sér í því, nema hvað að staðreyndin er einfaldlega sú, að það vekur meiri athygli ef um opinbert fyrirtæki er að ræða og spyrst frekar þar að leiðandi meir út! Bara grátbroslegt ef menn trúa því í alvöru að það hafi eitthvað með rekstrarform að gera hvort einelti sé líklegra eða algengara á einum vinnustað en öðrum! En ef hægt væri að kafa ofan í kjölin á einelti hvað þetta varðar, kanna tíðni þess eða hversu algengt það væri eftir formi vinnustaða eða rekstrarforms, þá gæti vel verið að hið opinbera kæmi verst út, en þá væri nú einhverju öðru um að kenna en forminu, innihaldið, starfsmennirnir ættu þar sök á og þá ef til vill bara fyrir einhverja tilviljun!? Menn ættu því að sleppa slíkum hugmyndum, sem og þeim sem kviknað hafa líka í kjölfarið á þessum leiðindafregnum, að ríkið eigi nú ekkert að vera að standa í rekstri á Veðurstofunni, hún væri bara best komin í einkarekstri! EF menn halda slíkt í alvöru, þá hafa þeir hinir sömu ekki kynnt sér starfsemina til hlýtar og vaða í villu og svima!

Fjandakornið!

Já, sem aldrei skildi verið hafa, þá bölvaði ég upp úr einu hljóði við þessa fregn! Er nefnilega minnigur fársins frá upphafi aldarinnar og hugsanlegu smiti yfir í menn, K.J. heilkenni eða hvað það nú hét!
SEm betur fór, urðu ekki miklar afleiðingar þó, en mig minnir samt að einhver dauðsföll yrðu? Stórfeld slátrun átti sér hins vegar stað, sem og strangt eftirlit með þeim sem fóru til Bretlands, m.a. þurftu menn að "þurka af skónum" við heimkomu þaðan, eða öllu heldur að stíga á sérstaka mottu til greiningar hvort smit leyndist nokkuð með í för!

Gin- og klaufaveiki hefur komið upp á bóndabæ í Bretlandi

Merkir eru vegir vísindanna!

Sem góður og gegn fulltrúi "Erfðagallaðara, en eðalgreindra" hausa í heimi hér, þá fylgist ég grant með tækni og vísindum og bíð þolinmóður eftir að lappað verði upp á "minn garm"!
Það hygg ég nú að geti orðið frekar fyrr en síðar og þá með einhverju sem líkist því sem hér um ræðir. Vísindunum fleygir jú mjög hratt fram og þá ekki hvað síst vegna tölvu/rafeindabyltingarinnar sem orðið hefur á síðustu árum. meiri þekking samfara endingarbetri aðferðum lofa góðu og vekja bjartsýni, en eins og segir hér að ofan, þá þarf að rannsaka hlutina sem mest og best, óvænt ljón geta jú alltaf birst í veginum!
En ef þessi tækni sem hér er lýst hefði verið komin til "aðeins fyrr" hefðu kannski frægar sögupersónur kunnað að meta!?
Frekar hefði þegið Þyrnirós,
þessa lausn, -ég er alveg klár-
Rautt og fagurt rafeindanna ljós,
en rembingskossinn eftir hundrað ár!

Segulörvun „vekur“ sjúkling

Sníkjudýrsfjári!

Hún var nú ekki kræsileg beinlínis, fregn RÚV í dag um nýjan sníkjudýrsfjára, sem hugsanlega hefur "numið land" eða öllu heldur gert sig heimakomna í íslenskum ám!
ER um fyrirbæri sem áll væri og kallast Sæsteinssuga,s sem ræðst á Sjóbirtingin með hvössum tönnum og særir hann hringlaga sári!
Mikil hefð er í minni fjölskyldu fyrir alls kyns fiskveiðum, úr sjó, ám og vötnum, þannig að þessi frétt vakti nú vond áhrif!
Ekki er þó víst að þetta sé enn orðin landlægur (eða "álægur") andskoti, enn bara orðið vart við hann í ám í Skaftafellssýslu, en manni finnst fre´ttirnar alltaf verða fleiri og fleiri af slíkum vágestum, nýbúið að segja frá einhverjum trjásníglum sem numið hafa land og éta sig á gat!
Árans ófögnuður!

Þessu gæti ég alveg trúað!

Walesbúar eru merkilegir, til dæmis þeir Tom Jones og Ian Rush! (þarf væntanlega ekki að segja neinum hverjir þeir eru?)
Mér kemur því ekkert á óvart að íbuar smáþjóðar á borð við Wales, eigi snillinga sem leysa þessa "lífsgátu" Við eigum nú Jón Braga Bjarnason, sem´er rétt í þann mund að fara að lækna Alnæmi og fleira held ég með Penzim töflum unnum úr þorskensímum! Og var það ekki fuglaflensan líka meðal annars sem lækna á líka? Minnir það!
En eflaust hugsa nú margir eitthvað á þessa leið!

Þetta er bara bráðræði,
bull og mesta kjaftæði.
Í minnsta lagi málæði,
í mönnum ef ekki brjálæði!

En vonum nú samt það besta!

Þrír félagar telja sig hafa leyst gróðurhúsavandann