Eftirsjá í glæstri konu og góðum forseta!

Ég hef margoft sagt það áður og tek ekkert fyrir að endurtaka, að Guðfríður Lilja Grétarsdóttir, hefur átt aðdáun mína í mörg ár og er einfaldlega yndisleg kona!
Hefur staðið sig með afbragðssóma í embættinu og er sannarlega eftirsjá af henni!
ER já svo sem margur annar mjög forvitin að sjá hver hreppir embættið í hennar stað, hinn mjög svo sérstaki athafnamaður, bassaleikari pops og hagyrðingurinn með meiru Óttar Felix, eða hinn nýkrýndi atskákmeistari Íslands og frændi minn, Björn Þorfinnsson!
HHvor þeirra sem sigrar, vonar maður að sátt verði um kjörið og báðir vinni áfram fyrir skáksambandið!

En um Guðfríði Lilju, sem ég get líka bætt við að er tvímælalaust formannsefni hjá VG ef hún bara vill það og flokkurinn hefur vit á að veita henni brautargengi, vil ég svo bara að lokum segja þetta!

Feikna dugleg, fágæt slík,
full af sönnum vilja.
Greind og fáguð, gifturík,
Guðfríður er Lilja!

Hef reyndar áður ort í svipuðum dúr um "Drottninguna", en finnst það bara allt í lagi!

Guðfríður Lilja lætur af embætti forseta Skáksambandsins

Athugasemdir

[Steingrímur Helgason, 2.5.2008 kl. 23:21]

Lángfremsta valkyrja Vinsti Grænna að mínu mati, ókynbundið, en stórefa að nægt vit sé í flokknum til að hann beri þá gæfu, frekar en einhverja aðra.

Flaggað er þar frekar einhverjum kolbrúnum sóleyjum & þeirra bjánamálum.

[Magnús Geir Guðmundsson, 3.5.2008 kl. 13:15]

Ja, tæki nú ekki alveg svona sterkt til orða, en við blaðrararnir tveir erum ekki einir um gott álit á Guðfríði. SVo situr reyndar Kata hin spaka fyrir á formannsvarastóli, ekki má gleyma henni, en ég veit ekki!

[Eva Benjamínsdóttir, 3.5.2008 kl. 15:08]

Tek undir og kvitta hér með, mun sakna valkirjunnar úr Skáksambandinu. Hún stendur sig allstaðar vel drottningin.

[Magnús Geir Guðmundsson, 3.5.2008 kl. 16:13]

Já sannarlega Eva mín, auðvelt að hrífast af konum á borð við Guðfríði Lilju. Því má annars svo ekki gleyma, að áfram verður hún í skákeldlínunni, sem forseti skáksambands norðurlanda.

Þakka þér kærlega fyrir innlitið.

[Helga Guðrún Eiríksdóttir, 3.5.2008 kl. 16:59]

Lilja er algert hörkutól og alveg yndisleg stelpa, ég kynntist henni fyrir 15-20 árum þegar ég hélt ennþá að ég kynni að tefla og tók þátt í mótum. Ég á ennþá póstkort sem hún sendi mér frá Harvard og mér þykir vænt um það eins og sendandann. Mér finnst bara að hún sé ekki alveg í réttum stjórnmálaflokki.. en það er nú allt önnur saga.

[Jenný Anna Baldursdóttir, 3.5.2008 kl. 17:18]

Ég ber mikla virðingu fyrir GL, bæði á skáksviðinu og eins hvernig hún gengur til allra verka.

Kveðja norður yfir heiðar.

[Magnús Geir Guðmundsson, 3.5.2008 kl. 18:47]

Mínar fallegu og frómu vinkonur!

Já, þetta er allt í sama dúr. Ég hef ekki heyrt neitt nema gott um hana. Get í sjálfu sér verið sammála þér Nottsdúlla að ég er ekki æstur aðdáandi pólitískra stoðanna hennar margra hverja, en það kemur málinu bara ekkert við!

Takk kærlega Jenný mín sömuleiðis, góðar kveðjur alltaf vel þegnar!