Hvert vilja menn eiginlega komast?

Eitthvað í þessa áttina dettur mér stundum í hug, þegar svona ofsaakstursfregnir birtast.
Nú veit ég auðvitað sem er, að þarna eru oftar en ekki annars vegar um unga ökumenn að ræða sem kunna sér ekki hóf eða hafa sumir ekki þroska enn þrátt fyrir tilskilin aldur og próf og/eða svo hins vegar "Stúta undir stýri". En svo eru hinir líka sem falla ekki í áðurenefnda flokka, en eru ekki síðri "fantar" á leið í flug eða annað og víla ekki fyrir sér að kitla pinnan ótæpilega með voðalegum afleiðingum oft á tíðum!
Verður þá endastöðin önnur en í upphafi var áætluð.
Tvöföldunin mun þó þegar hafa dregið eitthvað úr slysahættunni geri ég ráð fyrir, en hún er sannarlega áfram fyrir hendi og mikil, ef hraðanum er ekki haldið niðri!

Ökufanta, oft þú sérð,
ólma á þessum stað.
hálfvita á hraðri ferð,
til Heljar, eða hvað!?

Hraðakstur á Reykjanesbraut

Athugasemdir

[Kristján Sigurður Kristjánsson, 10.11.2007 kl. 22:48]

Að mínu mat voru allir þó undir hámarks hraða.

[Magnús Geir Guðmundsson, 10.11.2007 kl. 22:54]

Takk fyrir það Kristján, en undir LEYFILEGUM hámarkshraða voru menn ekki, um það snýst þetta víst og þess vegna eru menn teknir og/eða að grunur leikur á um ölvun!

[Helga Guðrún Eiríksdóttir, 11.11.2007 kl. 03:35]

Hvaða LEYFILEGUR

[Helga Guðrún Eiríksdóttir, 11.11.2007 kl. 03:36]

Hvað má?

[Magnús Geir Guðmundsson, 11.11.2007 kl. 04:12]

Hér kemur svar, háttvirta Helga Guðrún!

Öldrykkju í ökutúr,

engar leyfa rullur.

En það má klæða konu úr

og "KEYRA hana fullur"!

[Magnús Geir Guðmundsson (IP-tala skráð) 11.11.2007 kl. 10:34]

Sæll alnafni. 

Gæti nú alveg verið að þessir hafi verið á löglegum hraða með kraftmiklum græjum....og þar sem þú ert ekki dómari í þessu máli þá eru þessir einstaklingar grunaðir

Annars ber þessi vegur alveg 130-150 km/h ef fólk nennir að leggja frá sér símann og keyra meðan undir stýri.

Bíður þarna á góðviðrisdegi og þú ættir að sjá einhverja vera á 200+ og nálægt 300 ef þú ert heppinn, allt gert án ofsa í garð annara ökumanna.  Svo eru reglulega haldnar spyrnukeppnir á krísuvíkurvegi og veginum lokað til að saklausir borgarar vandræðist ekki inn á svæði og fái 2 bíla á móti sér á um og yfir 300.

Tími til að byggja kappasktursbraut?.....nei nei....

[Magnús Geir Guðmundsson, 11.11.2007 kl. 12:29]

Sæll sjálfur, MGG.

Ýmislegtr í heiminum "getur nú vel verið" já, en hvað eða það sem þú gegur í skyn, verður þú að segja umyrðalaust!

Þetta er annars ekkert flókið, ákveðin hámarkshraði er í gildi, ef lögreglan mælir menn yfir honum, þá eru menn sektaðir eða eftir atvikum sviptir ökuleyfi!

[Magnús Geir Guðmundsson, 11.11.2007 kl. 12:50]

Veit svo ekki betur, en að kapparkstursbraut sé nú eimmitt á teikniborðinu í Reykjanesbæ!

Ólafur Formulu eitt dómari Guðmundsson, eitthvað komið nálægt því ef ég man rétt!?

[Magnús Geir Guðmundsson (IP-tala skráð) 12.11.2007 kl. 01:38]

Það sem ég gef í skyn er að lögreglan hefur ekki dómsvald á Íslandi þannig að fólk er einungis grunað af henni.  Fyrr en dómsvald hefur komist að sekt eða sýknu þá er fólk saklaust af kærum nema sátt hefur verið undirrituð.

http://www.icelandmotopark.com/

"Stjórn byggðastofnunar ákvað á fundi sínum 27 apríl síðastliðin að lána allt að 200 milljónum til uppbyggingar á fyrsta áfanga Iceland Motopark svæðisins í Reykjanesbæ. Um er að ræða langtímafjármögnun á þessum fyrsta áfanga verkefnisins og gert er ráð fyrir að svæðið verði fullbyggt í lok ársins samtals um 7 hektarar. þessum fyrsta áfanga motoparksins verður meðal annars byggð Go-kart braut á heimsmælikvarða ásamt þjónustubyggingu sem hýsir m.a. kennslustofur, aðstöðu fyrir ökukennara, veitingasölu ofl."

Íslenska ríkið var semsagt að lána 200 milljónir til að smíða Go-Kart braut og veitingaskála.

Ekkert hefur verið ákveðið um byggingu akstursbrautar fyrir almenn ökutæki og þó að svo væri er ekkert ákveðið um að íslenskir ökumenn hafi aðgang að því svæði og þótt að svo væri þá verður kostnaðurinn gríðarlegur þar sem þetta er marg milljarða framkvæmd.  Og á meðan hefur hestaíþróttum verið úthlutað svæðum í útjaðri borgarinnar og reiðstígar verið byggðir með peningum sem eru fengnir með álögum á eldsneyti.

Hvar annars heldur þú að lögreglan fái reynslu í að elta ofsaökumenn? (á sömu götum og þú keyrir á)

[Magnús Geir Guðmundsson, 13.11.2007 kl. 10:40]

Takk fyrir það nafni!

Þú staðfestir það sem mig minnti um þessa braut. Hins vegar man ég ekki betur, en nefndur Ólafur hafi nú samt verið að tengja þetta við almennan akstur líka og hvði hví skildi þetta svæði ekki líka vera nýtt fyrir fleira en keppnir?

En varðandi lögregluna og hennar vald eða ekki, þá er nú óþarfi að fjölyrða mikið um það sem við báðir vitum, hún hefur samkvæmt reglugerðum það hlutverk að gylgjast með og stöðva eftir atvikum þá er aka yfir löglegum hámarkshraða samkvæmt þeim mælitækjum er þeir hafa í sínum bílum. Sömuleiðis hafa þeir vald til að stöðva akstur ef hann er á einhvern hátt óeðlilegur, gefur tilefni til að um ölvun og/eða fíkniefnadæmi geti verið að ræða. Þú veist að í slíkum málum, þegar menn eru STAÐNIR AÐ VERKI eins og þar stendur, þá er spurningin um sönnun formsatriði. Líkt og þú örugglega líka, þekki ég ótal manns sem hafa verið teknir fyrir of hraðan akstur og fengið sekt, engin þeirra svo ég viti hefur gert annað en að borga sektirnar!