Bara hið besta mál að mótmæla!

Stefán Pálsson er náungi sem ég hef alltaf haft lúmskt gaman af, er skemmtileg manngerð, svona blanda af mennta/gáfumanna tegund og skólastráksstaula, sem ekki alltaf er með lífið og tilveruna á hreinu!
Er líka skemmtilegur bloggari, þótt mér hafi fundist sumt sem hann skrifar í pólitísku skyni, ekki alltaf sanngjarnt né að mínu skapi, en það er nú aukaatriði!
Ég er og hef alltaf verið hlyntur borgaaralegum og ákveðnum mótmælum, þar sem gagnrýnin er vel og skilmerkilega fram sett!
Eins og flestum landsmönnum, fannst mér sömuleiðis og finnst enn, Íraksstríðið og allt sem því hefur fylgt, meiriháttar slys umvafið mistökum á mistök ofan. Og meðan skilgreiningin á hvað við í raun og veru þurfum á að halda varðandi varnir og eftirlit um og við landið, er ekki enn á tæru, t.d. varðandi yfirtökuna á ratsjárstöðvunum, finnst mér líka gagnrýnin umræða og mótmæli sem þessi, fullkomlega eiga rétt á sér og vera beinlínis nauðsynleg!
Við búum jú í lýðfrjálsu landi, þar sem flest sjónarmið og skoðanir eiga rétt á að heyrast og ef Stefán fer ekki að hlekkja sig við vélbyssu, eða ráðast á hermenn með "alvæpni ættuðu úr safni Orkuveitunnar" þá er ekki ástæða til annars en að kvetja þá sem vilja, til að mæta og mótmæla!

Hernaðarandstæðingar mótmæla varnaræfingu

Athugasemdir

[Sæþór (IP-tala skráð) 14.8.2007 kl. 00:14]

Og við gerum þá hvað ef á okkur væri ráðist? Skjótum til baka með rifflum og kindabyssum?

Hernaðarandstæðingar eru ekki alveg með á nótunum virðist vera. Ef við hefðum verið svona varnarlaus þegar Vladimír Zirínovsky var í stjórn Rússa gætum við þess vegna verið fanganýlenda Rússa í dag ef Bandaríkjamenn hefðu ekki verið hér og ef þó ekki látið þá óáreitta í ásókn. Við verðum að hafa varnarher því það er ekki eins og við gerum mikið með 3 þyrlum, þyrlu björgunarsveitanna, þyrlu lögreglunnar og einkaþyrlu gaursins sem keypti hana til einkanota um daginn, og hvað þá með 300.000 manna íslenska þjóð sem gefur ekki mikið fyrir svona... Ef þetta myndi nokkru sinni gerast... sjáum viðbrögð þessara sömu fífla 20 árum eftir að það gerðist... Mestu andstæðingarnir og helstu stuðingsmenn hers á Íslandi