Misjafnt!

æææ, voðalegt gervipoppsgrugg er þetta búið að vera!
Jújú, 20000-30000 á Laugardalsvellinum og einhver stemning, en Palli, Nylon, nýja strákabandið og Múgison ekki mjög "lífræn" verð ég að segja, vélrænan ræður ríkjum, þótt múgison og Todmobile núna síðast þegar þetta er skrifað, séu skárri en hin. Sólin, Helgi Björns og Co. líka búin að koma fram, en heyrði bara hluta af "Halló, ég elska þig" sem var bærilegt.
Bubbi, Bo, Stuðmenn og Garðar Cortes eftir.
Lengi getur gott batnað, eða var það öfugt, lengi getur vont versnað...?
Sjáum til!
Klukkutíma síðar!
Lengi getur slæmt skánað, Bubbi karlinn reif þetta upp og já eftir að strákurinn Garðar Thor Cortes hafði sungið sérlega vel Granada! Og nú voru gestir á vellinum líka orðnir um 40000 að sögn Palla og vildi hann meina að met væri slegið, en mig minnir nú að mun fleiri hafi verið taldir þarna fyrir tveimur eða þremur árum er bubbi og Egó spiluðu á Menningarnótt á Miðbakkanum í Reykjavík!? En aldrei fleiri á Laugardalsvellinum, jújú, mikil ósköp!
Og síðast komu Stuðmenn og Bo held ég, en gafst upp áður en yfir lauk. Það sem hafði batnað að mun, fór aftur versnandi!en sjálfsagt hefði ég skemmt mér mun betur, verandi á staðnum.
Og því miður reyndist skensið mitt frá því í morgun ekki rétt, Sigurður E hvergi sjáanlegur! En meira fjör á morgun á Menningarnóttinni, Miklatúnið með Vonbrigði (sem voru frábærir í Kastljósi í kvöld!) Mínus, Ljótu hálfvitunum, Megasi og Mannkornum meðal annara og verður útvarpað beint á Rás tvö.

Aldrei fleiri á Laugardalsvelli

Athugasemdir

[Jens Guð, 18.8.2007 kl. 02:19]

  Ég veit ekki hverjar upphrópanir voru um aðsókn í Laugardal í kvöld.  Bara gott að þar var fjölmenni í góðu veðri.  Kannski  var aðsókn 30 - 40.000 manns.  Loftmyndir sýndu hátt í 110.000 manns á hljómleikum Egós á menningarnótt fyrir nokkrum árum.  Munurinn er þó sá að hljómleikum KB banka var sjónvarpað í beinni.

  Bara gott hjá KB banka að slá sér upp í kvöld í stað þess að lækka fit kostnað og dráttarvexti. 

  Ég heyrði aðeins frá framlagi Garðars Corters.  Maðurinn er góður söngvari og áreiðanlega hinn vænsti drengur.  En mikið helvíti sem þetta er leiðinleg músík.

[Magnús Geir Guðmundsson, 18.8.2007 kl. 15:22]

Þarna erum við samt félagi Jens, að tala um rokk og ról fyrri alda, Granada mikil söngperla sem tenorsöngvarar glíma gjarnan við! Hitt er svo annað þessi mixtúra popps og klassíkur, hún er oft á tíðum ekki vel heppnuð!

Bankarisinn heitir víst núna bara Kaupþing. Og fjöldin var já mun meiri þarna hjá Egó eins og mér fannst.