"Ökutímatónlist" Lay Low komin út!

Já, þá mun hún loksins vera komin út, platan hennar Lay Low með tónlistinni úr leikritinu Ökutímar, sem Leikfélag Akureyrar hefur sýnt við mjög góðar undirtektir frá því fyrir áramót.
Mörgum orðum þarf vart að fara um hana Lovísu E. Sigrúnardóttur, hún sló eftirminnilega í gegn með fyrstu plötunni sinni, Please Don´T Hate Me árið 2006 og skyggði á flesta aðra það árið!
margir hafa því beðið eftir framhaldinu, sem nú birtist með þessum nokkuð óvenjulega hætti, 13 laga plötu þar sem 5 laganna eru frumsamin, en önnur öll eftir hina brjóstgæðamiklu söng- og leikkonu Dolly Parton!
En það sem gerir auðvitað þessa útgáfu enn sérstakari er að Lay Low ákvað eftir að hafa kynnst starfsemi Aflsins, systursamtaka Stígamóta á Akureyri, að allur ágóðin af sölu plötunnar skildi renna til þeirra!
Afskaplega rausnarlegt svo ekki sé sterkara að orði kveðið, hjá stúlkunni og eiginlega alveg einstakt!

Allir eru því kvattir til að fá sér eintak, sem senn stuðlar að uppbyggingu góðs málefnis og gleður kaupandan með ljúfu innihaldinu!

Athugasemdir

[Einar Bragi Bragason., 25.1.2008 kl. 19:51]

Gott framtak hjá henni þó að ég gerist nú seint aðdáandi

[Ásthildur Cesil Þórðardóttir, 25.1.2008 kl. 20:42]

Mér finnst hún mjög sérstök, og þetta er gott framtak, og gott hjá þér að vekja athygli á þessu.

[Guðríður Hrefna Haraldsdóttir, 25.1.2008 kl. 20:52]

Platan er alveg frábær!!! Góð lög og góður flutningur!

[Magnús Geir Guðmundsson, 25.1.2008 kl. 22:30]

Það er sem ég segi, konur eru yfir höfuð skynsamari en karlar, Saxi á að gera eins og ég, taka þær mér til fyrirmyndar og hlusta þegar þær tala, eins og þessar tvær afburðafreyjur frá Ísafirði og Akranesi gera hér!

Saxi, farðu bara og vertu góði strákurinn og keyptu eintak, getur þá bara gefið frúnni hann eða fótboltasyninum, hann er örugglega víðsýnni en pabbagarmurinn!

Allir sem ég þekki og hafa farið á leikritið segja þetta líka um tónlistina, hún sé afbragð og túlkanir hennar á Dolly séu flottar.

[Magnús Geir Guðmundsson, 26.1.2008 kl. 11:25]

Takk sömuleiðis félagi!

Tékkaðu svo á Lay Low!

[Jens Guð, 28.1.2008 kl. 22:13]

www.aflid.muna.is