Mikið var!

Eftir heldur betur langt frí, ugglaust í þágu leti og leiðindahluta, hefur minn gamli félagi til óteljandi ára hann Bubbi J'ons, loksins skrúfað aftur frá sínum hyldjúpa en líka háheimspekilega hugsanagangi og er byrjaður aftur með krafti að blogga!

bubbinn.bloggar.is!

Karlinn kannski ekki sá allrabesti í málfræðinni, en góður stílisti er hann og nær oftar en ekki glæstu flugi ef sá gállinn er á honum!
Kímni er heldur ekki ókunnug í fari hans, stríðni sömuleiðis og leiðindi, en það síðasttalda skrifast nú á þá staðreynd að hann hefur langtímum saman um ævina verið næsta fjarri móður sinni, hinni yndislegu Jenný, sem búið hefur með karli sínum og föður bubba honum Jóni, austur í Bárðardalnum besta!
Nú allir sem una innihaldsríkum orðaflaumi um allan fjandan, meira að segja ofurgáfulegum og andríkum tónlistarpælingum endrum og sinnum, ættu því ekki að láta sig vanta í heimsóknum reglulega á Bubbann, mæli með því!

Athugasemdir

[Karl Jónas Thorarensen, 27.9.2007 kl. 19:47]

Öllu má nú hrósa nú til dags. Að draga fram afdala  bloggara og útlista það grey sem einhvern snildarpenna er nú einhver mesta fantasía sem mannkynið hefur sett fram. Með harm í hjarta og útgrátinn augu verð ég þó að viðurkenna það. Hann bubbibb er mjög góður penni.

(ég þekki ekki björn skeggjaða jónsson. je right)

[Magnús Geir Guðmundsson, 28.9.2007 kl. 09:00]

Haha, takk fyrir það Karl Jónas, þú hljómar reyndar eins og efnilegur Ragnar Reykás, kannski ertu frændi hans?

Björn skeggjaði, hver er það?