Þórarinn Borgarskáld!

Þórarinn skáld hér brosir já breitt,
Borgin sér hvatningu hafi nú veitt.
Sem aldrei fyrr nú skuli hann heitt,
hamra sitt fræga ELDJÁRNIÐ beitt!

En þurfti garpurinn nokkuð á þessu að halda? ER eða hefur örugglega verið á listamannalaunum og almennt notið velvildar og hylli landsmanna. En hvað veit ég, þetta er allavega heiður sem mörgum þykir mikill og ekki skemma nú krónurnar nei sem fylgja fyrir!
Hitt er svo annað, Moggamenn, Þórarinn er ÚTNEFNDUR Borgarlistamaður, ekki tilnefndur!

Þórarinn Eldjárn tilnefndur borgarlistamaður

Athugasemdir

[ágústa (IP-tala skráð) 17.6.2008 kl. 20:09]

sagði ruv ekki líka "tilnefndur"?

[Magnús Geir Guðmundsson, 17.6.2008 kl. 20:45]

Er nú mín elskulegasta með þessu nafni farin að kíkja á mig hérna? Veit ekki, nema hvað að þegar einn og aðeins EINN hlýtur einhver verðlaun og aðrir nefngreindir ekki til staðar sem hugsanlegir kandidatar líka, þá er ekki um neina tilnefningu að ræða, heldur útnefningu!

Fólk fleira en eitt, er semsagt tilnefnt sem hugsanlegir verðlaunahafa, en sá er hreppir verðlaunin er sá sem er útnefndur, eða útvalin!

Þannig er það nú víst að ég hygg, en heyrði nú ekki hvað þeir sögðu í útvarpinu!

[Jenný Anna Baldursdóttir, 17.6.2008 kl. 21:07]

Þetta líkar mér.  Sko nýji borgarlistamaðurinn og vísukornið.

Gleðilega þjóðhátíðarrest.

[Magnús Geir Guðmundsson, 17.6.2008 kl. 21:21]

Sömuleiðis frú Jenný og takk fyrir hrósið!