Maggi Eiríks og KK - Strákar, fer þetta nú ekki að verða gott!?

Hef aðeins að undanförnu lagt eyrun við nýjustu plötu góðkunningja minna frá fornu fari, Magga Eiríks og Kk, en setti einmitt líka saman um þá smá limrukorn um helgina og sjá má hér aðeins neðar.
Þessi ferðalagaplata þeirra, Langferðalög, er áreiðanlega þriðja ef ekki fjórða platan í þessum dúr sem þeir senda frá sér (mér finnst einhverra hluta vegna að þær séu reyndar fjórar frekar en þrjár, en skiptir ekki alveg öllu) undir öruggri stjórn hygg ég allan tíman, útgefandans og hugsuðarins Óttars Felix Haukssonar!
Af undirtektunum um helgina á Flúðum að dæma og reyndar víðar um land, kann nú landinn enn vel að meta þá félaga og meðferð þeirra á hinum ýmsu "Rútubílasöngvum" með meiru, enda þetta sem slík þörf útgáfa í því augnamiði að viðhalda þessum lögum í minni þjóðarinnar og kynna þau jafnframt fyrir nýjumog yngri kynsllóðum!
Og af því þetta hefur gengið svo vel, þá hefur auðvitað gróði myndast og sama gamla sagan endurtekið sig, "að mjólka kúna á meðan hún gefur"!
En vegna þess að þessir þrír nefndu menn eru höfðingjar, þá er mér óhætt að spyrja:
Strákar, er ekki núna komið nóg?
Nefnilega löngu komin tími á nýja ALVÖRU skífu með frumsömdum lögum finnst mér nú!
Vonandi gera þeir eitthvað í því fyrr frekar en seinna.
Svo má ég til með að montast smá í lokin.
Mér veittist nefnilega sá heiður í Deiglunni fyrir um áratug, að taka fyrstu almennilegu myndirnar af þeim saman er fyrsta platan þeirra, Ómissandi fólk, var að koma út!
Er ekki já örugglega komin áratugur síðan það gerðist? Held það!

Athugasemdir

[Jens Guð, 9.8.2007 kl. 02:06]

  Mér skilst að tekin hafi verið ákvörðun á sínum tíma um að það kæmi ný svona plata út á hverju sumri.  Ég held að þetta sé þriðja platan. 

[Magnús Geir Guðmundsson, 9.8.2007 kl. 22:04]

Vonandi þó ekki að eilífu félagi Jens?

[Óttar Felix Hauksson (IP-tala skráð) 20.8.2007 kl. 23:50]

Þetta er síðasta platan í "ferðalaga"flokknum. Það var lagt upp með það í byrjun að þetta yrðu þrjár plötur. Þær hafa komið út annað hvert sumar síðan 2003, ávalt þann 1. júlí. Hún er hárrétt hjá þér Magnús markmiðslýsingin (að viðhalda þessum lögum í minni þjóðarinnar og kynna þau jafnframt fyrir nýjum og yngri kynslóðum)

Bestu kveðjur,

Óttar Felix Hauksson