EM, önnur umferð, riðill A, Úrslitaleikur!?

Ekki var nú gamla goðið Johann Cruyff alveg sammála Van Persy fyrir mótið, vþert á móti var hann óhress með leikstílinn og taldi hann langt í frá skemmtilegan, en er kannski komin á aðra skoðun núna? En nóg um það, Hollendingar hins vegar skiljanlega í skýjunum enn yfir frábærum sigri á heimsmeisturunum, sem sumir hverjir keppast nú við að útskýra málið eða bara biðja landa sína afsökunar á slakri frammistöðu.
Sjálfur er ég líka í skýjunum yfir afbragðsbyrjun Spanverja í gær, en eins og þeir sjálfir hafa sagt eftir leikin, þá sé þetta nú bara einn leikur, svona byrjuðu þeir líka HM síðast, en stóðust svo ekki þolraunina er lengra dróg!
En þetta var já flott og einu get ég nánast lofað ykkur,

Ef DAvid Villa fer frá VAlencia, þá er BARA EITT lið sem kemur til greina í dag utan Spánar!
Þeir sem vita svarið rétti upp hönd!

Verð svo að viðurkenna að sigur Svía á Grikkjum féll mér ei ílla í geð, en kom mér samt svolítið á óvart!
Þessi úrslit og í leik Hollendinga og Ítala eru þau einu sem ég hef flaskað á hingað til.
6 leikir réttir af 8 er ekki slæmt, nema hvað þetta er ekki gisk hjá mér á getraunaseðli, bara hér í léttum dúr.
Er líklega bæði of latur og lítt fégráðugur til að nenna að spila í getraunum í von um gróða!

En fyrstu umferð keppninnar semsagt lokið, alveg þokkaleg byrjun í það heila og vonandi verður bara stígandi í þessu og góðu og spennandi leikjunum fari fjölgandi.
Sigurliðin í fyrstu leikjunum í A riðli mætast nú á eftir, portúgal, Ronaldo og Co. og Tékkar, Koller og hans félagar!
Sigurliðið er nánast komið áfram hygg ég, en jafntefli yrðu held ég líka ekki slæm úrslit fyrir bæði lið.
Á erfitt með að spá, þótt Tékkarnir hafi ekki verið sannfærandi gegn Sviss var það ekki alveg að marka, alltaf erfitt að byrja keppni og það gegn heimaliði. portúgalar virkuðu hins vegar nokkuð svo sannfærandi gegn Tyrkjum, sem reyndar virtust ekki mjög traustvekjandi. SEgi jafntefli, en mikið á örugglega eftir að ganga á og auðvitað gæti sigurinn lent á báða vegu

SViss hafði ekki heppnina með sér gegn tékkum, en ég vil trúa því að þeir sigri í kvöld. SEm fyrr sagði virðast Tyrkirnir ekki eins sterkir og oft áður og urðu svo fyrir áfalli nú er einn þeirra besti maður, Emre, meiddist og verður ekki í það minnsta með í þessum leik.

Það held ég nú!

Van Persie: Holland leikur eins og Arsenal

Athugasemdir

[Steingrímur Helgason, 12.6.2008 kl. 00:19]

Gizkspakur ertu, ég hefði nú sjálfur tippzað á Niðurlendíngana enda þeirra bolti hugnazt mér skárr en grátleikdettivarnarmaskína fyrrum Múzzólína.

Enda segir tengillinn margt efnislega.

Fótbolti á að vera skemmtilegur, frekar en eitthvað 'grikkerí'.

[Friðrik Jónsson, 12.6.2008 kl. 00:52]

Svo skemmtilega vill til að ég hef einungis flaskað á sömu tveimur leikjum í mínum ágiskunum fyrir eilítinn vinnuleik upp á ölið góða sem fólk leggur undir.

Er einmitt einn sá mesti stuðningsmaður Hollands sem finnst, þannig ég var allsáttur að tapa fyrri ágiskun!