Velkomin heim frú Ingibjörg og vonandi fer þér nú að batna!

Í sjálfu sér ekki miklu við fyrirsögnina að bæta, nema hvað senda má forsætisráðherranum líka kveðju vegna tíðinda frá honum sjálfum fyrr í dag, að hann hefði greinst með íllkynja æxli í vélinda. Margur maðurinn reyndar líka að missa sig vegna viðbragða Harðar Torfasonar við veikindum Geirs, sumir hreinlega að springa úr vandlætingu vegna þess að Hörður finnur að tímasetningu Geirs á að tilkynna þau. Auðvitað á Hörður í þeirri stöðu sem hann er í, að gæta orða sinna og vanda viðbrögð er til hans er leitað, en í ljósi þess að Geir notar tækifærið eftir pólitískan fund í VAlhöll til að segja frá veikindunum í beinni útsendingu, finnst mér hann sjálfur setja sín veikindi í óþarfa forgrunn og já sannarlega umdeilanlegan líka! Mér finnst því þó nú sé kannski nokkuð seint í rassin gripið hjá sumum, að fólk ætti nú aðeins að stilla vandlætingargírinn, hugsa aðeins áður en það hendist inn á ritvöllinn! En fyrir stuðningsmenn Geirs og D er þetta hins vegar kærkomið tækifæri til að beina kastljósinu frá þeirra eigin vandræðagangi, eitthvað sem kenna má við "smjörklípu" kannski!?

Ingibjörg Sólrún komin heim

Athugasemdir

[Ragnheiður Elín Clausen (IP-tala skráð) 23.1.2009 kl. 17:50]

Það er nú ekki í lagi að kalla það veikindi Geirs smjörklípu. Hann er í forystu fyrir flokk sem stendur í stórræðum og hálfgerðri styrjöld við hluta kjósenda. Hvað hefði fólk sagt ef hann hefði Ekki greint frá þessu ? Enn einn feluleikurinn og engar uppslýsingar. Ja svei það er erfitt að gera til hæfis. Smjörklípa ? Illkynja krabbmein ég held það sé kki einu sinni hægt að kalla svona smáborgarahátt þetta er eitthvað annað og verra.

[Magnús Geir Guðmundsson, 23.1.2009 kl. 20:04]

Heil og sæl mín ágæta Ragnheiður Elín og þakka þér fyrir innlitið!

Í jósi þess að ég þykist vita nokkuð um hvar þú stendur í stjórnmálaafstöðu, þá skil ég svo sem vel þá samúð sem hér birtist hjá þér í garð Geirs og hans erfiðu stöðu bæði heilsufarslega og pólitískt,en verð samt að biðja þig vinsamlegast að misskilja ekki það sem þú lest hérna.

Hér er ekki fullyrt neitt um að veikindin sjálf séu sem smjörklípa, eins og fv. formaður D, setti kenninguna fram og skilgreindi jafnframt, sem frægt er orðið. Alls ekki, en hins vegar því kastað fram, að viðbrögð Harðar Torfasonar við veikindatíðindunum í viðtali við mbl fyrr í dag, sem vakið hafa hörð andmæli, kunni að notast sem eitthvað er kalla mætti smjörklípu, því þar færi þungin af umræðunni í bili að minnsta kosti af gagnrýni á flokkin og hans gjörðirværu ekki eins mikið í kastljósinu!?

En í þessu fólst heldur ekki nein fullyrðing, heldur sett fram í spurnarformi og smjörklípa ritað innan tilvitnunarmerkja, eins og þú sérð.

Mér finnst það hins vegar ekki tilviljun að Geir skildi velja sér þetta tækifæri til að tilkynna um veikindin ásamt tíðindunum af fundinum og það fannst mér og finnst gagnrýnivert. Eins alvarlegt og það er fyrir hvern einasta mann, að veikjast af krabbameini, þá er það samt aukaatriði hvað varðaði tíðindi þessarar tundar, aðalatriðið var niðurstaðan af fundinum sem skipti allan almenning máli, en varð svo að aukaatriði vegna tíðindanna af veikindunum.

En ég ítreka, skil þig að vissu marki vel auk þess sem langvarandi veikindi föður þíns heitins, Hauks, voru ekkert launungarmál.

SEndi þér annars mína bestu kveðju og vona að þér líði vel í dag.