Þungarokkið þeysir aftur af stað á Rás tvö!

Jæja góðir rokkhálsar, þá er að líkum merk stund að renna upp að nýju á Rás tvö, þungarokksþáttur aftur komin á dagskrá, eftir áralangt hlé!
Metal upp á engilsaxnesku (einhverra ókunnra hluta vegna) er nafnið "Frumlega" á þættinum og umsjónarmaður hans verður Arnar Eggert Thoroddsen blaðamaður á Mogganum og sem séð hefur um það í sumar, að dæma erlendu plötu vikunnar á rás tvö!
Ég er nú orðin svo gamall að muna nær 25 ár aftur í tímann þegar "Skagatröllið" knáa, Siggi Sverris, byrjaði með slíka þætti og afbragðsgóða! Sá hann um þá um árabil og nefndust þeir þá bárujárn! Nokkuð snemma fór að gæta ýmissa annara spekinga á sviði þungarokks í þættinum, man þar eftir Guðmundi Hannes Hannessyni gítarleikara síðar í Bootlegs (og GÓÐVINI dR. Gunna!) LOvísu Sigurjónsdóttur frá Sauðárkróki, mikilli þungarokksdömu og svo síðast en ekki síst, Finnboga Marinóssyni, sem seinna tók alfarið við kyndlinum af Sigga minnir mig og nefndist þátturinn þá FM!Þau Guðmundur og Lolla, komu þó líka eitthvað við stjórn þáttarins á mismunandi tímum! Veit ekki með þau tvö, en finnbogi hefur eftir að hann fluttist hingað norður og setti upp sína ágætu ljósmyndastofu, Dagsljós, aldeilis komið við sögu aftur í útvarpsmennsku, var með fínan rokkandi morgunþátt á stöð sem mig minnir að hafi heitið ljósvakinn! (kann þó að misminna um það nafn!)
Ekki löngu eftir að Siggi byrjaði með þáttinn, varð ég þess heiðurs aðnjótandi, strákstaulinn blautur á bak við eyrun, að verða fyrsti svona utanaðkomandi gesturinn í þættinum, en koma í þáttin með óskalög, voru verðlaun í nýrri getraun þáttarins!
Gerði ég mér sér ferð suður til að vera í þættinum og varð þetta upphafið af ágætum kynnum okkar Sigga!
En semsagt, nú er sagan komin í hring einhverjum 24 eða 25 árum eftir að hún hófst, aftur þungarokksþáttur að byrja á rás tvö!
Bloggvinir mínir Jens Guð og Kiddi Rokk, hafa farið fögrum orðum um Arnar Eggert og hans þekkingu á viðfangsefninu, dreg það ekkert í efa, þótt ég hafi líka heyrt raddir úr hinni áttinni og neikvæðari um drenginn.
En vonandi verður þetta bara hið besta mál og þátturinn sé komin til að vera allavega í vetur!
Hann hefst nú á eftir kl. 22.10!

Athugasemdir

[Jens Guð, 14.9.2007 kl. 20:28]

  Þetta er hin fróðlegasta samantekt.  Gaman þætti mér að átta mig á því hver Lovísa Sigurjónsdóttir frá Sauðárkróki er.  Hún er sennilega nokkuð yngri en ég.  Það er alltaf gaman að heyra af þungarokksfróðum Sauðkrækingum. 

[Magnús Geir Guðmundsson, 14.9.2007 kl. 21:34]

Blessaður félagi Jens!

Þú kemur mér eiginlega á óvart að hafa ekki heyrt um þessa stúlku, hygg hún sé á mínum aldri (liðlega fertug kannski) og ég vonað ég fari ekki rangt með nafn hennar né að hún hafi komið af Króknum. Kiddi gæti örugglega sagt þér allt um hana, hún fórörugglega í margar ferðir bæði til Donnington á Monsters Of Rock og Reading Festival! Kynntist henni ekki neitt, en hún var í sömu ferð og ég til Donnington 1987 og svo man ég eftir henni á hátiðinni í Kaplakrika ´91 líklega er GCD komu til dæmis fyrst fram!(á stórtónleikum allavega!)

Og svo veit ég ekki betur, en þessi ágæta stúlka hafi einmitt teiknað myndina á Drýsilsplötunni umræddu, eða hún komið á einhver hátt nálægt umslaginu!