Hættið nú alveg!

Oft má lesa hér á mbl.is í senn spauilegar og furðulegar fyrirsagnir, en þetta er nú hygg ég aðeins of mikið af því góða!
SAmt vil ég vera kurteis og bara vinsamlega benda höfundi fréttarinnar og þá væntanlega fyrirsagnarinnar líka á þessari fregn um Trappatoni karlinn, að Írland er EKKI í Englandi, er jú vissulega á BRETLANDSEYJUM, en er sjálfstætt lýðveldi!
Vinsamlegast leiðrétta þessa vitleysu!
Annars verður spennandi að sjá svo ef rétt reynist hvernig þessum kappa tekst til með írska landsliðið!

Trapattoni á leiðinni til Írlands?

Athugasemdir

[Halli (IP-tala skráð) 11.2.2008 kl. 15:55]

Írland er ekki á Bretlandi!!! England, Skotland og Wales ....ekki satt?

[Magnús Geir Guðmundsson, 11.2.2008 kl. 16:16]

Hr. Halli, "Eyjan græna" tilheyrir Bretlandseyjum, fólk undanskilur Írland ekki sérstaklega þegar talað er um þetta svæði, þótt það tilheyri ekki konungsveldinu gamla. en villan snýst um England, þangað er þjálfarinn kunni vissulega EKKI að fara ef og þegar hann tekur við landsliði Írlands!

[Nessi (IP-tala skráð) 11.2.2008 kl. 17:43]

Þetta er rétt hjá ykkur báðum, þið eruð bara ekki að tala um sama hlutinn.

Bretland, er England, Wales, Skotland og Norður Írland.

Á Bretlandseyjum þegar talað er um eyjarnar stóru, þar eru England, Wales, Skotland, Norður Írland og Írland.

[Magnús Geir Guðmundsson, 11.2.2008 kl. 17:56]

Þetta má toga fram og til baka, málið hér er hins vegar að Írland er ekki hluti af Englandi, um það snýst þessi pistill, en einhverra hluta vegna er þetta ekki leiðrétt af þeim er skrifaði þetta!?

[Adam (IP-tala skráð) 11.2.2008 kl. 18:59]

Við þetta má í gamni bæta að í þá gömlu daga var talað um að þessi lönd tilheyrðu Englandi ekki Bretlandi eins og er nú.

[Villi Asgeirsson, 12.2.2008 kl. 17:36]

Þú ert eins og fólkið sem kvartar þegar sagt er að Ísland sé í Danmörku. Er það það annars ekki?

[Magnús Geir Guðmundsson, 12.2.2008 kl. 23:08]

Spaugsamur er kvikmyndagerðarmaðurinn Villi, en þetta er nú ekki sambærilegt og bara klaufalegt hjá Mogganum að láta svona vitleysu standa!

[Villi Asgeirsson, 13.2.2008 kl. 08:24]

Það er satt. Hollendingar eru reyndar verri. Hér er Bretland kallað England og fólki finnst því sjálfsagður hlutur að staðsetja Skotland, Wales og Norður-Írland í Englandi. Ef maður reynir að leiðrétta þetta, til að koma í veg fyrir vesen ef þetta talar einhverntíma við ekki-enska breta, skilja þeir ekkert hvað maður er að fara."Já, en Skotland er í Englandi..." segja þau með skilningsleysið lekandi úr augum. Þá segi ég að þau séu í Stór-Þýskalandi, ásamt Austurríki. Þá fara flestir að skilja hvað er í gangi.

[Magnús Geir Guðmundsson, 13.2.2008 kl. 16:00]

TAkk fyrir þennan skemmtilega fróðleik um "Niðurlendinga"! Þetta er kannski að hluta til áhuga á enska boltanum að kenna, dettur það í hug, þeir glápa mikið á hann ekki satt, English Football Premier League! En veit svosem ekki!