Æææ!

Þar burtu Beckhams hvarf sjarmi,
svo brast nær í grát af harmi.
Jú, markið mikilvægt "setti",
en mjög sig þá gretti
Og fór útaf með "Þrautir í þarmi"!

(Þess er annars ljúft og skilt að geta, að sá er upphaflega kom með snilldarþýðinguna á "Pain In The ASS" sem "Þrautir í þarmi", var sá mikli limrusmiður og snjalli, björn heitin Þorleifsson!)

Beckham meiddur í rassinum

Athugasemdir

[Hildur Helga Sigurðardóttir, 30.1.2009 kl. 06:34]

Þú ert nú hreinlega öðrum mönnum hagmæltari,  Magnús minn Geir.  

 (Gott hjá þér samt að geta heimilda með "þarminn".  Það á einmitt alltaf að gera; þ.e. geta heimlda).

Ætli hlutabréfin í mér fari svo ekki bara hækkandi í öfugu hlutfalli við kreppuna...

Kær kv.  HHS

[Solla Guðjóns, 30.1.2009 kl. 08:55]

Flottur

[Þórarinn M Friðgeirsson, 30.1.2009 kl. 09:34]

Já nú líst mér á kallinn stolið og staðfært og allt með gæsalöppum, Hannes Hólmsteinn hefði betur gert þetta á sínum tíma. Þarmaþrautirnar eru algjör snilld og leitt að hafa ekki kynnst kveðskap Björns Þorleifssonar hann virðist hafa haft þetta allt á hreinu.  Hér inni hættir maður sér ekki lengur til að svo mikið sem setja eina stöku á blað þegar mentorinn gæti slysast til að lesa það hehehe. Kv. Tótinn

[Magnús Geir Guðmundsson, 30.1.2009 kl. 10:04]

Hildur Helga mín, þú verður aldrei, aldrei svo dýr... Bíð fyrsta tækifæris, værir sannkölluð ÖRUGG FJÁRFESTING, haha!

Sem ég sagði, ljúft og skilt að minnast BÞ, afbragðshagyrðingur, ættaður að vestan held ég, en bjó lengi og starfaði hér í bænum við pollinn.

Þakka þér svo hrósið, sem ég stend nú varla undir!

TAkk Solla, sjálf ertu bæði góð og væn!

Það sem þér dettur í hug Tóti trítill!

Þetta var nú bara eftir pöntun frá þér, skulum bara vona að HHG garmurinn lesi þetta og læri af haha!

En ef þú hefur einhverja þörf að reyna þig, skaltu ekki hika og ekkert spá í hvað mér finndist!

Prófaðu að netgrufla, gætir sem best fundið eitthvað eftir Björn, en veit ekki hvort hann gaf eitthvað út.