Dásamleg úrslit!

Í einu orði sagt já, DÁSAMLEG!
Að vísu fyrsti leikurinn sem ég spái rangt um í keppninni, hafði giskað rétt á hina fimm, en þetta var frábær leikur og gott á Ítalana að fá svona duglegan skell!
Vinur vor Dirk að sögn frábær, lagði upp tvö og kannski er ekki nema von að eitthvað komi út úr þessu hjá Hollendingunum í ljósi þess að þarna leggja saman krafta spilarar úr Man. Utd., Liverpool, Arsenal og Real Madrid m.a.?
En svo sanngirni sé gætt, þá höfðu nú Ítalar getað minnkað munin í stöðunni 2-0, fengu fín færi, sem þá hefði kannski breytt leiknum og úrslitin kannski orðið önnur.
Riðillinn ætlar bara annars að standa undir væntingum og mikið á eftir að ganga á áður en ljóst verður hvaða tvö lið komast áfram.

Holland tók Ítalíu í karphúsið

Athugasemdir

[Himmalingur, 9.6.2008 kl. 21:21]

Ítalir bara með brauðfætur í leiknum! Hollendingar góðir maður. Hef sjaldan séð ítölsku vörnina svona lélega!

[Magnús Geir Guðmundsson, 9.6.2008 kl. 21:36]

Nei, menn virðast almennt sammála nú eftir þennan flotta leik, að sjaldan hafi þeir verið svo slappir bakatil, enda þetta örugglega stærsta tap þeirra í stórkeppni í áa herrans tíð!?

Og svo verður vonandi bara meira fjör á morgun!

[arnar valgeirsson, 9.6.2008 kl. 22:22]

þetta verður bara hörkukeppni og ég er viss um að eitthvað óvænt á eftir að gerast.

kannski bara að englendingar verði evrópumeistarar...... eða?

liðin sem byrja illa eiga eftir að eflast, nokkuð sjúr á því.

[Lára Hanna Einarsdóttir, 9.6.2008 kl. 22:23]

Fyrri leikurinn var hundleiðinlegur en sá seinn mjög góður. Fæ ég hálf verðlaun? 

[Magnús Geir Guðmundsson, 9.6.2008 kl. 23:29]

Hehe Arnar, það skildi þó aldrei vera, að þú ættir kollgátuna, allavega eru nokkrar líkur á að ensk lið eigi góðan hlut í liðinu sem vinnur!?

en hið óvænta gerðist strax svo sannarlega í kvöld með þessum rosasigri Hollendinga og eflaust verða óvæntu úrslitin fleiri!

Veistu það Lára mín góða Hanna, að þú átt held ég bara skilin hrein og óskipt verðlaun, ekki neitt "hálfkák" með það, fyrst þú varst svo ákveðin með sigur Hollendinga!

[Jenný Anna Baldursdóttir, 10.6.2008 kl. 00:16]

Minn heittelskaði sagði (hrópaði) það sama og þú.  DÁSAMLEGUR LEIKUR. Jájá, það er gott að þið eruð glaðir elskurnar.

[Magnús Geir Guðmundsson, 10.6.2008 kl. 00:26]

Jája´, en þú ert nú ekki svo glöð Jenný á hinn bóginn!?

En það kemur dagur eftir þennan eins og þar stendur!