Klúður í aðsígi!?

EF einkum og sér í lagi það gengur eftir, að Hr. Odama vinnur sigur í stærsta og mikilvægasta ríkinu, Kaliforníu, að ekki sé talað um að hann hafi líka betur í New york, þá þarf vart að spyrja að leikslokum, Demokratar missi af þessu einstaka tækifæri að bjóða fram konu í fyrsta sinn sem fulltrúa til þessa valdamesta embættis heims og ætti já svo sannarlega mikla möguleika á því og virkar sömuleiðis til þess hæf!
Klúður er já orði sem manni finnst við eiga ef svona fer og vekur mann þá að líkindum líka enn og aftur til umhugsunar um þetta alsherjar ruglkosningakerfi sem er viðhaft bæði í forkosningum og hinum aðal og er ekki fyrir venjulegan mann að skilja til hlýtar, að Odama gæti þess vegna náð góðum meirihluta kjörmanna er svo útnefna futtrúan á flokksþinginu, þótt ekki sé meirihluti kjósenda þar á bakvið.
Það væri nefnilega svo spennandi að sjá það gerast að kona berðist og myndi hugsanlega sigra þetta risastríð sem kjörið um forseta Bandaríkjanna óneitanlega er á sinn hátt!
Það er nefnilega enn nokkuð útbreiddur misskilningur bæði hér á landi og svo auðvitað í hinum misupplýstu Bandaríkjum sjálfum, að útnefning Odama og hugsanlegt forsetakjör í kjölfarið, marki ekki síður tímamót, hann yrði þá "fyrsti svarti maðurinn" í þeirri stöðu.
En Odama á bara ekkert meir samleið með svörtum ameríkönum frekar en hvítum, ef eitthvað er meir með hvítum!
Hann er jú kynblendingur, sem ekkert hafði af föður sínum að segja, er alfarið alin upp hjá velmegunarfjölskyldu sinnar hvítu móður svo hans hvíti angi er að öllu leiti sterkari í hans lífi.
En honum hefur nú í baráttunni tekist mjög vel upp að samsvara sig svarta anganum, því verður ekki á móti mælt og þar sem blökkumenn eru stór eða stærri ópur kjósenda hefur hann vinninginn!
En eins og alltaf, þá spyrjum vi að leikslokum á þessum "Ofurþriðjudegi" sem fyrst og siðast virðist spennandi hjá krötunum, hjá Republíkunum virðist stofnun "Öldungaráðs" vera í aðsígi! (svona að hætti Kínverja lengi vel!?)

Ætla Kratar í kjörsins skálum,
að klúðra sínum málum?
Já, vaða í villu,
velja ei "Hillu"
En treysta "svart-hnítum" sálum!?

Obama leiðir í Kaliforníu

Athugasemdir

[Auður H Ingólfsdóttir (IP-tala skráð) 5.2.2008 kl. 19:54]

Ég deili því með þér að ég vildi gjarnan sá Hillari komast áfram í þessari baráttu. Það er samt engin ástæða til að búa til "dömu" úr Obama... (sjá stafsetningu á nafninu hans...)

[Magnús Geir Guðmundsson, 5.2.2008 kl. 20:53]

Æ mín góða og gamla Auður, takk fyrir það, en svona er það með minn gallaða haus, sér og heyrir nánast ekkert nema að hann einbeiti sér og það aðallega hvað eyrun snertir!

En haha, þetta er nú bara fínn brandari hjá þér þannig já SÉÐ!

En á aðeins meir alvarlegri nótum, þá er ég bara óendanlega forvitin að sjá og upplifa kannski konu þarna, allt "miðaldrakallamoðið" hefur nú alveg farið með okkur Íslendingana lengi vel, er ekki bara komin tími á að þið allar fínu konurnar fáið að taka smá saman yfir?Þú gast nú ráðið Landvernd, hví þá ekki Landhelgisgæslunni líka eða LÖggunni!?

[Magnús Geir Guðmundsson, 5.2.2008 kl. 20:58]

N'u eða LANDSSTJÓRNINNI?

Að vísu eru tvær konur nú einna mest ráðandi af þremur helstu ráðherrunum, eða mest áberandi, en ég vil sjá sannkallaða Kvennastjórn fyrr en síðar, nægir mér ekki heldur þótt vissulega sé annar stjórnarflokkanna með jafnréttið að leiðarljósi í þessum efnum!

[Björn "Bárðdal" Jónsson (IP-tala skráð) 5.2.2008 kl. 21:10]

Maggi ég trúi ekki uppá þig að þú viljir kerlingarherfuna í forsetann..

[Magnús Geir Guðmundsson, 5.2.2008 kl. 22:05]

Haha, komdu sæll og bara búin að taka upp ættarnafnið sem ég hef stundum sett á þig gegnum tíðina! Það vekur nú meiri áhuga hjá mér en innihald athugasendarinnar!

Það kemur allavega ekki á óvart eftir áratuga kynni af þér og fleiri karlpungum af Henriksenliðinu, að þú hoppir ekki hæð þína Hillary vegna!

Og hvað hefur þú á móti henni má ég spyrja, þannig að þú nefnir hana sem þú gerir!?

Miklu yngri en móðir þín til dæmis, sem er nú eilífðargella og það yndisleg!

[Björn "Bárðdal" Jónsson (IP-tala skráð) 5.2.2008 kl. 22:18]

Ef ég þekkti hana eitthvað þá er ég viss um að ég hefði eitthvað á móti henni, hlýtur bara að vera...en ég er sammála þér um móðir mína hún er eilífðargella yndisleg....

[Magnús Geir Guðmundsson, 5.2.2008 kl. 22:28]

Jamm, lengi lifi Jenný Bomb!!!

En með Hillary, þegar þú talar svona grunar mig nú eiginlega hið gagnstæða, eða svo ég tali skýrt, BERIR HUG Í LEYNUM TIL HENNAR, en ekki öfugt sem þú vilt meina!

[Björn "Bárðdal" Jónsson (IP-tala skráð) 5.2.2008 kl. 23:34]

Ég er nú bara að snapa fæting..annars ætla ég að heimsækja þig á morgun eða hinn með diskana ef ekki stendur illa á hjá þér.

[Magnús Geir Guðmundsson, 5.2.2008 kl. 23:46]

Stendur sjaldnast ílla á, bara misvel!

Þú færð þá bara "Alvörufæting" kjaftshögg og klofbragð hægra að hætti Jóhannesar frænda míns á Borg haha!

[Magnús Geir Guðmundsson, 5.2.2008 kl. 23:48]

Ertu annars að taka Bárðdalsnafnið upp fyrir fullt og fast?

[Magnús Geir Guðmundsson, 6.2.2008 kl. 15:46]

Nei, aftur gerist það, að skoðanakannanir reynast ekki réttar, frú Hillary vann í Kaliforniu og líka í New York!

En spennan heldur þó áfram,Obama vann jú fleiri ríki svo munurinn er enn ekki svo mikill, spennan á enn eftir að magnast þó klúðrinu hafi vissulega í bili a.m.k. verið afstýrt í bili.

[Magnús Geir Guðmundsson, 6.2.2008 kl. 15:49]

Einu "bili" þarna of mikið, en nema hvað, kjósendur Hillary fara með þessu áframhaldi að minna meir og meir á kjósendur íslenska Framsóknarflokksins, allavega eins og þeir höguðu sér lengi vel og vrou fyrir hendi, gefa sig ekki upp í könnunum, en láta svo til sín taka er til alvörunnar sjálfrar kemur, kosninganna!?