Faðmlagafræðsla!

Bolungarvík (nú eða Bolungavík, svo ég styggi nú engan!) er um margt merkilegur bær og þar er mannlífið gott þrátt fyrir ágang í atvinnulífinu.
Ekki fannst mér heldur skemma fyrir þegar ákveðið var að ráða bassaleikarann góðkunna og tónleikahaldarann með meiru Grím Atlason í stól bæjarstjóra, en þar voru margar flugur slegnar í einu höggi! Ekki nóg með að bærinn eignaðist þannig hæsta bæjarstjóra landsins, Grímur tröll að vexti, á þriðja metra, heldur fjölgaði í bænum við þetta í hátt í tíu! Grími fylgdi nefnilega eiginkonan glæsta og ljóngáfaða, Helga Vala Helgadóttir og fjöldi barna sem eru a.m.k. sex!
Nú, svo gerast forsetar bæjarstjórnar vart sætari né sniðugri, en Soffía VAgns, ein hinna fjölmörgu Vagnsbarna (Hrólfur harmonikkusnillingur m.a. eitt þeirra líka) sem einmitt kom þessari merku Ástarviku í gang ef ég man rétt!
Námskeiðið núna í faðmlögum vekur forvitni og áhuga hjá mér, ég tala nú ekki um ef Soffía kæmi þar við sögu!?

Ástarvikan enn er frétt
og aldeilis til gagns.
Ef fræðslan í að faðma nett,
fæst hjá Soffíu Vagns!

Ástarvika haldin í fjórða sinn í Bolungarvík

Athugasemdir

[Árni Gunnarsson, 10.8.2007 kl. 17:35]

Mér líst heldur vel á þessar stjórnsýslutilraunir ykkar risavaxna bæjarstjóra. Fyrir utan það að ég veit að flestir karlar öfunda ykkur af bæði Soffíu Vagnsdóttur og bæjarstjórafrúnni.

Ég legg til að þeir sem fengið hafa umboð til að setja þessari þjóð lög taki ykkur Bolvíkinga sér til fyrirmyndar.

Ég legg til að þeir byrji á Faðmlögum!!!!!

[Magnús Geir Guðmundsson, 10.8.2007 kl. 17:53]

Þakka kærlega fyrir innlitið árni og góð orð til bæjarbúa vestur á fjörðum!

Bara svolítill misskilningur á ferð, sem ég leiðrétti nú snarlega, er ekki sjálfur íbúi þarna eða ættaður þaðan, heldur þingeyskur Eyfirðingur í bænum við Pollinn!