Það var og, þingi frestað í dag!

Um næturverknaðinn!

Seint var sopið já kálið
og sötrað mótmælateð.
Þó tókst að bera á bálið,
blessað Óslóartréð!

En svo hefur hið sögulega gerst já, fundi þingsins í dag hefur verið frestað og´vegna hvers?
Ja, líklega vegna þess að vinnufriður mun líklega ekki fást vegna frekari hávaða og láta!?
Ábyrgð þeirra sem fyrir því stóðu og ætluðu a halda áfram í dag, er því rík, hinir 63 kjörnu fulltrúar sem í gær voru að koma úr lengsta jólafríi allra, fá nú einn dag til, geta því flækst og slugsast eftir atvikum á fullu kaupi, þökk sé mótmælendum!?
Annars voru hér fréttir fyrr í morgun af litlum meiðslum í heild eftir hyldarleik gærdagsins, eitt handleggsbrot jú, en að öðru leiti minniháttar meiðsl.
Ég hins vegar hef meiri áhyggjur af langtímaafleiðingum og þá ekki síst þeim sem mótmælendur gætu hafa valdið sjálfum sér ekki síður en hugsanlega þingmönnum, lögreglumönnum og öðrum vegfarendum.
Nefnilega HEYRNARSKAÐA!
Skildu til dæmis margir af "Trommuleikurunum" hafa verið svo forsjálir, að næla sér í eyrnartappa áður en þeir he´ldu á svæðið?
Eitthvað sem kannski á eftir að koma í ljós!?

Alþingishúsið skrúbbað

Athugasemdir

[Húnbogi Valsson (IP-tala skráð) 22.1.2009 kl. 01:12]

Af alþingishúsinu eru að skafa

óhreinindin á fullu.

Inni í því samt áfram hafa

ennþá meiri drullu.

[Magnús Geir Guðmundsson, 22.1.2009 kl. 01:23]

Ussuss H'unbogi, nema hvað allt vitlaust og "byltingin farin að éta börnin sín" og það jafnvel áður en hún hefur eiginlega átt sér stað!